Глюкоза 40% 5 мл № 10 амп

Сипаттама

Дәрілік затты медициналық қолдану

жөніндегі нұсқаулық

ГЛЮКОЗА

Саудалық атауы

Глюкоза

Халықаралық патенттелмеген атауы

Жоқ

Дәрілік түрі

Инъекцияға арналған 400 мг/мл ерітінді

Құрамы

Бір ампуланың ішінде:

белсенді зат – 2000 мг сусыз глюкоза;

қосымша заттар:0,1 М хлорсутек қышқылы, инъекцияға арналған су, натрий хлориді.

Сипаттамасы

Түссіз мөлдір немесе аздап сарғыш сұйықтық.

Фармакотерапиялық тобы

Плазма алмастыратын және перфузиялық ерітінділер. Басқа да ирригациялық ерітінділер. Декстроза

АТХ коды В05СX01

Фармакологиялық қасиеттері

Фармакокинетикасы

Вена ішіне енгізгеннен кейін глюкоза организмнің зат алмасуының әртүрлі буындарына белсенді кірігіп, мүшелер мен тіндерге түседі және глюкоза-6-фосфатқа айналуыменфосфорланады. Глюкоза қоры глюкоген түрінде тіндер жасушаларында жинақталады.

Гликолиз үдерісіне қатысып, глюкоза пируватқа дейін немесе лактатқа дейін метаболизденеді, аэробты жағдайларда пируват толығымен АТФ түрінде энергия түзе отырып көмірқышқыл газына және суға дейін метаболизденеді.

Фармакодинамикасы

Көмірсу қоректік дәрі. Глюкоза энергия шығынын субстратты толтырылумен қамтамасыз етеді, организмде зат алмасу үдерісін белсендіреді. 400 мг/мл глюкоза ерітіндісі, гипертониялық ерітіндісі ретінде қанның осмостық қысымын көтермелейді, нәтижесінде тіндерден қанға сұйықтықтың қозғалысы күшейеді; бауырдың уыттылыққа қарсы функциясын жақсартады, миокард жиырылуын жоғарылатады, диурезді арттырады.

Қолданылуы

• гипогликемияда
• көмірсу қорегі жеткіліксіздігінде
• вена ішіне енгізуге арналған дәрілік заттардың ерітінділерін дайындау үшін.

Қолдану тәсілі мен дозалары

400 мг/мл гипертониялық ерітіндіні минутына 30 тамшыға дейінгі (1,5 мл/мин) ең жоғары жылдамдықпен вена ішіне тамшылатып енгізеді, ол шамамен сағатына 48 мл сәйкес келеді. Ересектерге арналған ең жоғары тәуліктік доза – 250 мл. Ең жоғары тәуліктік доза тәулігіне - 15 мл/кг, ол тәулігіне 6 г/кг сәйкес келеді. Инфузияның ең жоғары жылдамдығы сағатына - 0,62 мл/кг, ол сағатына 0,25 г/кг сәйкес келеді.Дене салмағы 70 кгпациент үшін инфузияның ең жоғары жылдамдығы сағатына - 43 мл (глюкозаның – сағатына 17,5 г).

Препаратты гипогликемиялық команы тоқтатуда вена ішіне сорғалатып енгізуге болады.

Жағымсыз әсерлері

Жағымсыз реакциялары (ЖР) MedDRA сөздігіне және ДДҰ ЖР даму жиілігінің жіктелуіне сәйкес жүйелер мен ағзалары бойынша топтастырылған: өте жиі (>1/10), жиі (>1/100 <1/10 дейін), жиі емес (>1/1000 <1/100 дейін), сирек (>1/10000 <1/1000 дейін), өте сирек (<1/10000), жиілігі белгісіз (жиілігінің бар деректер негізінде анықталуы мүмкін емес).

Иммунды жүйе тарапынан: жиілігі белгісіз – анафилаксиялық реакциялар, жоғары сезімталдық.

Зат алмасу және тамақтану тарапынан: жиілігі белгісіз – электролиттік теңгерімнің бұзылуы (гипокалиемия, гипомагниемия, гипофосфатемия, гипергликемия, гемодилюция, дегидратация, гиперволемия).

Қантамырлары тарапынан: жиілігі белгісіз – веноздық тромбоз, флебит.

Тері мен теріасты тіндері тарапынан: жиілігі белгісіз – тершеңдік.

Бүйрек және несеп шығару жолы тарапынан: жиілігі белгісіз – полиурия.

