Сипаттама
Дәрілік затты медициналық қолдану
жөніндегі нұсқаулық
Аскорбин қышқылы
Саудалық атауы
Аскорбин қышқылы
Халықаралық патенттелмеген атауы
Аскорбин қышқылы
Дәрілік түрі
Инъекцияға арналған ерітінді 50 мг/мл
Құрамы
Бір ампуланың ішінде
белсенді зат - аскорбин қышқылы - 50,0 мг 1 мл немесе 100,0 мг 2 мл,
қосымша заттар: натрий гидрокарбонаты, сусыз натрий сульфиті, инъекцияға арналған су.
Сипаттамасы
Мөлдір түссіз немесе сәл боялған ерітінді.
Фармакотерапиялық тобы
Ас қорыту жолы және зат алмасу. Дәрумендер. Аскорбин қышқылы (С дәрумені), біріктірілімдерін қоса. Аскорбин қышқылы таза түрде. Аскорбин қышқылы.
АТХ коды А11GA01
Фармакологиялық қасиеттері
Фармакокинетикасы
Таралуы: тіндерге кеңінен таралады, қан плазмасы ақуыздарымен байланысуы 25% жуық. Аскорбин қышқылы үлкен концентрацияда лейкоциттерде және тромбоциттерде анықталады.
Аскорбин қышқылы плацента арқылы енеді.
Метаболизм: дегидроаскорбин қышқылына дейін жылдам қышқылданады және аз дәрежеде қымыздық қышқылына және фармакологиялық белсенді емес аскорбат-2-сульфатқа дейін метаболизденеді. Метаболизм жылдамдығы еркектерге қарағанда әйелдерде жоғары болады.
Шығарылуы: жоғары дозаларын енгізгенде аскорбин қышқылы несеппен жылдам шығарылады, шамадан тыс мөлшерде түскенде және вена ішіне енгізгенде 40 % жуығы 8 сағат ішінде шығарылады, тіндер аскорбин қышқылымен қаныққанан кейін шығарылу жылдамдығы алғашқы 8 сағат ішінде 70 % дейін үдей түседі. Негізінен өзгермеген түрде шығарылады, метаболиттер концентрациясы аскорбин қышқылының енгізілген дозасына байланысты. Аскорбин қышқылының шығарылу қарқындылығы әйелдерде етеккір циклінің фазасына байланысты және ішілетін гормональді контрацептивтерді қолданғанда төмендейді.
Аскорбин қышқылы емшек сүтіне шығарылады.
Қымыздық қышқылы және аскорбат-2-сульфат несеппен шығарылады.
Фармакодинамикасы
Аскорбин қышқылы – коллаген және жасушаішілік заттардың түзілуіне, оның ішінде шеміршек және сүйек тіндері түзілуіне және жаралардың жазылуына қажетті суда еритін дәрумен.
Аскорбин қышқылы фолий қышқылынан фолин қышқылы синтезіне қатысады, асқазан-ішек жолында темірдің сіңуін қамтамасыз етеді, гемоглобин синтезіне және эритроциттердің функционалдық жетілуіне әсер етеді.
Қолданылуы
Цинганы емдеу және профилактикасы, С гиповитаминозы немесе авитаминозының жедел дамуы немесе аскорбин қышқылы препараттарын пероральді енгізу қиын жағдайларда аскорбин қышқылын қосымша енгізуді талап ететін басқа аурулар мен клиникалық жағдайларда.
Қолдану тәсілі және дозалары
Дәрігердің тағайындауы бойынша қолданады. Бұлшықет ішіне және вена ішіне қолданады. Ересектерге 50-250 мг (1-5 мл) күніне 1-2 рет.
Жасы 6 айлыққа дейінгі балаларға тәулігіне 20-30 мг (0,4-0,6 мл), 6-12 айлық жаста – тәулігіне35 мг (0,7 мл), 1-3 жас – тәулігіне40 мг (0,8 мл), 4-10 жас – тәулігіне 45 мг (0,9 мл), 11-14 жас – тәулігіне 50 мг (1 мл), 15 жастан асқан балаларға 60-100 мг (1,2-2 мл) тәулігіне 1 рет тағайындайды.
Ең жоғары тәуліктік доза – 100 мг.
