Дивигель 0,1%, 0,5 гр, №28, гель
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Дивигель 0,1%, 0,5 гр, №28, гель

6069
Қолжетімділігі
Сатылымда бар
Үлгі
6432100020536
Елі
Финляндия
Өндіруші
Орион
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ДИВИГЕЛЬ

Саудалық атауы

Дивигель

Халықаралық патенттелмеген атауы

Эстрадиол

Дәрілік түрі

Сыртқа қолдануға арналған гель 0,1 % 0,5 г, 1,0 г

Құрамы

1 г препараттың құрамында

белсенді зат - 1 мг эстрадиол гемигидраты

(эстрадиолға баламалы),

қосымша заттар: карбомер (карбопол 974 Р), троламин, пропиленгликоль, этанол, тазартылған су.

Сипаттамасы

Бозаңданатын біртекті гель

Фармакотерапиялық тобы

Жыныс гормондары және жыныс жүйесінің модуляторлары. Эстрогендер. Табиғи және жартылай синтетикалық эстрогендер. Эстрадиол.

АТХ коды G03СА03

Фармакологиялық қасиеттері

Фармакокинетикасы

Дивигель эстрадиолдың спиртті негіздегі гелі болып табылады.

Гельді теріге жаққан кезде спирт жылдам буланады және эстрадиол тері арқылы өтіп, қантамыр жүйесіне түседі. Препаратты 200-400 см2 аумаққа (бір немесе екі алақанның көлемі) жағу сіңірілген эстрадиолдың мөлшеріне әсер етпейді. Алайда, егер препаратты үлкен аумаққа жақса, сіңірілу дәрежесі едәуір төмендейді. Эстрадиолдың біршама мөлшері теріасты шелінде іркіледі, ол жерден біртіндеп жүйелі қан ағымына өтеді. Трансдермальді қолдану бауырлық метаболизмінің алғашқы сатысын болдырмауға мүмкіндік береді. Осы себепті, Дивигельді қолданғанда қан плазмасындағы эстроген концентрациясының ауытқуларының айқындығы пероральді эстрогендерде қолданғандағыға қарағанда, айтарлықтай аз.

Дивигельді трансдермальді жаққан кезде эстрадиолдың плазмадағы концентрациялары мынадай болды:

Дивигельдің дозасы

Cең жоғ. (пикомоль/л)

Cорташа (пикомоль/л)

Cең төм. (пикомоль/л)

0,5 мг

143

75

92

1 мг

247

124

101

1,5 мг

582

210

152

Препаратпен емделу кезінде эстрадиол/эстрон арақатынасы 0,4-0,7 деңгейінде сақталады, ал эстрогендерді ішу арқылы қабылдаған кезде ол әдетте, 0,2-ден аз деңгейге түсіп кетеді. Биожетімділігінің тұрақты көрсеткіші эстрадиол валератының баламалы пероральді дозасымен салыстырғанда 82 % құрайды.

Дивигельдің трансдермальді қолданылған кездегі метаболизмі мен экскрециясы табиғи эстрогендерге ұқсас.

Фармакодинамикасы

Дивигель гелінің белсенді ингредиенті - эстрадиол, ол химиялық және биологиялық тұрғыдан адамдағы эндогендік эстрадиолға ұқсас синтетикалық 17α-эстрадиол болып табылады. Ол әйелдерде менопауза кезеңіндегі эстрогендер деңгейі төмендеуінің орнын толтырады, сол арқылы, менопауза симптомдарын жеңілдетеді. Эстрогендер менопауза кезеңінде немесе овариоэктомиядан кейін туындайтын сүйек массасы жоғалтылуының алдын алады.

Эстрадиолды медроксипрогестерон ацетатымен бірге трансдермальді қолдану холестерин/ТЖЛП (тығыздығы жоғары липопротеиндер) арақатынасын өзгертпей, жалпы холестерин деңгейінің төмендеуіне ықпал етеді. Дивигельдің постменопауза кезеңінде сүйек тіні тығыздығының төмендеуін түзету үшін тиімділігі пероральді эстрогендік препараттарды қолданғандағыдай.

Қолданылуы

- эстрогендер тапшылығымен байланысты симптомдарда, табиғи және жасанды менопауза кезеңінде және басқа да эстроген тапшылығы жағдайларында

- сыну қаупінің жоғарылығымен жүретін менопаузадан кейінгі остеопороздың профилактикасы үшін, остеопороз профилактикасына арналған басқа дәрілік заттар қарсы көрсетілімді немесе жарамсыз болған кезде.

