Сипаттама
Дәрілік затты медициналық қолдану жөніндегі нұсқаулық
АЦИКЛОВИР
Саудалық атауы
АЦИКЛОВИР
Халықаралық патенттелмеген атауы
Ацикловир
Дәрілік түрі
Көзге арналған жақпамай 3 %
Құрамы
1 г жақпамайдың құрамында
белсенді зат - ацикловир –0,03 г,
қосымша зат – 1,00 гдейінгі вазелин
Сипаттамасы
Ақ немесе сары реңді ақ, немесе сары түсті жақпамай
Фармакотерапиялық тобы
Көз ауруларын емдеуге арналған препараттар. Вирусқа қарсы препараттар. Ацикловир.
АТХ коды S01AD03
Фармакологиялық қасиеттері
Фармакокинетикасы
Ацикловир мөлдір қабық эпителийі арқылы жеңіл өтеді және көзішілік сұйықтықта емдік концентрация қалыптастырады. Қазіргі кезде көзге арналған жақпамай түрінде қолданғанда қандағы ацикловирді анықтаудың әдістері жоқ. Ацикловир сыртқа қолданған кездетек несептеанықталады, оның өзі болмашы мөлшерде. Бұл концентрацияның емдік мәні жоқ.
Фармакодинамикасы
Ацикловир - вирусқа қарсы (герпеске қарсы) дәрі - тимидин нуклеозидінің синтетикалық аналогы.
Құрамында вирустық тимидинкиназасы бар инфекция жұққан жасушаларда фосфорлану және ацикловирмонофосфатқа ауысу жүреді. Гуанилатциклаза әсерінен ацикловирмонофосфат дифосфатқа және бірнеше жасушалық ферменттердің әсерінен трифосфатқа айналады. Әсер етудің жоғары таңдамалылығы және адам үшін төмен уыттылығы макроорганизмнің зақымданбаған жасушаларында ацикловир трифосфаттың қалыптасуы үшін қажетті ферменттің жоқ болуымен шартталған.
Ацикловир трифосфат вируспен синтезделген дезоксирибонуклеин қышқылына ( ДНҚ) «кірігіп», вирустың көбеюін бөгейді. Әсердің ерекшелігі және жоғары іріктелгіштігі герпес вирустарымен зақымданған жасушаларында оның көп жиналуымен шартталған. Herpes simplex 1 және 2 типті вирустарға; желшешек және белдемелі теміреткі тудыратын вирусқа (Varicella zoster); Эпштейн-Барр (ацикловир концентрациясының (ЕТБК) түрлері) вирусына қатысты белсенділігі жоғары. Цитомегаловирусқа қатысты белсенділігі орташа.
Герпес кезінде бөртпенің жаңа элементтерінің пайда болуының алдын алады, тері диссеминациясы және висцеральді асқынулардың мүмкіндігін төмендетеді, қабыршықтың пайда болуын жылдамдатады, белдемелі герпестің жедел сатысында ауыруды төмендетеді.
Қолданылуы
- 1 немесе 2 типті Herpes simplex вирусы туындатқан герпестік кератит
Қолдану тәсілі және дозалары
Жергілікті.
Көзге арналған жақпамай ересектер мен балаларға жазылғанға дейінкүніне 5 рет (әр 4 сағат сайын) ұзындығы 1 см жолақ түрінде төменгі конъюнктивалық қалтаға салынады. Емді жазылғаннан кейін тағы да 3 күн жалғастырады.
Жағымсыз әсерлері
Жағымсыз әсерлерді жіктеу үшін мынадай жиілік анықтауды пайдаланады: өте жиі(≥1/10), жиі ( ≥1/100-ден <1/10 дейін), жиі емес (≥1/1000-нан<1/100 дейін), сирек(≥1/10000-нан <1/1000 дейін), өте сирек(<1/10000).
- өте жиі: беткейлі нүктелі кератопатия, емді тоқтатуды қажет етпейді және салдарсыз жойылып кетеді
- жиі: жаққаннан кейін ілезде байқалатын, көзді жеңіл шымылдататын өтпелі сезім, конъюнктивит
- сирек: блефарит
- өте сирек: дереу типтіаса жоғары сезімталдық реакциялары,оның ішінде ангионевроздықісіну және есекжем
Қолдануға болмайтын жағдайлар
- ацикловирге немесе валацикловирге аса жоғары сезімталдық
Дәрілермен өзара әрекеттесуі
Иммуностимуляторлармен бірге қолдану ацикловирдің әсерін күшейтеді.
Айрықша нұсқаулар
Емдеу тиімділігі ол неғұрлым ерте басталса (инфекцияның алғашқы белгілерінде), соғұрлым жоғары болады.
Ацикловир көзге арналған жақпамайымен емдеу кезеңінде организмнің иммундық жүйесі жағдайының мәні зор. Иммунитеті төмен пациенттерге ацикловир жақпамайын жергілікті қолдану аясында, герпестік инфекцияның ауыр және қайталанатын барысы жағдайындағыдай препаратты жүйелік енгізуді тағайындаған жөн
Жүктілік жәнелактация
Препаратты жүктілік кезінде ана үшін ықтимал пайдасы шаранаға төнетін зор қауіптен жоғары болса ғана қолданылуы мүмкін.
Препарат ананың жүйелі қан ағымына түскеннен кейін емшек сүтінде байқалады, сондықтан емдеу кезеңіндеемшек емізуді тоқтата тұрған жөн.
Дәрілік заттың көлік немесе қауіптілігі зор механизмдерді басқару қабілетіне әсер ету ерекшеліктері
Препаратты қолданғаннан кейін көріп қабылдау айқындығы төмендеуі мүмкін, сондықтан қалыпқа келгенше автомобильді басқаруға және зейін мен реакцияның жоғарылығын талап ететін қызмет түрлерімен айналысуға болмайды.
Артық дозалануы
Байқаусызда жұтып қойғандаартық дозаланудың орын алуы мүмкін.
Симптомдары: бас ауыруы, неврологиялық бұзылулар, ентігу, жүрек айнуы, құсу, диарея, бүйрек функциясының бұзылуы, летаргия, құрысу, кома.
Емі: өмірге қажетті функцияларға демеу беру,гемодиализ.
Шығарылу түрі мен қаптамасы
5 г алюминий сықпаға салынған.
Әр сықпа медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Ашқаннан кейін 30 күн ішінде пайдалану керек.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші/Қаптаушы
«Синтез» ААҚ
640008, Ресей Федерациясы, Қорған қ., Конституция даңғ., 7
тел./факс (3522) 48-16-89
E-mail: real@kurgansintez.ru
Интернет-сайт: www.kurgansintez.ru
Тіркеу куәлігінің ұстаушысы
«Синтез» ААҚ, Ресей Федерациясы
Қазақстан Республикасы аумағында тұтынушылардан өнімнің сапасына қатысты шағымдарды (ұсыныстарды) қабылдайтын және Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«Deсalog» ЖШС, 050050, Қазақстан Республикасы,
Алматы қ.,Глазунов к-сі, 41 А-1
тел. 2944221, тел. 8 7017315218
E-mail: deсalog@nur.kz
