Аскофен П № 10 табл

Сипаттама

Дәрілік затты медициналық қолдану жөніндегі нұсқаулық

АСКОФЕН-П

Саудалық атауы

Аскофен-П

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетка құрамында

белсенді заттар: 200 мг ацетилсалицил қышқылы, 200 мг парацетамол,

40 мг кофеин.

қосымша заттар: картоп крахмалы, төмен молекулалы медициналық поливинилпирролидон, стеарин қышқылы, кальций стеараты, тальк, силикон эмульсиясы, вазелин майы.

Сипаттамасы

Ақ немесе крем немесе қызғылт реңді ақ түсті, ойығы және сызығы бар жазық цилиндрлік, иіссіз немесе әлсіз иісі бар таблеткалар. Мәрмәрлігіне жол беріледі.

Фармакотерапиялық тобы

Анальгетиктер. Анальгетиктер және басқа да антипиретиктер. Салицил қышқылы және оның туындылары. Ацетилсалицил қышқылы басқа препараттармен біріктірілімде.

Код АТХ N02BA51

Фармакологиялық қасиеттері

Фармакокинетикасы

Ішке қабылдаған кезде препараттың 90%-ына дейін сіңіріледі, парацетамолдың сарысудағы ең жоғарғы концентрациясы деңгейіне 1 сағаттан кейін, ацетилсалицил қышқылында – 1 сағаттан 2 сағатқа дейін, кофеинде - 2,5 сағатта жетеді.

Т_1/2 жартылай элиминация кезеңі: парацетамол үшін - (1,68+0,13) сағат, кофеин үшін- (7,78 + 1,92) сағат. Препараттың құрамдас бөліктерінің қандағы ең жоғары концентрациясы: парацетамол -(8,18 + 0,39) мкг/мл,кофеин – (8,16+0,25) мкг/мл.

Ең жоғары (Т_мах) концентрациясына жету уақыты:парацетамолда – (0,86 + 0,12) сағат, кофеинде - (2,42 + 0,18) сағат.

Организмнен ацетилсалицил қышқылы мен парацетамолдың 80%-ы бүйрек арқылы шығарылады.

Фармакодинамикасы

Аскофен-П-ықпал етуі құрамына кіретін компоненттердің жиынтық әсерімен шартталған біріктірілімді препарат. Ауыруды басатын, қызу түсіретін және қабынуға қарсы әсер етеді.

Ацетилсалицил қышқылы простагландиндер синтезін реттейтін 1 және 2 циклооксигеназалардың баяулауына байланысты ауыруды басады, қызуды түсіреді және қабынуға қарсы әсер етеді; тромбоциттер агрегациясын тежейді.

Кофеин жұлынның рефлекторлық қозғыштығын жоғарылатады, тыныс алу және қан тамырларының қозғалыс орталықтарын қоздырады, қаңқа бұлшық еттерінің, мидың, жүректің, бүйректің қан тамырларын кеңейтеді, тромбоциттер агрегациясын төмендетеді; ұйқышылдықты, шаршау сезімін азайтады, ой және дене еңбегіне қабілетті арттырады.

Парацетамол қызу түсіреді, ауыруды басады.

Қолданылуы

- шығу тегі әртүрлі бас ауыруында

Қолдану тәсілі және дозалары

Ересектерге және дене салмағы 50 кг және одан асатын 15 жастан асқан балаларға: препаратты тамақтан кейін тәулігіне 2-3 рет 1-2 таблеткадан ішке қабылдайды. Тәуліктік ең жоғары доза - 6 таблетка. Препаратты қабылдаулардың арасындағы үзіліс 4 сағаттан кем болмауға тиіс. Асқазан-ішек жолдарын тітіркендіретін әсерлерін кеміту үшін препаратты сумен, сүтпен, сілтілі минералды сумен іше отырып, тамақтан кейін қабылдаған жөн.

Бүйрек немесе бауырфункцияларының бұзылуы кезінде қабылдаулар арасындағы үзіліс 6 сағаттан кем болмау керек.

Препаратты ауыруды басатын зат ретінде тағайындағанда 5 күннен артық және қызу түсіретін дәрі ретінде 3 күннен артық қабылдауға болмайды. Басқа дозалану мен қолдану сызбаларын дәрігер белгілейді.

Құрамында кофеин бар, сондықтан ұйықтар алдында қабылдамау керек.

Жағымсыз әсерлері

- анорексия, жүрек айнуы,құсу,гастралгия, диарея

- асқазан-ішек жолының эрозиялы-ойық жаралы зақымдануы

- асқазан-ішектік қан кету

- гипогликемия, гипогликемиялық комаға дейін

- бауыр және/немесе бүйрек жеткіліксіздігі

- артериялық қысымның жоғарылауы

- тахикардия

- аллергиялық реакциялар (тері бөртпесі, Квинке ісінуі, бронх түйілуі).