Қолдану тәсілі және дозалары

Дивигель – бұл ұзақ уақыт бойы немесе кезеңдік емдеуге арналған трансдермальді қолданылатын гель. Әдеттегі бастапқы дозасы тәулігіне 1 г гельді құрайды, бұл 1 мг эстрадиолға сәйкес келеді. Қолданылу ұзақтығы мен дозаларын дәрігер, жекелей пациенттердің ерекшеліктерін ескере отырып таңдайды (клиникалық жағдайға байланысты, 2-3 кезеңнен соң дозасын: тәулігіне 0,5 г-ден 1,5 г гельге дейін түзетуге болады, бұл 0,5-тен 1,5 мг дейінгі эстрадиолға сәйкес келеді).

Жатыры интактілі пациент әйелдер үшін Дивигельді 1 ай аралықпен прогестагендермен, мысалы, медроксипрогестерон ацетатын, норэтиндронды, норетиндронацетат немесе дидрогестеронды пайдалана отырып,кемінде 12-14 күнге созылатындай емдеумен біріктіру қажет.

Егер гистерэктомиядан кейінгі әйелдерге эндометриоз диагнозы қойылмаса, прогестагендер оларға ұсынылмайды.

Дивигельді таза, құрғақ теріге жағу керек.

Дивигельдің дозасын тәулігіне 1 рет сан немесе арқаның төменгі бөліктерінің терісіне, жағу орнын мезгіл-мезгіл өзгерте отырып жағу керек. Жағылатын аумағының өлшемі ― 1-2 алақан. Дивигельді сүт бездеріне, бетке, гениталийге, сондай-ақ, терінің тітіркенген бөліктеріне жақпау керек. Препаратты жаққаннан кейін, гель кепкенше бірнеше минут күте тұру керек. Жаққан орынды бір сағат ішінде жумау керек. Дивигельдің байқаусызда көзге тиіп кетуін болдырмау керек. Гельді жаққаннан кейін бірден қолды жуу қажет.

Бұрын орынбасушы гормональді емді (ОГЕ) қолданбаған немесе ұзақ уақыт біріктіріп емдеуден кейін Дивигельге ауысқан пациент әйелдер Дивигельмен емделуді кез келген күні бастай алады.

Үздіксіз орынбасушы емнен кейін Дивигельге ауысқан пациент әйелдер, Дивигельмен емделуді соңғы емдеу кезеңі аяқталғаннан кейін бастай алады.

Постменопаузалық симптомдарды емдеу кезінде ең аз тиімді дозасын қолдану керек және емдеудің ұзақтығы барынша қысқарақ болуы тиіс.

Егер пациент әйел гельді уақытында жағуды ұмытып кетсе, емдеуді әдеттегідей, келесі күні жалғастыруы керек. Препарат жүйесіз қолданылған жағдайда, жатырдан етеккір тәрізді қан кетулер туындауы мүмкін.

Жағымсыз әсерлері

Емдеудің алғашқы бірнеше айы ішінде лақылдап қан кетулер мен қан аралас бөліністер, емшектің сезімталдығы немесе ұлғаюы ықтимал. Бұл симптомдар әдетте қысқа мерзімді болып табылады және емдеу барысында жойылады.

Төменде келтірілген деректер клиникалық сынақтарды жүргізу кезінде және тіркеуден кейінгі кезеңде алынған. Жағымсыз реакциялар пациенттердің шамамен 76%-ында туындауы мүмкін. Клиникалық зерттеулер кезінде пациенттердің 10%-дан астамында анықталған жағымсыз реакциялар, жаққан орындағы реакциялар және сүт бездерінің ауыруы болды.

Жағымсыз реакциялардың туындау жиілігінің жіктеуі мынадай:

жиі (≥ 1/100 < 1/10); жиі емес (≥ /1000 < 1/100); сирек (≥ 1/10000 < 1/1000); жиілігі белгісіз (қолда бар деректер бойынша анықтау мүмкін емес).

Эстрадиолды трансдермальді қолданған кезде туындаған жағымсыз реакциялар.

Қатерсіз, қатерлі және анықталмаған жаңа түзілімдер (кисталар мен полиптерді қоса).

Жиі емес: сүт безі мен эндометрийдің қатерсіз ісіктері.

Жиілігі белгісіз: миома.

Иммундық жүйе тарапынан болатын бұзылулар.

Жиі емес: аса жоғары сезімталдық реакциялары.

Жиілігі белгісіз: тұқым қуалайтын ангионевроздық ісінудің өршуі.