Жағымсыз әсерлері
- артериялық қысымның жоғарылауы
- ұйқы безінің эндокриндік функциясының бәсеңдеуі (гипергликемия, глюкозурия)
- тромбоцитоз, анемия, нейтрофилез
- гиперпротромбинемия, тромбофилия
- метаболизмдік ацидоз
- аллергиялық реакциялар (оның ішінде анафилаксиялық шок)
- бүйрек функциясының бұзылуы (гломерулопатия)
- ұзақ қолданғанда нейроуытты әсеріне әкелетін мырыш және мыс алмасуының бұзылуы (қозғыштықтың артуы, ұйқының бұзылуы)
- миокардиодистрофия
- несеп-тас ауруы (несептің қышқылдық реакциясы кезінде кальций оксалатынан тастар түзілуі)
- жоғары дозалары диареяны қоса, асқазан-ішек жолы тарапынан симптомдарды туғызуы мүмкін
- жоғары дозаларда ұзақ қолданғанда және одан кейін аскорбин қышқылының әдеттегі дозаға дейін түсіп азаюы кезінде С дәрумені тапшылығы симптомдарының дамуы мүмкін.
Қолдануға болмайтын жағдайлар
– препарат компоненттеріне аса жоғары сезімталдық
– гиперкоагуляция, қазіргі кезде немесе анамнездегі тромбофлебит және тромбоэмболиялық жағдайлар;
– инсулинге тәуелді емес қант диабеті;
– гипероксалурия;
– бүйрек жеткіліксіздігі;
– үдемелі қатерлі аурулар;
– гемохроматоз;
– талассемия;
– полицетемия;
– лейкемия;
– сидеробластты анемия;
– орақ тәрізді жасушалық анемия;
– глюкоза-6-фосфатдегидрогеназа тапшылығы.
Дәрілермен өзара әрекеттесуі
Аскорбин қышқылының жоғары дозаларын қолдану несептің рН төмендеуіне әкелуі мүмкін, бұл өзекшелік реабсорбцияның артуына және қышқылдар болып табылатын дәрілік препараттардың жинақталуына әкелуі мүмкін, бұл ретте негіздері болып табылатын қосылыстардың өзекшелік реабсорбциясы төмендеуі мүмкін, бұл олардың фармакологиялық белсенділігінің төмендеуіне алып келеді.
Аскорбин қышқылы тотығу-тотықсыздану реакцияларына негізделген әртүрлі зертханалық тестілер нәтижелерін бұрмалауы мүмкін екендігін ескеру қажет. Қан плазмасында оның шамадан тыс концентрациясымен пациенттерде темірдің бүйрек экскрециясын стимуляциялау үшін аскорбин қышқылы мен десферриоксамді бір мезгілде тағайындау темірдің кардиоуытты әсерінің артуына әкелуі мүмкін. Сондықтан жүрек функциясы қалыпты пациенттерге десферриоксамин енгізудің бірінші айы ішінде аскорбин қышқылын тағайындауға болмайды, ал жүрек ауруы бар пациенттерге аскорбин қышқылы мен десферриоксаминді бір мезгілде тағайындауға болмайды.
Аскорбин қышқылының инъекциялық ерітіндісін аминофиллин, блеомицин сульфаты, эритромицин лактобионаты, нафциллин, нитрофурантоин, конъюгацияланған эстрогендер, натрий бикарбонаты, сульфофуразол диэтаноламинмен араластыруға болмайды.
Ерітінділер концентрациясы мен ерітінділер pH байланысты хлорамфениколдың натрий сукцинатымен үйлеспеуі мүмкін.
Қандағы салицилаттар концентрациясын жоғарылатады жәнеоксалурияның даму қаупін арттырады.
Этинилэстрадиол, тетрациклин және пенициллиндер сіңуін жоғарылатады.
Темірдің сіңуіне және оның қалпына келтірілген түрде жинақталуына ықпал етеді.
Аскорбин қышқылы және біріктірілген ішілетін контрацептивтер өзарабір бірінің концентрациясын төмендетеді.
Барбитураттар мен примидон аскорбин қышқылының несеппен шығарылуын күшейтеді.
Жоғары дозаларда аскорбин қышқылы амфетамин және трициклді антидепрессанттар экскрециясын ұлғайтады.
Дефероксаминмен бір мезгілде қолданғанда оның әсерін үдетеді және темірдің шығарылуын арттырады.
Тікелей емес антикоагулянттардың (фениндион, варфарин, неодикумарин) және гепариннің әсерін әлсіретеді.
Ұзақ қолданғанда хинолондар, кальций хлориді, салицилаттар мен глюкокортикостероидтар плазмада аскорбин қышқылының деңгейін және организмде оның мөлшерін төмендетеді.
Темекі шегу мен этил спирті аскорбин қышқылының метаболизмін жеделдетеді және организмде оның мөлшерін төмендетеді.
Қияр, кәді және ақжелек құрамында болатын тағамдық өнімдер аскорбин қышқылының емдік әсерін бәсеңдетеді.
