Диане-35 № 21 драже

Сипаттама

Дәрілік затты медициналық қолдану жөніндегі нұсқаулық

Диане® 35

Саудалық атауы

Диане® 35

Халықаралық патенттелмеген атауы

Жоқ

Дәрілік түрі

Драже

Құрамы

Бір драженің құрамында белсенді заттар:2,0 мг ципротерон ацетаты 0,035 мг этинилэстрадиол, қосымша заттар: лактоза моногидраты, жүгері крахмалы, повидон 25000, тальк, магний стеараты драженің қабығы: сахароза, повидон 700 000, макрогол 6000, кальций карбонаты, тальк, глицерин 85%, титанның қостотығы (Е171), темірдің сары тотығы (Е172), монтангликоль балауызы.

Сипаттамасы

Дөңгелек, екі беті дөңес, сарғыш түсті драже

Фармакотерапиялық тобы

Несеп-жыныс жүйесі және жыныс гормондары. Жыныстық гормондар және жыныс жүйесінің модуляторлары. Антиандрогендер. Антиандрогендер және эстрогендер. Ципротерон және эстрогендер АТХ коды G03HB01

Фармакологиялық қасиеттері

Фармакокинетикасы

• Ципротерон ацетаты
  • Этинилэстрадиол
• Дражені қабылдауды ешқашан 7 күннен артық уақытқа үзуге болмайды.
• Контрацептивтік қорғаныс талапқа сай болуы, яғни, гипоталамус-гипофиз-аналық без жүйесі бәсеңдеуі үшін, дражені үздіксіз 7 күн бойы қабылдау қажет.

Сіңуі

Ішу арқылы қабылданған ципротерон ацетаты дозаларының кең ауқымында жылдам және толығымен сіңеді. Қан сарысуындағы 15 нг/мл тең болатын ең жоғарғы концентрациясына шамамен 1,6 сағаттан соң жетеді. Ципротерон ацетатының абсолюттік биожетімділігі дозасының 88%-ын құрайды. Диане^® 35 препаратының құрамындағы ципротерон ацетатының салыстырмалы биожетімділігі сулы микрокристалды суспензиясына қатысты 109% құрады.

Таралуы

Ципротерон ацетаты сарысуда тек ақуызбен байланысқан формасында ғана болады. Ципротерон ацетатының жалпы деңгейінің 3,5-4,0%-ға жуығы альбуминмен байланыспаған формада болады. Ципротерон ацетатының жыныстық гормондарды байланыстыратын глобулинмен (ЖГБГ) байланысуы спецификалы емес болғандықтан, этинилэстрадиолдың ЖГБГ деңгейінің жоғарылауын индукциялауы ципротерон ацетатының фармакокинетикасына әсер етпейді.

Метаболизмі

Ципротерон ацетаты гидроксилдену мен конъюгациялану сатыларын қоса, түрлі жолдармен метаболизденеді. Адам қаны плазмасындағы негізгі метаболиті 15ß-гидроксилдік туындысы болып табылады. Қан сарысуынан клиренсінің жылдамдығы шамамен 3,6 мл/мин^-1/кг^-1 құрайды.

Шығарылуы

Ципротерон ацетатының қан сарысуындағы мөлшері екі фазалы төмендеуге ұшырайды, ол 0,8 сағатқа және 2,3-3,3 күнге жуық жартылай шығарылу кезеңімен сипатталады. Ципротерон ацетаты ішінара өзгеріссіз күйде өтпен шығарылады. Ципротерон ацетаты дозасының көп бөлігі 1.9 күндік жартылай шығарылу кезеңімен, метаболиттері түрінде несеппен және өтпен 3:7 арақатынаста шығарылады. Метаболиттері плазмадан осыған ұқсас жылдамдықпен шығарылады (жартылай шығарылу кезеңі 1,7 күн).

Тепе-теңдік концентрациясы

Ципротерон ацетаты сарысудан терминальді таралу фазасына жартылай шығарылу кезеңінің ұзақтығының және күнделікті қабылдануының есебінен, бір емдеу циклы ішінде жинақталады. Препараттың сарысудағы орташа ең жоғарғы деңгейлері 15 нг/мл-ден (1 күні) 1 және 3 емдеу циклдарының аяғына қарай сәйкесінше 21 нг/мл және 24 нг/мл дейін арта түседі. Тепе-теңдік концентрациясына шамамен 10 күннен соң жетеді. Ұзақ уақыт емдегенде ципротерон ацетаты мөлшерінің деңгейі шамамен 2-2,5 есе артады. Шылым шегу ципротерон ацетатының фармакокинетикасына әсер етпейді.