Метаболизм және тамақтану бұзылулары.

Жиі: ісіну, дене салмағының артуы, салмақтың азаюы.

Жиі емес: тәбеттің артуы.

Жиілігі белгісіз: гиперхолестеринемия1.

Психикалық бұзылыстар.

Жиі: депрессия, күйгелектік, ұйқышылдық.

Жиі емес: либидо мен көңіл-күйдің өзгерістері, үрейлену, ұйқысыздық, апатия, эмоционалды құбылмалылық, зейін қоюдың бұзылуы.

Жиілігі белгісіз: эйфория1, қозу1.

Жүйке жүйесі тарапынан болатын бұзылулар.

Жиі: бас ауыруы, бас айналуы.

Жиі емес: бас сақинасы, парестезиялар.

Жиілігі белгісіз: тремор1.

Көру мүшелері тарапынан болатын бұзылулар.

Жиі емес: көрудің бұзылуы.

Сирек: жанаспалы линзаларды жақпаушылығы.

Жиілігі белгісіз: көздің құрғауы1.

Жүрек-қантамыр жүйесі тарапынан болатын бұзылулар.

Жиі: қан кернеулері.

Жиі емес: жүрек соғысының күшеюі.

Сирек: артериялық қысымның жоғарылауы, веналар тромбоэмболиясы.

Жиілігі белгісіз: ми қанайналымының бұзылуы, беткейлік флебит1, пурпура1.

Респираторлық жүйе тарапынан болатын бұзылулар, торакальді және медиастинальді бұзылыстар.

Жиілігі белгісіз: тыныстың тарылуы1, мұрынның бітелуі1.

Ас қорыту жолы тарапынан болатын бұзылулар.

Жиі: жүрек айнуы, құсу, асқазан шаншулары, метеоризм.

Жиі емес: іш қатуы.

Жиілігі белгісіз: іш ауыруы, іштің кебуі, диспепсия1, диарея1, ректальді симптомдар1.

Гепатобилиарлы жүйе тарапынан болатын бұзылулар.

Сирек: бауыр функциясы мен өттің ағып шығуының бұзылуы.

Жиілігі белгісіз: холестаздық сарғаю.

Тері және теріасты шелі тарапынан болатын бұзылулар.

Жиі емес: акне, шаштың түсуі, терінің құрғауы, түйінді эритема, есекжем.

Сирек: бөртпе

Жиілігі белгісіз: жанаспалы дерматит, экзема, тырнақ пластинкасының өзгерістері1, терінің түйінді өзгерістері 1, гирсутизм1.

Қаңқа-бұлшықет жүйесі мен дәнекер тіндер тарапынан болатын бұзылулар.

Жиі емес: буын симптомдары, бұлшықет құрысулары.

Бүйрек және несеп-жыныс жүйесі тарапынан болатын бұзылулар.

Жиі емес: несеп шығаруға қысылу және несеп шығару жиілігінің артуы.

Жиілігі белгісіз: несепті ұстай алмау1, цистит1, несептің түссізденуі1, гематурия1.

Ұрпақ өрбіту жүйесі мпн сүт бездері тарапынан болатын бұзылулар.

Жиі: сүт бездерінің сезімталдығы/ауыруы/кернеуі, лақылдап қан кетулер немесе қан аралас бөліністер, қынаптық бөліністер, вульва/қынап симптомдары, етеккір бұзылыстары.

Жиі емес: сүт бездерінің ұлғаюы, сүт бездерінің сезімталдығының жоғарылауы, эндометрий гиперплазиясы.

Сирек: дисменорея, етеккір алды синдромы.

Жиілігі белгісіз: жатырлық симптомдар1.

Жалпы бұзылулар және енгізген жердегі реакциялар.

Жиі: тітіркену, жаққан орынның қышынуы, ауыру, гипергидроз.

Жиі емес: шаршау.

Жиілігі белгісіз: зертханалық көрсеткіштердің қалыптан ауытқуы1, астения1, гипертермия1, тұмау тәрізді симптомдар1, дімкәстану 1.

1Жекелеген хабарламалар. Зерттеуге қатысқан адамдар санының аздығына (n = 611) байланысты, алынған деректердің негізінде, келтірілген жағымсыз реакцияларды жиі емес немесе сирек туындайтын деп жіктеуге болмайды.

Эстроген-прогестагендермен біріктіріп емдеу кезінде туындаған басқа жағымсыз реакциялар:

Эстрогенге тәуелді қатерсіз және қатерлі ісіктер, мысалы, эндометрий обыры.