Ұзақ уақыт қабылдағанда:

- бас айналуы, бас ауыруы

- көру бұзылулары, құлақтағы шуыл

- тромбоциттер агрегациясының төмендеуі,гипокоагуляция

- геморрагиялық синдром (мұрыннан қан кету, қызылиектің қансырауы, пурпура және басқалар)

- бүйректің папиллярлы некрозбен зақымдануы

- кереңдік

- Стивенс-Джонсон синдромы

- уытты эпидермалды некролиз (Лайелл синдромы)

- балалардағы Рей синдромы (метаболизмдік ацидоз, жүйке жүйесі және психика жағынан бұзылулар, құсу, бауыр функциясының бұзылуы).

Қолдануға болмайтын жағдайлар

- ацетилсалицил қышқылына немесе басқа стероидтық емес қабынуға қарсы препараттарға (СҚҚП) немесе ксантиндерге жоғары сезімталдық;

препараттың басқа құрамдас бөліктеріне жоғары сезімталдық

- асқазан-ішек жолының эрозиялы-ойық жаралы зақымдануы (асқыну кезеңіндегі), асқазан-ішектік қан кету

- бауыр немесе бүйрекфункцияларының айқын бұзылулары

- ацетилсалицил қышқылын, салицилаттарды және басқа стероидтық емес қабынуға қарсы заттарды қабылдаудан кейін үдейтін демікпе

- геморрагиялық диатездер (Виллебранд ауруы, гемофилиялар, телеангиоэктазиялар, гипотромбинемия, тромбоцитопения, тромбоцитопениялық пурпура), лейкопения, анемия

- қолқаның қатпарлы аневризмасы

- глюкоза-6-фосфатдегидрогеназа тапшылығы

- порталды гипертензия, К дәруменінің тапшылығы, туа біткен гипербилирубинемия

- қозудың күшеюі, ұйқының бұзылуы, үрейлену бұзылыстары (агорафобия, үрейлі бұзылыстар)

- жүрек-қан тамырлары жүйесінің органикалық аурулары (жедел миокард инфарктісі, ауыр ағымдағы жүректің ишемиялық ауруы, артериялық гипертензия), пароксизмалдық тахикардия, жиі қарыншалық экстрасистолия

- алкоголизм

- егде жас

- глаукома

- қан кетумен бірге жүретін хирургиялық араласулар

- жүктілік және лактация кезеңі

- 15 жасқа дейінгі балалық кезең

- моноаминоксидаза тежегіштерін қолданғанда, сондай-ақ оларды қолдануды тоқтатқаннан кейінгі екі апта ішінде

- аптасына 15 мг және одан асатын дозада метотрексатпен біріктірілімі

Дәрілермен өзара әрекеттесуі

Гепариннің, тікелей емес антикоагулянттардың, резерпиннің, стероидты гормондар мен гипогликемиялық заттардың әсерін күшейтеді. Спиронолактонның, фуросемидтің, гипотензиялық препараттардың, несеп қышқылының бөлінуіне ықпал ететін подаграға қарсы дәрілердің тиімділігін кемітеді.

Глюкокортикостероидтардың, сульфонилмочевинаның туындылары, метотрексаттың, есірткілік емес анальгетиктер мен стероидтық емес қабынуға қарсы препараттардың жағымсыз әсерлерін күшейтеді.

Препараттың барбитураттармен, эпилепсияға қарсы заттармен, зидовудинмен, рифампицинмен және құрамында алкоголь бар сусындармен біріктірілмегені дұрыс (гепатоуыттық әсер қаупін арттырады).

Парацетамолдың ықпалымен хлорамфениколдың шығарылу уақыты 5 есеге ұлғаяды. Кофеин эрготаминнің сіңірілуін жеделдетеді.

Салициламид пен басқа да микросомалдық тотығудың стимуляторлары парацетамолдың бауыр функциясына әсер ететін уытты метаболиттерінің түзілуіне ықпал етеді. Метоклопрамид парацетамолдың сіңірілуін жылдамдатады. Қайталап қабылдағанда парацетамол антикоагулянттардың (дикумариннің туындылары) әсерін күшейтуі мүмкін.