Жалпы бұзылыстар мен енгізілген жердегі өзгерістер: жиілігі белгісіз – қалтырау, қызба, инъекция орнындағы инфекция, инъекция орнындағы тітіркену, экстравазация, инъекция орнының ауыруы.

Зертханалық-аспаптық деректер: жиілігі белгісіз – глюкозурия. Жағымсыз реакциялар, сондай-ақ ерітіндіге қосылған препаратпен байланысты болуы мүмкін. Басқа жағымсыз реакциялар мүмкіндігі нақты қосылған дәрілік препараттың қасиетіне байланысты.

Жағымсыз реакциялар пайда болған жағдайда ерітіндіні енгізуді тоқтату, пациенттің жағдайын бағалау және медициналық көмек көрсету керек. Қалған ерітіндіні кейіннен талдау жүргізу үшін сақтау керек.

Қолдануға болмайтын жағдайлар

- гипергликемия, қант диабеті, глюкозаның утилизациясының операциядан кейінгі бұзылуы

- гиперлактацидемия, гиперосмолярлы кома

- гипергидратация, мидың және өкпенің ісінуі, жедел сол жақ қарыншалық жеткіліксіздік

- препаратқа аса жоғары сезімталдық

- мидың және өкпенің ісіну қаупімен циркуляторлық бұзылыстар

- миға және жұлынға қан құйылуы (гипогликемиямен қатар жүретін жағдайлардан басқа)

- анурия

- алкогольдік делирий

- балаларға (жаңа туғандар мен шала туған балаларға)

Дәрілермен өзара әрекеттесуі

Натрий хлориді ерітіндісімен біріктіріп қолданғанда ерітіндінің осмолярлығына қатысты аддитивті әсер етеді.

Гексаметилентетраминмен бір шприцте енгізуге,жалпы анестетиктермен және ұйықтатын дәрілермен, алкалоидтар ерітінділерімен араластыруға болмайды.

Анальгетиктердің, адреномиметиктердің әсерін әлсіретеді, стрептомициннің белсенділігін жояды, нистатиннің тиімділігін төмендетеді.

Айрықша нұсқаулар

Препаратты жылдам немесе ұзақ уақыт енгізуге болмайды. Глюкозаның гипертониялық ерітіндісін жылдам енгізу гипергликемияға әкелуі мүмкін. Егер енгізу үдерісінде қалтырау пайда болса, енгізуді дереу тоқтату керек. Тромбофлебиттің алдын алу үшін, ірі вена арқылы баяу енгізу керек. Қансарысуында сулы-электролитті теңгерімге және глюкоза деңгейіне мониторинг жүргізу керек.

Препаратты ұзақ уақыт вена ішіне қолданғанда қандағы қант деңгейін бақылау керек. Глюкозаның жақсы қорытылуы үшін нормогликемиялық жағдайларда препаратты енгізудің дұрысы қысқа мерзімде әсер ететін 1 ӘБ инсулинді 4–5 г глюкозаға (құрғақ зат) есебімен тағайындаумен (тері астына) бірге жүргізу керек.

Қант диабеті, тойып тамақтанбау, көмірсулардың жақпаушылығы, тиамин тапшылығы, гипофосфатемия, гемодилюция, сепсис және жарақатты бар пациенттерге сақтықпен тағайындау керек. Ми қан айналымының жедел бұзылуында препаратты сақтықпен қолданады, өйткені ол ми құрылымының зақымдануын ұлғайтуы жәнегипогликемияны түзету жағдайынан басқа, аурудың жағдайын нашарлатуы мүмкін.

Гипокалиемияда препаратты енгізуді гипокалиемияның күшею қаупіне байланысты калий тапшылығын түзетумен бір мезгілде; гипотониялықдегидратацияда – гипертониялық тұзды ерітінділерді енгізумен бір мезгілде жүргізу керек. Ерітіндіні теріастына және бұлшықет ішіне қолдануға болмайды.

Ампуланың ішіндегісі тек бір пациентке қолданылуы мүмкін. Ампуланың герметикалығы бұзылғаннан кейін ампула ішіндегі пайдаланылмаған бөлігін тастау керек.

Жүктілік және емшекпен қоректендіру кезінде қолдану

Препаратты жүктілік және лактация кезеңіндегі әйелдерге сақтықпен тағайындау керек, егер анасы үшін болжамды пайдасы шарана немесе бала үшін зор қаупінен жоғары болса ғана, тек дәрігердің тағайындауы бойынша қолдануға болады.