ОГЕ қолданып жүрмегендерге қарағанда, қолданып жүрген пациент әйелдерде жиі туындайтынвена тромбоэмболиясы (мысалы, аяқтардың терең веналарының тромбозы немесе жамбас веналарының тромбозы және өкпе артерияларының эмболиясы).

Миокард инфарктісі және инсульт дамуы мүмкін.

Өт қалтасы жұмысының басқа да бұзылулары болуы мүмкін.

Хлоазманың, мультиформалы эритеманың, түйінді эритема мен геморрагиялық бөртпенің жеке-дара жағдайлары туралы хабарланды.

65 жастан кейін деменция дамуы мүмкін.

Сүт бездері обырының даму қаупі.

Сүт бездері обырының даму қаупі эстроген мен прогестагеннің біріктірілімін бес жылдан артық қолданған әйелдерде арта түседі. Қауіп эстроген-прогестаген біріктірілімін қолданған әйелдерге қарағанда, эстрогенмен монотерапияны қолданған әйелдерде едәуір аз. Қауіп дәрежесі емдеудің ұзақтығына байланысты.

Эндометрий обырының даму қаупі.

Менопаузадлан кейінгі кезеңдегі жатыры интактілі пациент әйелдер.

Жатыры интактілі, ОГЕ қолданып жүрмеген әйелдерде эндометрий обырының даму қаупі 5:1000 құрайды.

Жатыры интактілі әйелдерге ОГЕ үшін эстрогендермен монотерапия ұсынылмайды, өйткені, эндометрий обырының қаупі жоғарылайды.

Эпидемиологиялық зерттеулердің нәтижелері бойынша, эндометрий обырының даму қаупінің жоғарылауы эстрогендермен монотерапияның ұзақтығына және эстрогеннің дозасына тәуелді және 50-ден пен 65 жас аралығындағы мың әйелдің 5-тен 55-ке дейінгі қосымша жағдайларын құрайды.

Эстрогендермен емдеуге әр кезең ішінде кемінде 12 күнге прогестагендерді қосу бұл қауіптің артуын болдырмайды.

Зерттеулерге сәйкес, біріктірілген ОГЕ (кезеңдік немесе үздіксіз) 5 жыл бойы қолдану эндометрий обырының даму қаупін арттырмайды.

Аналық бездер обырының даму қаупі.

ОГЕ ұзақ уақыт бойы қолдану аналық бездер обырының даму қаупінің мардымсыз артуымен астасады. Зерттеулерге сәйкес, ОГЕ 5 жылы ішінде 2500 пациент әйелде обырдың тек бір ғана қосымша жағдайы анықталған.

Веналар эмболиясының даму қаупі.

ОГЕ вена тромбоэмболиясының, мысалы, терең веналар тромбозы немесе өкпе эмболиясының даму қаупінің 1,3-3 есе артуымен байланысты. Аурудың дамуы ОГЕ алғашқы жылы анағұрлым ықтималырақ.

Жүректің ишемиялық ауруының даму қаупі.

Жүректің ишемиялық ауруының даму қаупі 60 жастан асқан, ОГЕ қолданып жүрген пациент әйелдерде біршама жоғарылайды.

Ишемиялық инсульттің даму қаупі.

Ишемиялық инсульттің салыстырмалы қаупі эстрогендермен монотерапияны қолданып жүрген пациент әйелдерде де, біріктірілген эстроген-прогестаген емін қолданып жүрген пациент әйелдерде де 1,5 есе жоғарылайды. Геморрагиялық инсульт қаупі ОГЕ кезеңі бойына жоғарыламайды.

Салыстырмалы қаупі жас шамасына немесе емдеудің ұзақтығына тәуелсіз, алайда осы қаупінің жас шамасына тәуелді екендігі сөзсіз, сондықтан, ОГЕ қолданып жүрген пациент әйелдерде инсульт дамуының жалпы қаупі жас ұлғая келе жоғарылай түседі.

Қолдануға болмайтын жағдайлар

Сүт безінің обыры (диагнозы қойылған, күмәнді немесе анамнездегі).

Диагнозы қойылған немесе күмәнді эстроген тәуелді қатерлі ісіктер (мысалы, эндометрий обыры).

Шығу тегі белгісіз қынаптан қан кетулер.

Емделмеген эндометрий гиперплазиясы.

Веналардың қазіргі уақыттағы немесе анамнездегі тромбоэмболиялық аурулары (терең веналар тромбозы (ТВТ), өкпе артериясының эмболиясы).

