Сипаттама
Дәрілік затты медициналық қолдану жөніндегі нұсқаулық
Дротаверин гидрохлориді
Саудалық атауы
Дротаверин гидрохлориді
Халықаралық патенттелмеген атауы
Дротаверин
Дәрілік түрі
40 мг таблеткалар
Құрамы
Бір таблетканың құрамында
белсенді зат - 40 мг дротаверин гидрохлориді,
қосымша заттар: лактоза моногидраты, картоп крахмалы, тальк,стеарин қышқылы
Сипаттамасы
Сары немесе жасыл реңді сары түсті, жайпақ цилиндрлі, ойығы бар таблеткалар.
Фармакотерапиялық тобы
Ішектің функциональді бұзылыстарын емдеуге арналған препараттар. Папаверин және оның туындылары. Дротаверин.
АТХ кодыA03AD02
Фармакологиялық қасиеттері
Фармакокинетикасы
Ішке қабылдағаннан кейін дротаверин жылдам және іс жүзінде толық сіңеді. Қанда қайтымды түрде қан плазмасының ақуыздарымен (шамамен 95-98%), негізінен альбуминмен, a-глобулиндермен және b-глобулиндермен байланысады. Ең жоғары концентрациясына (Cmax) 120 мг дозада ішке қабылдағаннан кейін 45-60 минуттан соң жетеді және 1,43±0,49 мкг/мл құрайды. Препаратты көп рет қолданғанда оның фармакокинетикасы өзгермейді. Препараттың жинақталуы байқалмаған.
Дротаверин организмде біркелкі таралады, тіндерге жақсы өтеді. Гематоэнцефалдық бөгет арқылы өтпейді.
Дротавериннің метаболизмі бауырда өтеді. Жартылай шығарылу кезеңі (T½) 8-10 сағатты құрайды. Шамамен 50% артығы бүйректермен (метаболиттер түрінде) және 30% ішекпен, 72 сағат ішінде организмнен іс жүзінде толық шығарылады.
Фармакодинамикасы
Изохинолин туындылары тобының түйілуді басатын дәрісі ішкі ағзалар мен қан тамырларының тегіс бұлшықеттеріне айқын босаңсытатын әсер етеді.
Әсер ету механизміIV типтегі фосфодиэстераза ферментінің (ФДЭ IV) тежелуімен байланысты.ФДЭ IV тежелуі цАМФ бұзылуының тоқтатылуына және оның тегіс бұлшықеттер жасушасының ішіне жинақталуына әкеп соқтырады. цАМФ концентрациясының артуы миозиннің жеңіл тізбегінің миозинкиназасы белсенділігін жояды, ол өз кезегінде тегіс бұлшықеттердің босаңсуына әкеп соғады. Миокард және қан тамырларының тегіс бұлшықеттері жасушаларында цАМФ гидролизі негізінен ФДЭ IIIизоэнзимінің қатысуыменжүреді, бұл жүрек-қан тамырлар жүйесіне айқын емдік әсері және жүрек-қан тамырларының күрделі жағымсыз құбылыстарының дамуы болмаған кезде дротавериннің спазмолитик ретіндегі жоғары деңгейде іріктеу арқылы әсер ететінін түсіндіреді.
Препарат шығу тегі жүйкелік, сонымен қатар бұлшықеттік тегіс бұлшықеттер түйілулерінде тиімді. Дротаверин қан тамыры бұлшықеттеріне босаңсытатын әсер етеді, соның арқасында олтіндердердің қанмен жабдықталуын жақсартады.
Қолданылуы
- өт шығару жолдарының ауруларымен байланысты тегіс бұлшықеттер түйілуінде: өттас ауруында, холециститте, перихолециститте, холангитте, папиллитте
- несеп шығару жүйесінің тегіс бұлшықеттерінің түйілуінде: несеп тас ауруында, пиелитте, циститте, қуық тенезмінде
- АІЖ тегіс бұлшықеттерінің түйілулерінде (қосымша ем ретінде): асқазан және он екі елі ішектің ойық жарасында, гастритте, кардия және пилорустың түйілуінде, іш қатулар және метеоризммен қатар жүретін спастикалық энтеритте және колитте
- гинекологиялық ауруларда (альгодисменореяда)
Қолдану тәсіліжәне дозалары
Ересектерге: ішке қабылдауға - тәуліктік доза (2-3 қабылдауға) 120-240 мг-ні құрайды.