Сіңуі

Ішке қабылдағаннан кейін этинилэстрадиол жылдам және толығымен сіңеді. Диане^® 35 препаратын бір рет қабылдағаннан кейін этинилэстрадиол 80 нг/мл тең болатын ең жоғарғы деңгейлеріне 1,7 сағаттан соң жетеді. Диане^® 35 препаратындағы этинилэстрадиолдың салыстырмалы биожетімділігі сулы микрокристалды суспензиясындағы осындаймен салыстарғанда толық дерлік.

Таралуы

Этинилэстрадиолдың болжамды таралу көлемі 5 л/кг тең. Этинилэстрадиол сарысу альбуминімен спецификалы болмаса да, толық дәрежеде байланысады. Этинилэстрадиол деңгейінің 2%-ы байланыспаған түрінде қалады.Этинилэстрадиолдың биожетімділігі басқа белсенді заттармен екі бағытта да ауысып тұруы мүмкін. Алайда, С дәруменінің жоғары дозаларымен өзара әрекеттеспейді. Ұзақ уақыт пайдаланғанда этинилэстрадиол ЖГБГ мен кортикостероидтарды байланыстыратын глобулиннің (КСБГ) бауыр арқылы синтезін индукциялайды. Алайда ЖГБГ индукциясы бір мезгілде қабылданған прогестагеннің химиялық құрылымы мен дозасына тәуелді. Диане^® 35 препаратымен емдеу кезінде ЖГБГ сарысудағы деңгейінің шамамен 100 нмоль/л-ден 300 нмоль/л дейін, ал КСБГ сарысудағы деңгейінің шамамен 50 мкг/мл-ден 95 пг/мл дейін жоғарылағаны байқалған.

Метаболизмі

Этинилэстрадиол сіңуі және бауыр арқылы алғаш өтуі кезінде метаболизденеді, бұл абсолюттік биожетімділігінің төмендеуіне және ішу арқылы қабылдағаннан кейінгі биожетімділігінің ауытқымалылығына алып келеді. Этинилэстрадиолдың плазмадан метаболизмдік клиренсінің жылдамдығы 5 мл/мин/кг жуықты құрайды.

In vitro, этинилэстрадиол CYP2С19, СYP1А1 және СYP1А2 қайтымды тежегіші, сондай-ақ CYP3А4/5, CYP2С8 және CYP2J2 механизмдерінің негізінде тежегіші болып табылады.

Шығарылуы

Этинилэстрадиолдың қан плазмасындағы мөлшері, жартылай шығарылуының сәйкесінше 1-2 сағаттық және 20 сағаттық кезеңдерімен сипатталатын екі фазалы төмендеуге ұшырайды. Талдау мақсатында, аталған параметрлерін тек жоғары дозаларында ғана есептеп шығаруға болады. Этинилэстрадиол организмнен өзгеріссіз күйде шығарылмайды. Этинилэстрадиол метаболиттері несеппен және өтпен 4:6 арақатынаста, 24 сағатқа жуық жартылай шығарылу кезеңімен шығарылады.

Тепе-теңдік концентрациясы

Сарысудан терминальді таралу фазасына жартылай шығарылу кезеңінің ұзақтығы мен күнделікті қабылдаудың нәтижесінде, этинилэстрадиол орташа тепе-теңдік концентрацияларына 3-4 күнен соң жетеді, сонымен қатар, олар бір рет қабылдау аясындағыға қарағанда 30-40% жоғарырақ.

Фармакодинамикасы

Шаш фолликулдары мен май бездері андрогендерге сезімтал. Акне мен себореяға ішінара, андрогендерге шеткері сезімталдықтың жоғарылауы немесе плазмадағы андрогендер деңгейлерінің жоғарылауы салдарынан болатын май бездерінің дисфункциясы түрткі болады. Диане^® 35 препаратының екі белсенді заты да жағымды емдік әсерге ие.