Диагнозы анықталған жоғары қан ұюы (мысалы, протеин С, протеин S немесе антитромбин тапшылығы).

Артериялардың қазіргі уақыттағы немесе анамнездегі жедел тромбоэмболиясы (мысалы, стенокардия, миокард инфарктісі).

Қазіргі уақыттағы немесе анамнездегі бауырдың жедел аурулары (бауыр функциясының зертханалық көрсеткіштері қалыпқа түскенге дейін).

Белсенді немесе қосымша заттарына аса жоғары сезімталдық.

Порфирия.

Дәрілермен өзара әрекеттесуі

Бауыр ферменттерінің, әсіресе, Р450 цитохромыиндукторлары препараттарын (барбитураттар, карбамазепин, гризеофульвин және рифампицин) қатарлас қолдану эстрадиол метаболизмін жеделдетуі мүмкін.

Ритонавир мен нелфинавир, күшті тежегіштері болып табылса да, эстрогендермен бір уақытта қолданылғанда керісінше, индукциялайтын әсер береді.

Құрамында шілтер жапырақты шайқурай шөбі бар өсімдік текті препараттар, эстрогендер мен прогестагендердің метаболизмін күшейтуі мүмкін. Трансдермальді қолданғанда препарат бауыр арқылы «бірінші өту» әсеріне ұшырамайды, сәйкесінше, ішке қабылданған гормондарға қарағанда, трансдермальді жағылған эстрогендер мен прогестагендер ферменттер индукторларының әсеріне аз ұшырайды.

Зеңге қарсы азолдық дәрілер (мысалы, флуконазол, итраконазол, кетоконазол, вориконазол), верапамил, макролидтер (мысалы, кларитромицин, эритромицин), дилтиазем және грейпфрут шырыны сияқты CYP 3A4 күшті және орташа тежегіштері эстрогеннің плазмалық концентрациясын арттыруы мүмкін.

Эстрогендер мен прогестагендер метаболизмінің клиникалық жоғарылауы әсерінің төмендеуіне және қынаптан қан кету сипатының өзгеруіне алып келуі мүмкін.

Айрықша нұсқаулар

65 жастан асқан әйелдерде орынбасушы гормональді емдеу тәжірибесі аз.

ОГЕ тек, өмір сапасына жағымсыз әсер беретін менопаузадан кейінгі симптомдарды емдеу үшін ғана пайдалану керек.

Емдеудің қаупі мен пайдасының арақатынасын мұқият (кемінде жыл сайын) бағалау керек.

ОГЕ пайдасы қаупінен асып түскенге дейін жалғастыру керек.

Мерзімінен бұрын басталған менопаузаның орынбасушы гормональді емімен байланысты жағымсыз әсерлер туралы ақпарат шектеулі. Жас әйелдердегі жағымсыз реакциялардың абсолюттік санының аздығына байланысты, бұл әйелдер үшін қаупі мен пайдасының арақатынасы егде жастағы әйелдерге қарағанда жағымдырақ болуы мүмкін.

Тексеру.

Орынбасушы гормональді емді (ОГЕ) бастаудың немесе қайта тағайындаудың алдында дәрігер пациент әйелдің толық жеке және отбасылық анамнезін жинақтауы қажет, препаратты тағайындаған кезде болуы мүмкін қарсы көрсетілімдерін анықтау және қажетті сақтық шараларын сақтау мақсатында медициналық тексеру (кіші жамбас ағзалары мен сүт бездерін қоса) жүргізу керек.

Емдеу үдерісінде мезгіл-мезгіл тексеру жүргізіп отыру ұсынылады. Оған кіретін әдістердің жиілігі мен түрі әр пациент әйел үшін жекелей белгіленеді. Әйелдерге, сүт бездеріндегі қандай өзгерістер туралы дәрігерге хабарлау керектігін айту керек. Маммографияны қоса зерттеулер, қолданыстағы нормаларға сәйкес жүргізілуі және әр пациент әйелдің жеке клиникалық қажеттіліктеріне бейімделуі тиіс.

Бақылауды қажет ететін жағдайлар.

