Тауарлардың көрінісі фотосуретте көрсетілгеннен өзгеше болуы мүмкін

Фарматекс 18,9 мг, №10, ваг. свечи

3393
Қолжетімділігі
Сатылымда бар
Үлгі
3400970001088
Елі
Франция
Өндіруші
Иннотек
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Фарматекс®

Саудалық атауы

Фарматекс®

Халықаралық патенттелмеген атауы

Бензалконий хлориді

Дәрілік түрі

Қынаптық суппозиторийлер

Құрамы

Бір суппозиторийдің құрамында

белсенді зат - 18,9 мг бензалконий хлоридіне сәйкес 37,8 мг бензалконий хлоридінің 50%ерітіндісі

қосымша заттар: гидроксипропилцеллюлоза, қатты май, Витепсол S51

Сипаттамасы

Ақ түсті, цилиндр пішінді, конус тәрізді ұшы бар суппозиторийлер

Фармакотерапиялық тобы

Гинекологиялық ауруларды емдеуге арналған басқа препараттар. Жергілікті қолдануға арналған контрацептивтер. Қынапішілік контрацептивтер.

АТХ коды G02BB

Фармакологиялық қасиеттері

Фармакокинетикасы

Бензалконий хлориді қынаптың шырышты қабығына сіңбейді. Ол қынап қабырғасының беткі қабатына ғана сіңіп, сонан соң қалыптыфизиологиялық бөлінділермен шығарылады немесе жай ғана сумен жуып-шаю арқылы жойылады.

Фармакодинамикасы

Бензалконий хлориді спермицид те және антисептик те болып табылады. Әсер етуші зат сперматозоидтардың жарғақшаларын бұзады. Сперматозоидтардың бұзылуы екі сатыда іске асады: басында жіпшенің ыдырауы, содан соң басы ажырайды, бұл ұрықтануға мүмкіндік қалдырмайды.

Әдістің тиімділігі қолдану жөніндегі ұсынысты дұрыс және нақты ұстануға байланысты болады.

Сапрофитті флора контрацептивтің ықпал етуінен өзгермейді - Фарматекс® лактобацилалар (Додерляйн талшықтары) санына әсер етпейді.

Фарматекс® гормональді препарат боламағандықтан етеккір оралымына, либидоға, фертильділікке әсер етпейді.

Бензалконий хлориді сондай-ақ антисептикалық белсенділік байқатады:

  • in vitro, препарат жыныс жолдары арқылы берілетін қоздырғыш инфекцияларына, әсіресе мыналарға: Neisseria gonorrhoeae, Chlamydia spp., Herpes simplex 2 типі, АИТВ, Trichomonas vaginalis, Staphylococcus aureus қатысты белсенді. Дегенмен, олMycoplasma spp. қатысты белсенді емес және Gardnerella vaginalis, Candida albicans, Haemophilus ducreyi және Treponema pallidum қатысты белсенділігі төмен;
  • in vivo, кейбір элементтер жыныс арқылы берілетін кейбір аурулардың қоздырғыштарына қатысты белсенді. Профилактикалық дәрі ретінде қолданылуы бойынша ақпарат жоқ.

Қолданылуы

Бала тууға қабілетті жастағы және осыған қарсы көрсетілімдері жоқ кез келген әйелге жергілікті қолданатын контрацепция ретінде, сонымен қатар мына жағдайларда қолданылады:

- гормональді контрацептивтерді немесе жатырішілік спиральдарды (ЖІС) қолдануға уақытша немесе абсолютті қарсы көрсетілімдердің болуы кезінде;

- босанудан кейінгі кезеңде және бала емізіп жүрген уақытта

- менопауза алдындағы кезеңде

- жүктіліктен мерзімді сақтану қажеттілігі туындағанда

- қынаптық диафрагманы, цервикальді қалпақшаны немесе жатырішілік спиральді (әсірсе, қабынуға қарсы стероидты емес дәрілер сияқты дәрілік препараттарды ұзақ қолданған кезде) қосымша жергілікті контрацепция ретінде

- пероральді гормональді контрацептивтерді қабылдағанда өткізіп немесе кешіктіріп алған кезде контрацепцияның қосымша әдісі ретінде.Бұл жағдайда етеккір оралымының қалған күндеріне контрацепцияның екі әдісін үйлестіру ұсынылады.

Қолдану тәсілі және дозасы

Қынапқа қолдануға арналған.

Шалқадан жатқан қалыпта, жыныстық қатынасқа дейінгі 5 минуттан кешіктірмей суппозиторийді қынап ішіне тереңірек енгізеді. Препараттың әсер ету ұзақтығы – 4 сағат.

Әр қайталанған жыныстық қатынастың алдында міндетті түрде жаңа суппозиторий енгізу керек.

Бір реттік доза: бір суппозиторий бір жыныстық қатынасқа есептелген. Пайдалану дүркінділігі әсер етуші затқа жекелей төзімділікпен және жыныстық қатынастар жиілігімен шектелген.

Фарматексті қынаптық диафрагмамен немесе ЖІС бірге қолдануға болады.