Ципротерон ацетаты андрогендерді нысана-ағзадан бәсекелесе ығыстырып, андрогендік әсер беруін болдырмайды. Содан соң, антигонадотроптық әсерінің есебінен плазмадағы андрогендер концентрациясының төмендеуі жүреді. Этинилэстрадиол бұл әсерді күшейтеді, ол жыныстық гормондарды байланыстыратын глобулиннің (ЖГБГ) белсенділенуіне алып келеді. Плазмадағы бос андрогендердің деңгейі азаяды.Диане^® 35 препаратымен емдеу – әдетте, 3-4 ай емдеуден кейін – бұрыннан бар акне бөртпелерінің жазылуына алып келеді. Тері мен шаштың шамадан тыс майлылығы бұдан ертерек жойылады. Сонымен қатар, андрогенге тәуелді шаш түсуі азаяды. Алайда, гирсутизмі бар әйелдерде, нәтижелері тек бірнеше ай қабылдағаннан кейін ғана көріне бастайды.

Сонымен қатар, ципротерон ацетаты этинилэстрадиолмен біріктіріп қолданғанда контрацептивтік әсері бар, әсері күшті прогестоген болып табылады. Бұл әсері орталық және шеткері механизмдерінің өзара әрекеттесуіне негізделеді, олардың анағұрлым маңыздысы деп овуляцияның бәсеңдеуі мен цервикальді секрет қасиеттерінің өзгеруін санау керек. Бұдан өзге, эндометрийдің морфологиялық және ферментативтік өзгерістерінің нәтижесінде имплантация үшін аса жағымсыз жағдайлар туындайды. Контрацептивтік қорғаныс препаратты қабылдаудың алғашқы күнінен басталады.

Қолданылуы

- ұрпақ өрбітетін жастағы әйелдердегі акненің орташа және ауыр андроген-тәуелді (себореясыз немесе себореямен қатар жүретін) түрлерін және/немесе гирсутизмді емдеу үшін.

Акнені емдеу үшін Диане^® 35 препаратын, жергілікті ем немесе жүйелі антибиотиктермен емдеу тиімсіз болған жағдайларда қолдану керек.

Диане^® 35 препараты гормональді контрацептив болып табылатындықтан, оны басқа гормональді контрацептивтермен біріктіріп қолданбау керек («Қолдануға болмайтын жағдайлар» бөлімін қараңыз).

Қолдану тәсілі және дозалары

Диане^® 35 препараты овуляцияға бөгет болады және, сол арқылы, контрацептивтік әсер береді. Диане^® 35 препаратын қабылдап жүрген пациент әйелдер қосымша гормональді контрацептивтерді пайдаланбауы тиіс, өйткені бұл гормондардың артық дозалануына алып келеді және контрацептивтік әсердің тиімділігі үшін қажет емес.

Қолдану тәсілі

Ішке қабылдауға арналған.

Дражені қаптамасында көрсетілген тәртіп бойынша, күн сайын шамамен белгілі бір уақытта, аздаған мөлшердегі сумен ішу керек. 21 күн бойы үздіксіз, тәулігіне бір дражеден қабылдайды. Әрбір келесі қаптамасын қабылдау 7 күндік үзілістен кейін басталады, ол кезде әдетте, тоқтату қан кетуі (етеккір тәрізді қан кету) байқалады. Ол әдетте, соңғы дражені қабылдағаннан кейінгі 2-3 күндері басталады және жаңа қаптамасын қабылдау басталғанша тоқтамауы мүмкін. Контрацептивтік қорғанысы дражені алғашқы қабылдаған күннен басталады және препарат қабылданбайтын 7 күн бойына сақталады. Сондықтан, гормональді контрацептивтерді бір мезгілде қабылдауды тоқтату керек.

Медициналық тексеру / дәрігердің кеңесі

Препаратты қолдануды бастар алдында толық жалпы медициналық тексеру (дене салмағын өлшеуді, артериялық қысымды, жүрек, аяқтар мен теріні тексеруді, диабетке несеп талдауын, қажеттілігіне қарай, бауыр тестілерін қоса); гинекологиялық тексеру (сүт бездерін тексеруді және жатыр мойнының қынаптық бөлігі мен жатыр мойнынан алынған цервикальді шырыштың цитологиялық зерттеуін қоса) жүргізу; емдеуді қажет ететін аурулар мен қауіп факторларын анықтау мақсатында, толыққанды отбасылық медициналық анамнез жинақтау ұсынылады. Жүктіліктің бар-жоғын анықтау қажет. Препаратты қолданғанда әр алты ай сайын бақылау тексерулерін жүргізу ұсынылады.