Егер төменде атап келтірілген жағдайлардың кез келгені бар болса, бұрын кездессе және/немесе жүктілік немесе алдыңғы гормональді емдеу кезінде өршісе, пациент әйел дәрігердің тұрақты қадағалауында болуы тиіс. Ол жағдайлар кейде, Дивигельмен емдеу кезінде қайталануы немесе өршіп кетуі мүмкін, атап айтқанда жатыр лейомиомасы (фибромиома) немесе эндометриоз, тромбоэмболияық аурулар, егер бұлар, немесе олардың қаупі анамнезде болса, эстрогентәуелді ісіктердің қауіп факторлары (мысалы, сүт безі обырының тұқым қуалаушылығының I дәрежесі), артериялық гипертензия, бауыр аурулары (мысалы, бауыр аденомасы), қантамырлардың зақымдануымен немесе зақымдануынсыз жүретін қант диабеті, холелитиаз, бас сақинасы немесе күшті бас ауыруы, жүйелі қызыл жегі, анамнездегі эндометрий гиперплазиясы, эпилепсия, демікпе, отосклероз, тұқым қуалайтын Квинке ісінуі.

Емдеудің дереу тоқтатылуының себептері.

Егер қарсы көрсетілімдері анықталса және мына жағдайлар: сарғаю немесе бауыр функциясының нашарлауы, артериялық қысымның айқын жоғарылауы, бас сақинасы тәрізді бас ауыруының жаңа ұстамалары, жүктілік туындаса, емдеуді тоқтату керек.

Эндометрий гиперплазиясы және карцинома.

Егер жатыры интактілі пациент әйелдер ұзақ уақыт бойы тек эстрогендермен емделсе, эндометрий гиперплазиясы мен обыр қаупі арта түседі. Емдеу ұзақтығына және эстрогендердің дозасына сәйкес эндометрий обыры қаупінің 2-12 есе артуы туралы, эстрогендерді қолданып жүрмегендермен салыстырғанда, қолданып жүрген пациенттерде хабарланды.

Емдеуді тоқтатқаннан кейінқауіп кемінде 10 жыл бойы жоғары күйінде қалуы мүмкін.

Жатыры интактілі әйелдерде эстроген мен гестагеннің үздіксіз біріктірілген емі немесе прогестагеннің кезеңдік түрде, бір айдың немесе 28 күннің ішінде кемінде 12 күнге қосылуы, эстрогеннің артуымен байланысты қауіптің алдын алады.

Емдеудің алғашқы айы ішінде лақылдап қан кетулер мен қан аралас бөліністер туындауы мүмкін. Егер қан кету немесе қан аралас бөліністер емдеуді бастағаннан кейін біраз уақыттан соң пайда болса немесе, егер бұл емдеуді тоқтатқаннан кейін де жалғаса берсе, қан кетудің себептері зерттелуі тиіс. Қажет болған жағдайда, жасушалардың қатерлі трансформациясының бар-жоқтығын анықтау үшін, эндометрий биопсиясын жасау керек.

Эстрогендермен прогестагенді қоспай емдеу эндометриоз ошағындағы обыралды немесе қатерлі өзгерістерге алып келуімүмкін. Осылайша, эндометриозға байланысты гистеректомияны бастан өткерген пациент әйелдерге, әсіресе, эндометриоз ошақтары анықталған пациент әйелдерде эстрогендермен емдеу кезінде прогестагенді қосуды қарастыру керек.

Сүт бездерінің обыры.

Сүт безі обырының даму қаупі эстроген мен гестаген біріктірілімін қолданып жүрген пациентерде де, текэстрогенді қолданып жүргендерде де жоғарылайды.

Эстроген-прогестаген біріктірілген емі.

Рандомизацияланған, плацебо-бақыланатын және эпидемиологиялық зерттеулер, орынбасушы гормональні емдеу үшін эстроген мен прогестаген біріктірілімін қолдану сүт бездері обырының даму қаупін арттыратынын көрсетті. Әсері шамамен 3 жылдан соң білінеді.

Эстрогендермен монотерапия.

Гистеректомияны бастан өткерген әйелдерде орынбасушы гормональді емдеу үшін эстрогендерді қолданусүт безі обырының туындау қаупінің жоғарылауына алып келмейді.

Басқа бақылаулар сүт безі обырының даму қаупінің болар-болмас жоғарылағанынкөрсетеді, алайда бұл жоғарылауы, эстроген-прогестаген біріктірілімін қолданғандағыға қарағанда айтарлықтай аз.

Эстрогендермен бірнеше жыл емдеген жағдайда обыр аурулары қаупінің артатыны анық. Алайда қауіп, емдеуді тоқтатқаннан кейін бірнеше жылдан кейін (бес жылдан аспайды) бастапқы деңгейіне қайтып келеді.

ОГЕ, әсіресе эстроген-прогестаген біріктірілімдері, сүт безі тіндерінің тығыздығын арттырады, ол сүт безі обырының радиологиялық диагностикасының нашарлауына алып келуі мүмкін.

Аналық бездер обыры.