Жыныстық қатынастан кейін бірден жай сумен сыртқы жыныс мүшелерін ғана тазалауға болады.

Жағымсыз әсерлері

Біреуінде немесе жұптас екеуінде де аллергиялық реакциялар, жанаспалы дерматит, қышыну және ашып-шымылдату болуымүмкін.

  • Осы жағдайлар болғанда Фарматексті® қолдану тоқтатылады.

Қолдануға болмайтын жағдайлар

- препараттың компоненттеріне жоғары сезімталдық

- кольпит, вагинит

- қынап пен жатырдың шырышты қабықтарының ойылуы және тітіркенуі

- психикалық бұзылулары бар немесе жыныс мүшелерінде контрацептивті пайдалануды кедергілейтін кез келген араласуға жол бермейтін тұлғалар Фарматексті® дұрыс қолданбауы мүмкін жағдайларда

- контрацепцияның осы түрін түсінуге және келісуге қабілетсіз кез келген тұлғаға

Дәрілермен өзара әрекеттесуі

Қынапқа енгізілген кез-келген дәрілік зат Фарматекстің® жергілікті спермицидтік әсерінің белсенділігін төмендетуі мүмкін. Әсер етуші зат – бензалконий хлориді, сабынмен ыдырап кетеді, сондықтан жыныс мүшесін тазалағанда, тіпті ең аз мөлшерде де сабынды пайдалануға болмайды.

Айрықша нұсқаулар

Дұрыс қолданған жағдайда Фарматекс® жүктіліктен сақтану үшін тиімді препарат болып табылады. Алайда, гормональді контрацепциямен, жатырішілік контрацепциямен, диафрагмамен, цервикальді қалпақшамен немесе мүшеқаппен салыстырғанда жергілікті спермицидті контрацепциялық әдістің тиімділігіаз. Контрацепцияның тиміділігі оны пайдаланғанда ережені қатаң қадағалаумен байланысты болады.

  • Әр жыныстық қатынастың алдында жүйелі түрде қолданылады.
  • Жуынып-шайыну үшін жыныстық қатынасқа дейінгі 2 сағат және жыныстық қатынастан кейінгі 2 сағат ішінде сабынды пайдалануға тыйым салынады, өйткені сабын, тіпті оның аз мөлшерлі қалдығы Фарматекстің® әсер етуші затын бұзады.
  • Жыныстық қатынастан кейін бірден сыртқы жыныс мүшелерін тек таза сумен жууға болады. Қынаптыбүркіп-шаю алдында жыныстық қатынастан кейін 2 сағат күте тұрған дұрыс.
  • Қынапқа енгізілген Фарматекспен® ванна қабылдауға, бассейнде, теңізде және су қойнауларында шомылуға болмайды, өйткені бұлар одан кейінгі контрацептивтік әсер етудің төмендеу қаупін туғызады.
  • Егер қынап ауруларын емдеу қажеттілігі туындаған және/немесе қынапқа енгізу үшін басқа дәрілік заттар тағайындалған жағдайда Фарматекстің® көмегімен контрацепцияны жаңғырту (бастау) алдында емнің аяқталғанын күту керек.
  • Осы контрацепция әдісі жыныс арқылы берілетін немесе адам иммун тапшылығы вирусы туындататын инфекциядан қорғамайды. Бұл аурулардан тек бір әдіс бөгеттік контрацепция – мүшеқап ғана.

Жүктілік және лактация кезеңі

Препараттың жүктілік кезінде пайдаланылуымен байланысты қандай да бір зиянды әсер етуі анықталған жоқ: соңғы өнімнің тератогендік қасиетіне сараптамада, сол әсер етуші заттың тератогендік қасиетінің сараптамасы сияқты теріс нәтиже берді.

Қандай да бір белгілі жағымсыз реакциялардың салдарынсыз емшек сүтіне ену өте аз мөлшерде болуы мүмкін. Препарат емшек емізу кезеңінде қолданылуы мүмкін.

Дәрілік заттардың көлік құралдарын жүргізуге және қауіпті механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталмаған

Шығарылу түрі және қаптамасы

5 суппозиторийден поливинилхлоридті үлбірден және алюминий фольгадан жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Юнитер Ликвид Мануфэкчуринг, Франция

Сапаныбақылаудықамтамасызетуші

Иннотера Шузи, Рю Рене Шантеро, Шузи-Сюр-Сис, 41150 Валуар-сюр-Сис, Франция

Тіркеу куәлігінің иесі

Иннотек Интернасиональ Зертханасы, Франция

Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын ұйымныңмекенжайы:

ҚР-дағы «Иннотек Интернасиональ Зертханасы С.А.С.» өкілдігі

050059, Қазақстан Республикасы, Алматы қ., әл-Фараби д-лы, 17, «Нұрлы Тау» бизнес-орталығы, 4 Б блогы, 606 кеңсе, тел./факс: +7-727-311-09-71, +7-727-311-09-72, электронды пошта: innotech@innotech.kz

Дәріханалар

Тауар артығымен бар
Тауар аз қалды
Аптека №8
ул. Абылай хана, б/н
09:00-23:00