Пациент әйелдің қандас туыстарында жас кезінде тромбоэмболиялық оқиғалар (мысалы, терең веналар тромбозы, инсульт, жүрек ұстамасы) болған жағдайда, қанның ұю жүйесі тарапынан бұзылулардың бар-жоқтығын анықтау керек.

Сонымен қатар, оральді контрацептивтерді қабылдау АИТВ-инфекциясы (ЖИТС) мен жыныстық жолмен берілетін басқа аурулардан қорғамайтынын ескеру қажет.

Диане^® 35 препаратын қабылдауды қалай бастау керек

• алдыңғы айда гормональді контрацептивтер қабылданбаған жағдайда
• таза прогестиндік контрацептивтік препараттардан (мини-пили, инъекциялық түрлері, имплантат) немесе жатырішілік жүйеден (ЖІС) ауысқан кезде.
• жүктіліктің алғашқы триместріндегі аборттан кейін
• босанғаннан немесежүктіліктің екінші триместріндегі аборттан кейін
• препаратты қабылдаудың алғашқы аптасы

Диане^® 35 препаратын қабылдау етеккір оралымының алғашқы күні (яғни, етеккірлік қан кетудің бірінші күні) басталады. Егер препаратты қабылдау етеккір оралымының 2-5 күндері басталса,бірінші қаптамадағы дражені қабылдаудың алғашқы 7 күні бойына контрацепцияның бөгеттік әдісін қосымша пайдалану ұсынылады.

Аменореясы бар әйелдер ғана препаратты қабылдауды дәрігер қабылдағаннан кейін бірден бастауына болады; мұндай жағдайда, алғашқы дражені қабылдау күні етеккір оралымының алғашқы күніне сәйкес келеді; ары қарай қабылдау ұсынымдарға сәйкес жалғасады.

Диане^® 35 препаратын қабылдауды басқа біріктірілген гормональді препараттың алдыңғы қаптамасындағы, құрамында гормон бар соңғы дражені қабылдағаннан кейінгі келесі күні, бірақ ешбір жағдайда, қабылдаудағы әдеттегі 7 күндік үзілістен кейінгі келесі күннен (21 дражеден тұратын препараттар үшін) немесесоңғы плацебо таблетканы қабылдағаннан кейін (қаптамасында 28 драже бар препараттар үшін) кешіктірмей бастаған дұрыс. Циклдық қаптамадағы қынап сақинасынан немесе трансдермальді бұласырдан ауысқан кезде, Диане^® 35 препаратын оларды алып тастаған күні, бірақ, келесі сақина немесе бұласыр қолданылуы тиіс болған күннен кешіктірмей бастаған дұрыс.

Әйел мини-пилиден Диане^® 35 препаратына кез келген күні; прогестинді имплантаттан немесе ЖІС ауысу – алып тасталған күні, инъекциялық түрінен – келесі инъекция жоспарланған күні ауыса алады. Барлық жағдайларда, дражені қабылдаудың алғашқы 7 күні бойына контрацепцияның бөгеттік әдісінпайдалану қажет.

Дражені қабылдауды дереу бастауға болады. Бұл шарт сақталған жағдайда, әйелге қосымша контрацептивтік қорғаныс керек емес.

Дражені қабылдауды босанғаннан немесе жүктіліктің екінші триместріндегі аборттан кейін 21-28 күндері бастау керек. Егер дражені қабылдау кешірек басталса, дражені қабылдаудың алғашқы 7 күні бойына контрацепцияның бөгеттік әдісін қосымша пайдалану қажет. Алайда, егер жыныстық қатынас орын алса, Диане^® 35 препаратын қабылдауды бастағанға дейін жүктіліктің бар-жоғын анықтау немесе алғашқы етеккірді күту керек.

Қолдану ұзақтығы

Ауру симптомдары жеңілдегенге дейінгі уақыт кемінде үш айды құрайды. Емдеуші дәрігер емдеуді жалғастыру қажеттілігін анықтау үшін жүйелі түрде тексеру жүргізуі тиіс.