Аналық бездердің обыры сүт безі обырына қарағанда, айтарлықтай сирек кездеседі. Эстрогендік ОГЕ ұзақ уақыт (кемінде 5-10 жыл) қолдану аналық бездер обырының даму қаупінің аздап артуымен байланысты болды. Кейбір зерттеулердің деректері бойынша, біріктірілген ОГЕ ұзақ уақыт қолдану, алдыңғыға ұқсас немесе тіпті азғантай қаупімен байланысты болуы мүмкін.

Вена тромбоэмболиясы.

ОГЕ вена тромбоэмболиясының, мысалы, терең веналары тромбозының немесе өкпе эмболиясының 1,3-3 есе дамуы қаупімен байланысты. Аурудың дамуы орынбасушы гормональді емнің алғашқы жылында ықтималдырақ.

Тромбоздарға бейімділігі бар пациент әйелдерде вена тромбоэмболиясының даму қаупі зор болып табылады. ОГЕ оны арттыруы мүмкін болғандықтан, оны ондай пациент әйелдерге қолдануға болмайды.

Вена тромбоэмболиясы дамуының жалпы қауіп факторларына эстрогендерді қабылдау, жас егделігі, ауқымды операциялық араласымдар, ұзақ уақыт иммобилизациялау, семіздік (ДСИ > 30 кг/м2), жүктілік/босанғаннан кейінгі кезең, жүйелі қызыл жегі және обыр жатады. Вена тромбоэмболиясының дамуында веналар варикозының рөлі болуы мүмкіндігі туралы мәселеде консенсусқа қол жеткізілген жоқ.

Барлық хирургиялық науқастар үшін операциядан кейінгі тромбоэмболияны болдырмау үшін арнайы профилактикалық шаралар қажеттілігі қарастырылуы тиіс. Егер пациент әйелді жоспарлы операциядан кейін ұзақ уақыт бойы иммобилизациялау қажет болса, орынбасушы гормональді емді операциялық араласуға дейін 4-6 апта бұрын тоқтату ұсынылады. Емдеуді тиісінше қимыл-қозғалыс белсенділігі қайтабасталғанға дейін жалғастырмау керек.

Егер пациент әйелде анамнезінде вена тромбоэмболиясы жоқ болса, бірақ оның жас кезінде тромбоэмболияны бастан өткерген жақын туыстары бар болса, шектеулер аса мұқият қайта қарастырылатын кезде скрининг ұсынылуы мүмкін.

Ұзақ уақыт бойы антикоагулянттарды қабылдап жүрген пациенттерге, орынбасушы гормональді емнің артықшылықтары мен қауіптерін жақсылап салыстыру керек.

Егер вена тромбоэмболиясы емдеудің басында дамыса, емдеуді тоқтату керек. Пациент әйел, тромбоэмболияның қандай симптомдары туындаған кезде тез арада дәрігерге хабарласуы керектігін білуі тиіс (мысалы, аяқтың ауырсынумен жүретін ісінуі, кенеттен кеуденің ауыруы, тыныстың тарылуы).

Жүректің ишемиялық ауруы.

Рандомизацияланған бақыланатын зерттеулер барысында, жүректің ишемиялық ауруы бар пациент әйелдерде немесе басқа әйелдерде эстроген-прогестаген біріктірілімімен немесе эстрогендер монотерапиясымен орынбасушы гормональді емнің қорғағыш әсері анықталған жоқ.

Эстроген-прогестаген біріктірілген емі.

Жүректің ишемиялық ауруы дамуының салыстырмалы қаупі эстроген-прогестаген біріктірілген емін пайдаланған кезде сәл жоғарылайды. Жүректің ишемиялық ауруы дамуыныңабсолюттік қаупі жас шамасына байланысты болып келеді. Эстроген-прогестаген біріктірілген емінің нәтижесіндегі жүректің ишемиялық ауруы жағдайларының саны менопаузаға жақындаған дені сау әйелдерде өте аз, бірақ жас ұлғая келе арта түседі.

Эстрогендермен монотерапия.

Рандомизацияланған бақыланатын сынақтардан тек эстрогенді қолданған, гистеректомиядан кейінгі әйелдерде жүректің ишемиялық ауруы қаупінің жоғарылығы анықталған жоқ.

Ишемиялық инсульт.

Эстроген-прогестерон біріктірілген емі мен эстрогендермен монотерапия ишемиялық инсульттің 1,5 есе артуы қаупімен байланысты. Салыстырмалы қаупі жас ұлғая келе немесе менопаузадан кейін өзгермейді. ОГЕ қолданып жүрген әйелдерде инсульт қаупі елеулі дәрежеде жас шамасына тәуелді болғандықтан, инсульттің жалпы қаупі жас ұлғая келе арта түседі.