6-дан 12 жасқа дейінгі балалар үшін: ең жоғарғы тәуліктік доза 80 мг құрайды (2 қабылдауға)
12 жастан үлкен балалар үшін: ең жоғарғы тәуліктік доза 160 мг құрайды (2-4 қабылдауға).
Жағымсыз әсерлері
- бас ауыруы, бас айналуы, ұйқысыздық
- тахикардия, артериялық қысымның төмендеуі
- жүрек айнуы, іш қатуы
- аллергиялық реакциялар: жиі емес ангионевроздық ісінулер, есекжем, бөртпе, қышыну
Қолдануға болмайтын жағдайлар
- дротаверинге немесе препараттың кез келген қосымша затына жоғары сезімталдық
- бүйректің немесе бауырдың ауыр жеткіліксіздігі
- жүректің ауыр жеткіліксіздігі (жүрек лықсытуының төмендеу синдромында)
- лактация кезеңі
- лактоза тапшылығы
- галактоземия
- глюкоза/галактоза сіңуінің бұзылуы синдромы
- 6 жасқа дейінгі балаларға
Дәрілерменөзара әрекеттесуі
Бір мезгілде қолданғанда дротаверин леводопаның антипаркинсондық әсерін азайтуы мүмкін.
Бір мезгілде қолданғанда папавериннің, бендазолдың және басқа да спазмолитиктердің (сонымен бірге м-холиноблокаторлардың) әсерін күшейтеді.
Дротаверинмен үшциклді антидепрессанттармен, хинидинмен және прокаинамидпен бір мезгілде қолданғанда олардың гипотензивті әсері күшейеді.
Айрықша нұсқаулар
Жүктілік
Дротавериннің тератогенді және эмбриоуытты әсері жоқ. Алайда препаратты қолдану тек ана мен балаға пайда-қауіп арақатынасын мұқият бағалағаннан кейін рұқсат етіледі.
Коронарлы қан тамырлардың патологиясы және қуық асты безінің қатерсіз гиперплазиясы бар пациенттерге тағайындағанда сақтық таныту қажет.
Көлікті жүргізу және механизмдерді басқару қабілетіне әсер етуі
Жағымсыз әсерлерді ескере отырып, көлік немесе қауіптілігі зор механизмдерді басқару кезінде сақтық таныту керек.
Артық дозалануы
Симптомдары:үлкен дозаларда жүрекше-қарынша өткізгіштігін бұзады, жүрек бұлшықеттерінің қозғыштығын төмендетеді, жүректің тоқтап қалуын және тыныс алу орталығының салдануын туындатуы мүмкін.
Емі:препаратты қабылдауды тоқтату, белгісіне қарай пайда болған бұзылуларды жоюға бағытталған ем. Арнайы антидоты жоқ.
Шығарылу түрі және қаптамасы
Баспалы лакталған алюминий немесе алюминий фольгадан жәнеполивинилхлоридті үлбірден жасалған пішінді ұяшықты қаптамада 10 таблеткадан.
10 таблеткадан пішінді ұяшықты қаптамаларды медициналық қолдану жөніндегі мемлекеттік және орыс тілдеріндегі нұсқаулықтардың сәйкесінше санымен бірге топтық қаптамаға салады.
2 пішінді ұяшықты қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Жарамдылық мерзімі
2 жыл
Жарамдылық мерзімі өткеннен кейін пайдалануға болмайды
Дәріханалардан босатылу шарттары
Рецептісіз
Өндіруші
«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс +375(177)734043.
Қазақстан Республикасы аумағында дәрілік заттың қауіпсіздігін тіркеуден кейін бақылауға жауапты ұйымның атауы, мекенжайы және байланыс деректері (телефон, факс, электрондық поштасы)
Қазақстан Республикасы,050004, Алматы қ-сы, Абылай хан даңғылы, 30, «МедФармИнтерСервис» ЖШС, тел. 87013066011, 87714140258.