Айрықша нұсқаулар

Препаратты ұзақ қабылдаған кезде шеткері қанды және бауырдың функционалдық жағдайын тексерту қажет. Ацетилсалицил қышқылы антиагреганттық әсер көрсететіндіктен, егер пациентке хирургиялық араласым жоспарланған жағдайда, ол осы препаратты қабылдап жүргені жайында дәрігерге алдын ала ескерту қажет. Төмен дозадағы ацетилсалицил қышқылы несеп қышқылыныңшығарылуын кемітеді. Бұл бірқатар жағдайларда подагра ұстамасына түрткі болуы мүмкін.

Емделу кезеңінде құрамында алкоголь бар сусындарды пайдаланудан бас тартқан жөн (асқазан-ішектік қан кету қаупін ұлғайтады).

Ацетилсалицил қышқылының тератогендік әсері бар: жүктіліктің I триместрінде қолданғанда – таңдай жырығының ақауы дамуына алып келеді; III триместрде – босану қызметінің тежелуіне (простагландиндер синтезін тежейді),өкпе тамырларының гиперплазиясын және қан айналымының кіші шеңберіндегі тамырлар гипертензиясын туындататын шарананың артериялық түтігінің жабылуына ықпал етеді. Ацетилсалицил қышқылы емшек сүтімен бөлінеді, бұл тромбоциттер функциясы бұзылуы салдарынан балада қан кету қаупін жоғарылатады.

Препаратты 18 жасқа дейінгі адамдарға ауыруды басатын зат ретінде тағайындамайды, қызу түсіретін зат ретінде Рей синдромының даму қаупі бар болғандықтан (энцефалопатия және бауыр жеткіліксіздігін жедел өршітетін бауырдың жедел майлы дистрофиясы) вирусты инфекциялар туғызған жедел респираторлық аурулары бар 15 жасқа дейінгі балаларға тағайындамайды.

Препаратты құрамында парацетамол, ацетилсалицил қышқылы, кофеин бар басқа дәрілермен қолдануға болмайды.

Көрсетілген дозадан асырмау керек.

Құрамында кофеин (шай, кофе және т.б.) бар сусындардың шамадан тыс мөлшерін тұтынуға болмайды.

Бауыр және бүйрек функциясы бұзылған пациенттерге қолдану мүмкіндігіне қатысты дәрігермен кеңесу қажет.

Гиперурикемияда, уратты нефролитиазда, подаграда, асқазанның және/немесе он екі елі ішектің ойық жаралы ауруында (анамнездегі), ауыр дәрежелі жүрек жеткіліксіздігінде сақтықпен тағайындау керек.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері.

Бас айналуы сияқты жағымсыз әсерлер дамуы мүмкіндігін ескере отырып, көлік құралдарын немесе қауіптілігі зор механизмдерді басқарғанда сақ болу керек.

Артық дозалануы

Симптомдары: жүрек айнуы, құсу, асқазандағы ауырулар, тершеңдік, тері жабындарының бозаңдығы, тахикардия. Жеңіл уланған кезде – құлақтағы шуыл; ауыр уланған кезде - ұйқышылдық, коллапс, құрысулар, бронх түйілуі, тыныс алудың қиындауы, анурия, қан кету. Уланудың күшеюіне қарайөршіген тыныс алу салдануыжәне респираторлық ацидозды туғызатын тотықтырғыш фосфорланудың ажырауы ықтимал. Уланудан күдіктенген бойда шұғыл дәрігер көмегіне жүгіну қажет.

Емі: асқазанды шаю, адсорбент тағайындау (белсендірілген көмір), қажет болғанда симптоматикалық ем.

Артық дозалану симптомдары болмаса да, медициналық жедел жәрдем қажет.

Шығарылу түрі мен қаптамасы

Пішінді ұяшықсыз қаптамада 10 таблеткадан. Пішінді қаптамалар мемлекеттік және орыс тілдеріндегі медициналық қолдану жөніндегі нұсқаулықтармен тең мөлшерде топталған қаптамаға салынады.

Сақтау шарттары

Құрғақ, жарықтан қорғалған жерде 25⁰С-ден аспайтын температурада сақтау қажет.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецептісіз

Өндіруші

"Фармстандарт-Лексредства" ААҚ,

305022, Ресей, Курск қ., 2‑ші Агрегатная к-сі, 1а/18

Тіркеу куәлігінің иесі

“Отисифарм” ЖАҚ,

123317, Ресей, Мәскеу қ., Тестовская к-сі, 10 үй

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын; дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

"Қарағанды фармацевтикалық кешені" ЖШС,

100009, Қазақстан Республикасы, Қарағанды қ., Ботаникалық к-сі, 12 үй

Тел/факс: +7 (7212) 437002

Тел: + 7 (7212) 507322

E-mail: kphk@kphk.kz

Қалалар