Басқа ерекшеліктер.

Эстрогендер организмде сұйықтықтың іркілуіне соқтыруы мүмкін, сондықтан, жүрек және бүйрек функциясының бұзылуы бар пациент әйелдер айрықша бақылауда болуы тиіс.

Гипертриглицеридемиясы бар, ОГЕ қолданып жүрген пациент әйелдерді аса мұқият қадағалау керек. Мұндай пациент әйелдерде эстрогендерді қолданғанда қан плазмасындағы триглицерид деңгейі күрт жоғарылаған бірнеше жағдай белгілі, бұл панкреатиттің дамуына алып келуі мүмкін.

Эстрогендер тиреоид-байланысқан глобулин (ТБГ) деңгейін арттырады, ол ақуызбен байланысқан Т4 концентрациялы (зерттеудің бағаналық немесе радиоиммундық әдісі) немесе Т3 концентрациялы (зерттеудің радиоиммундық әдісі) йодтың көмегімен өлшенген қалқанша без гормондарының айналымдағы мөлшері деңгейінің жоғарылауына алып келеді. Т3 жоғары деңгейі төмендейді, бұл ТТГ жоғарылауын көрсетеді, бос Т4 және Т3 концентрациялары өзгереді.

Қан сарысуындағы басқа байланыстыратын протеиндердің, мысалы, кортикоид-байланыстыратын глобулин (КБГ), жыныс гормондарын байланыстыратын глобулин (ЖГБГ) концентрациялары жоғарылауы мүмкін, бұл сәйкесінше, айналымдағы кортикостероидтар мен жыныстық стероид гормондары концентрациясының жоғарылауына алып келеді. Бос немесе биологиялық белсенді гормонның концентрациялары өзгеріссіз күйі қалады. Басқа плазма протеиндерінің (ангиотензин/ренин субстрат, альфа-1-трипсин, церулоплазмин) концентрациясы жоғарылауы мүмкін.

Ара-арасында, әсіресе, анамнезінде жүктілік кезіндегі хлоазмасы бар әйелдерде хлоазма туындауы мүмкін. Хлоазмаға бейім әйелдерге ОГЕ кезінде күн сәулесінің немесе ультракүлгін сәуленің әсеріне аз ұшырау керек.

ОГЕ когнитивті функцияларды жақсартпайды. 65 жастан асқан әйелдерде эстрогендермен емдеудің басында және емдеу кезеңі бойына деменцияның даму қаупі арта түсетіндігіне бірқатар дәлелдер бар.

Дивигель контрацептив емес, сондықтан, тиісті контрацепциялық дәрілерді қолдану қажет.

Дивигельдің құрамында пропиленгликоль бар, ол терінің тітіркенуін туғызуы мүмкін.

Дәрілік заттың автокөлік және қауіптілігі зор механизмдерді басқару қабілетіне ықпал ету ерекшеліктері

Препарат автокөлік немесе қауіптілігі зор басқа механизмдерді басқару қабілетіне әсер етпейді.

Артық дозалануы

Эстрогендермен артық дозалану жүрек айнуын, бас ауыруын және қынаптан қан кетуді туғызы мүмкін. Бірнеше хабарламаларға сәйкес, эстрогендердің көп дозасы бар контрацептивтерді қабылдаған балаларда ешқандай күрделі жағымсыз әсерлер байқалмаған. Емі симптоматикалық.

Шығарылу түрі және қаптамасы

0.5 г немесе 1.0 г гель алюминий фольгадан жасалған пакеттерге салынған.

28 пакеттен қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші

Орион Корпорейшн,

Тенгстроминкату 8, 20360 Турку, Финляндия.

Тіркеу куәлігінің иесі

Орион Корпорейшн,

Орионинтие 1, 02200 Эспоо,Финляндия.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атауыжәне мекенжайы

«ORION PHARMA EAST (ОРИОН ФАРМА ИСТ)» ЖШС

050000, Алматы қ., Төле Би к-сі, 69 үй, 19 кеңсе.

Тел.: 8 (727) 272-61-10, 272-61-11

Факс: 8(727) 272-62-09

Электронды поштасы:assel.alshynbayeva@orionpharma.com

Дәріханалар

Тауар артығымен бар
Тауар аз қалды
Аптека №8
ул. Абылай хана, б/н
09:00-23:00