Диане^® 35 препаратын қабылдау ұзақтығы андрогенизация симптомдарының ауырлығы мен емдеуге жауапқа байланысты анықталады. Акне мен себорея кезінде жауап гирсутизмдегіге қарағанда жылдамырақ басталады. Симптомдарының айқындығы азайғаннан кейін, Диане^® 35 препаратын кемінде тағы 3 немесе 4 цикл бойына қабылдау ұсынылады.

• акне немесе себореяның ауыр түрлерін кемінде алты ай бойы, немесе

- гирсутизмді кемінде 12 ай бойы емдеудің әсері болмаған немесе емге жауап жеткіліксіз болған жағдайда:

Диане^® 35 препараты мен Андрокур^® 10 мг немесе 50 мг таблеткаларын біріктіріп қолдану мүмкіндігін қарастыру керек: немесе емді қайта қарастырған дұрыс.

Андрогенизация симптомдары әлсіреген, ал контрацепция қажеттілігі жалғасып жатқан кезде, төмен дозалы оральді контрацептивке көшкен дұрыс. Андрогендік симптомдар қайталанған жағдайда, Диане^® 35 препаратын қабылдауды қайта бастауға болады, бұл кезде (препаратты қабылдаулар арасындағы 4 апта немесе одан да ұзақ уақыт үзілістен кейін) вена тромбоэмболиясының даму қаупінің жоғарылығын ескеру керек («Айрықша нұсқаулар» бөлімін қараңыз).

Дражені қабылдауды өткізіп алған жағдайдағы әрекеттер

Егер әйел дражені әдеттегі уақытында қабылдауды ұмытып кетсе, дражені 12 сағат ішінде қабылдауы керек; контрацептивтік қорғаныс төмендемейді. Келесі дражелер әдеттегі уақытында қабылданады.

Егер дражені қабылдаудағы кешігу 12 сағаттан артықты құраса, контрацептивтік қорғаныс төмендеуі мүмкін. Бұл кезде келесі екі негізгі ережені басшылыққа алу керек:

Дағдылы тәжірибеге сәйкес, келесілерді ұсынуға болады:

Әйел соңғы өткізіп алған дражені барынша тезірек –есіне түскен бойда қабылдауы тиіс (тіпті егер бұл, екі дражені бір мезгілде қабылдауды білдірсе де). Келесі дражені әдеттегі уақытында қабылдайды. Келесі 7 күн бойына контрацепцияның бөгеттік әдісін (мысалы, мүшеқапты) қосымша пайдалану керек. Егер жыныстық қатынастар дражені өткізіп алар алдындағы аптаның ішінде орын алса, жүктіліктің басталу ықтималдығын ескеру қажет.

Қаншалықты көп драже өткізіліп алса, және олар белсенді заттарын қабылдаудағы үзіліске қаншалықты жақын болса, жүктілік ықтималдығы соғұрлым жоғары.

-препаратты қабылдаудың екінші аптасы

Әйел өткізіліп алған соңғы дражені барынша тезірек –есіне түскен бойда қабылдауы тиіс (тіпті егер бұл, екі дражені бір мезгілде қабылдауды білдірсе де). Келесі дражені әдеттегі уақытында қабылдайды.

Өткізіліп алған алғашқы драженің алдындағы 7 күн бойына дражелерді дұрыс қабылдаған жағдайда, қосымша контрацептивтік шаралар қажет емес. Керісінше жағдайда, сондай-ақ, екі немесе одан да көп драже өткізіліп алса, 7 күн бойы контрацепцияның қосымша бөгеттік әдістерін (мысалы, мүшеқапты) пайдалану қажет.

-препаратты қабылдаудың үшінші аптасы

Дражелерді қабылдаудағы 7 күндік үзіліс таяп қалғандықтан, контрацепция сенімділігінің төмендеу қаупі зор. Екінші жағынан, дражелерді қабылдау кестесін түзету арқылы, контрацептивтік әсерін төмендеуінің алдын алуға болады. Екі шараның біреуі сақталса, алдыңғы 7 күні ішінде дражелер дұрыс қабылданған жағдайда, қосымша контрацепция шаралары қажет емес. Керісінше жағдайда, әйелге 1 нөмірмен сипатталған шараларды орындау және алдағы 7 күн бойына қосымша бөгеттік әдістерді пайдалану керек болады.