Препаратты нормогликемиямен жүктілерде қолдану шаранада гипергликемия, метаболизмдік ацидоз туындатуы мүмкін. Соңғысын шарана дистрессі немесе гипоксия басқа перинатальді факторлармен өзара байланысты болғанда ескерудің маңызы зор.

Педиатрияда қолдану

Жаңа туған және шала туған балаларға глюкоза препараты, 400 мг/мл инъекцияға арналған ерітіндісін дене салмағына1 мл/кг-дан асатын дозада қолдану ұсынылмайды, өйткені гипертониялық ерітінді енгізумен туындайтын энцефалопатияның даму қаупі жоғары. Препаратты балаларға тек дәрігердің тағайындауы және бақылауы бойынша қолдану керек!

Бүйрек жеткіліксіздігінде, қалпына келмейтін жүрек жеткіліксіздігінде, гипонатриемияда

Бүйрек жеткіліксіздігінде, қалпына келмейтін жүрек жеткіліксіздігінде, гипонатриемияда глю­козаны тағайындаған кезде айрықша сақтық талап етіледі, орталық гемодинамика көрсеткіштерін бақылау қажет.

Көлік құралын немесе басқа механизмдерді басқару қабілетіне әсері

Глюкоза ерітінділері көлік жүргізу және механизмдермен жұмыс жасау қабілетіне әсер етпейді немесе мардымсыз әсер береді.

Артық дозалануы

Симптомдары: гипергликемия, глюкозурия, қанның осмостық қысымының көтерілуі (тіпті гипергликемиялық гиперосмолярлы комаға дейін), гипергидратация, электролитті теңгерімнің бұзылуы.

Емі: препаратты қабылдауды тоқтату және қандағы глюкоза деңгейі 9 ммоль/л жеткенге дейін қанда әрбір 0,45-0,9 ммоль глюкозаға 1 ӘБ есебінен жылдам әсер ететін инсулин тағайындау керек.

Глюкоза деңгейін біртіндеп төмендету керек. Инсулинді бір мезгілде тағайындаумен теңгерілген тұзды ерітінділер инфузиясы жүргізіледі.

Қажет болған кезде симптоматикалық ем тағайындайды.

Шығарылу түрі және қаптамасы

Ампулаға 5 мл-ден.

Әрампулаға өздігінен желімденетін заттаңба жапсырылады немесе мәтін ампулаға терең басу тәсіліменжылдам бекитін бояумен жазылады.

10 ампуладан ампуланы ашуға арналған пышақ немесе скарификатормен бірге гофрлауға арналған қағаздан жасалған гофрланған қосымша парағы бар полиграфиялық картоннан жасалған қорапқа салынған.

Қорапты көп боялатын баспаға арналған қағаздан немесе офсетті қағаздан жасалған заттаңба-бандероль жапсырады.

Қораптар медициналық қолдану жөніндегі мемлекеттік және орыс тіліндегі нұсқаулықпен бірге топтық қаптамаға салынады.

Медициналық қолдану жөніндегі мемлекеттік және орыс тіліндегі нұсқаулықтар санықаптамалар санына сәйкес келуі керек.

10 ампуладан ампуланы ашуға арналған пышақ немесе скарификатормен және медициналық қолдану жөніндегі мемлекеттік және орыс тіліндегі нұсқаулықтарымен бірге хром-эрзац картоннан, макулатуралық немесе целлюлозалық картоннан жасалған қорапқа хром-эрзац картоннан немесе целлюлозалық картоннан жасалған ампулаларды бекітуге арналған екі картон қосымшаларымен бірге салынады.

Сындыру сақинасы немесе кертігі және сындыру нүктесі барампулаларды қолданғанда, ампуланы ашуға арналған пышақ немесе скарификатор салынбайды.

Сақтау шарттары

5°С-ден 30°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64,

тел/факс +375 (177) 734043

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында тұтынушылардан өнімнің (тауардың) сапасына қатысты шағымдарды қабылдайтын ұйымның мекенжайы

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64, тел/факс 8-(10375177)734043, электронды поштасы: market@borimed.com

Қазақстан Республикасы аумағында дәрілік заттың қауіпсіздігін тіркеуден кейін бақылауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы, 050026. Алматы қ-сы, Нұрмақов к-сі 26/195, 39 пәтер, тел/факс: +7 (727) 2911 198, тел: +7 777 7040709, +7 777 2306494; pvqabzmpkz@mail.ru

Дәріханалар