Айрықша нұсқаулар
Жүктілік және лактация кезеңі. Аскорбин қышқылы плацента арқылы өтеді және ана сүтіне бөлінеді. Жүктілік және лактация кезеңінде аскорбин қышқылын жоғары дозада пайдалану тоқтату реакциясы сияқты жаңа туған нәрестеде аскорбин ауруы (цингаға ұқсас жай-күй) дамуына әкелуі мүмкін. Жүктілік (тәулігіне 60-70 мг) және лактация кезеңінде (тәулігіне 80-90 мг) аскорбин қышқылына қажеттілік нормасын асыруға болмайды.
Сақтықпен пайдалану. Аскорбин қышқылын гипероксалуриясы және бүйректе оксалатты конкременттері бар пациенттерге, гемохроматозбен, талассемиямен, полицитемиямен, сидеробластты анемия және лимфопролиферациялық аурулармен адамдарға тағайындағанда сақ болу қажет.
Жоғары дозада пайдалану. Аскорбин қышқылын тәулігіне 500 мг-ден артық дозада қолдану глюкоза-6-фосфатдегидрогеназа тапшылығы, орақ тәрізді жасушалыанемиясы бар адамдарда гемолиздік криздің дамуына түрткі болуы, жедел сол жақ қарыншалық жеткіліксіздіктің дамуына әкелуі мүмкін.
Онкологияда қолданылуы. Аскорбин қышқылын жылдам ұлғаятын және кең диссеминацияланған ісіктері бар пациенттерде жоғары дозаларда қолдану үдеріс ағымын ушықтырып жіберуі мүмкін. Сондықтан аскорбин қышқылын пациенттердің бұл тобында сақтықпен қолдану керек. Зертханалық көрсеткіштерге әсері. Аскорбин қышқылымен емдегенде қанның глюкоза, билирубин деңгейін, трансаминазалар және ЛДГ белсенділігін анықтау нәтижелері бұрмалануы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: аскорбин қышқылының артық дозалануы диареяны қоса, асқазан-ішек жолы тарапынан симптомдармен қатар жүруі мүмкін. Аскорбин қышқылын жоғары дозада қолдану гипероксалурияға және несептің қышқыл реакциясы кезінде бүйректе кальций оксалатынан конкременттер түзілуіне әкелуі мүмкін. Аскорбин қышқылы тәулігіне 600 мг және одан жоғары дозада диурездік әсерге ие.
Емі: дозаны азайту немесе препаратты тоқтату, симптоматикалық ем. Гемодиализ және перитонеальді диализ тиімсіз.
Шығарылу түрі және қаптамасы
1 немесе 2 мл препараттан ампулада.
Әр ампулаға қағаздан жасалған заттаңба немесе өздігінен желімделетін заттаңба жапсырылады немесе мәтінді терең басу әдісімен жылдам бекитін бояумен ампулаға жазады.
1 немесе 2 мл 10 ампуладан ампуланы ашуға арналған пышақпен немесе скарификатормен бірге гофрлауға арналған қағаздан жасалған гофрланған қосымша беті бар полиграфиялық картон қорапқа салады.
Қорапты қағаздан жасалған бандероль-заттаңбамен желімдейді.
1 немесе 2 мл 10 ампуладан поливинилхлоридті үлбірден жасалған пішінді ұяшықты қаптамаға салынады. Ампулалары бар 1 пішінді ұяшықты қаптаманы ампула ашуға арналған пышақпен немесе скарификатормен және медициналық қолдану жөніндегі мемлекеттік және орыс тіліндегі нұсқаулықпен бірге хром-эрзац немесе целлюлоза картоннан жасалған қорапшаға салады.
1 немесе 2 мл 10 ампуладан ампуланы ашуға арналған пышақпен немесе скарификатормен және медициналық қолдану жөніндегі мемлекеттік және орыс тіліндегі нұсқаулықпен бірге ампуланы бекітуге арналған картоннан жасалған қосымша беті бар картон қорапшаға салады.
Сындыру сақинасы немесе сындыру кертігі мен нүктесі бар ампулаларды пайдаланған жағдайда ампуланы ашатын пышақ немесе скарификатор салу көзделмеген.
Сақтау шарттары
Жарықтан қорғалған жерде, 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
1 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс 8-(10375177)744280.
Тіркеу куәлігінің ұстаушысы
«Борисов медициналық препараттар зауыты» ашық акционерлік қоғамы
Беларусь Республикасы.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«МедФарм» ЖК, Қазақстан Республикасы, 050026. Алматы қ., Нұрмақов к-сі 26/195, 39-пәтер, тел/факс: +7 (727) 2911 198, тел: +7 777 7040709, +7 777 2306494;
Е-mail: pvqa-bzmp-kz@mail.ru