• Әйел өткізіліп алған соңғы дражені барынша тезірек, тіпті егер бұл, екі дражені бір мезгілде қабылдауды білдірсе де қабылдауы тиіс. Келесі дражені әдеттегі уақытында қабылдайды. Келесі қаптамасын ағымдағы қаптамасы аяқталған бойда бірден, яғни, екі қаптама арасындағы үзіліссіз бастау керек. Екінші қаптамасы аяқталмайынша, тоқтату қан кетуінің ықтималдығы аз, алайда, дражелерді қабылдау аясында жұғынды бөліністер немесе лақылдап қан кетулер байқалуы мүмкін.
• Сонымен қатар, ағымдағы қаптамадағы дражелерді қабылдауды драже өткізіліп алған күндерді қоса, алдағы 7 күндік үзіліспен тоқтатуды ұсынуға болады. Содан соң, жаңа қаптаманы қабылдау басталуы тиіс.

Егер әйел дражені қабылдауды өткізіп алса, және содан соң, дражені қабылдаудағы үзіліс кезінде әйелде тоқтату қан кетуі болмаса, жүктіліктің бар-жоқтығын анықтау қажет.

Тоқтату қан кетуінің болмауы

Тоқтату қан кетуі болмаған жағдайда, препаратты қабылдауды жүктіліктің бар-жоғы анықталғанша тоқтата тұру керек.

Етеккіраралық қан кету жағдайындағы әрекеттер

Етеккір аралық қан кету жағдайында Диане^® 35 препаратын қабылдауды міндетті түрде жалғастыру қажет. Аздаған қан жағындылары әдетте, өздігінен тыйылады немесе қарқындылығы етеккірлік (лақылдап) қан кету сияқты – 25 – 50 мкг этинилэстрадиолды бір мезгілде қабылдағаннан кейін 4-5 күнге созылады (бірақ, Диане^® 35 қаптамасындағы соңғы драже қабылданғаннан кейін кешікпейді).

Егер лақылдап қан кету тыйылмаса немесе қайталанса, қырнап тазалауды пайдалануды қоса, органикалық себебінің бар-жоқтығын анықтау қажет.

Жоғарыда айтылғандар бірнеше цикл қатарынан жүйесіз орын алған немесе Диане^® 35 препаратын ұзақ уақыт қабылдаудан кейін алғаш болып тұрған қан жұғындыларына да қатысты. Мұндай жағдайларда, қан кету әдетте, дәрілік препараттың әсерінің емес, органикалық өзгерістердің салдары болып табылады.

Құсу немесе ауыр диарея жағдайындағы әрекеттер

Құсу немесе ауыр диарея препараттың белсенді заттарының толық сіңірілмеуіне алып келуі мүмкін. Бұл жағдайда, қосымша гормоналдық емес контрацепция шараларын (ырғақты немесе температураны бақылау әдістерінен басқа) пайдалану керек. Егер құсу немесе ауыр диарея дражені қабылдағаннан кейінгі 3-4 сағат ішінде туындаса, дражені өткізіп алғандағыдай әрекет ету қажет. Егер әйел, препаратты қабылдаудың қалыпты режимін өзгерткісі келмесе, ол басқа қаптамадағы дражені (немесе бірнеше дражені) қабылдауы тиіс.

Бауыр

Вирустық гепатит жағдайында (бауыр функциясының көрсеткіштері нормаға қайта келген кезде), Диане^® 35 сияқты препараттарды қабылдауды алты айдан кейін бастау керек.

Пациенттердің ерекше санаттары үшін қосымша ақпарат

Балалар мен жасөспірімдер

Диане^® 35 препаратын тек менархе кезеңі басталғаннан кейін ғана қолдануға болады.

Егде жастағы пациент әйелдер

Қолданылмайды. Диане^® 35 препараты әйелдерге менопауза басталғаннан кейін ұсынылмайды.

Бауыр дисфункциясы бар пациент әйелдер

Диане^® 35 препаратын бауырдың ауыр ауруы бар әйелдерге, бауыр функциясының көрсеткіштері нормаға келгенше қолдануға болмайды

Бүйрек дисфункциясы бар пациент әйелдер

Диане^® 35 препараты бүйрек функциясының бұзылуы пациент әйелдерде арнайы зерттелген жоқ. Қолда бар мәліметтер пациент әйелдердің аталған тобында емдеуді түзету қажеттілігін көрсетпейді.

Дәріханалар