Сипаттама
Медициналық бұйымды медицинада қолдану
жөніндегі нұсқаулық
Медициналық бұйымның атауы
Голапроп® тамаққа арналған спрейі
Медициналық бұйымның құрамы мен сипаттамасы
Құрамы: деминерализацияланған су, фруктоза, прополистің гидроглицеринді экстрактісі, эхинацеяның полисахаридтерге бай құрғақ экстрактісі, жебіршөп, ацерола, қызылмия, қаражидек, натрий гиалуронаты, глицерин, хош иістендіргіш, алма қышқылы, сукралоза, гуммиарабик, карбоксиметилцеллюлоза, калий сорбаты, натрий бензоаты.
Құрамында глютен жоқ.
Сипаттамасы: қоңыр түсті ерітінді.
Медициналық бұйымның қолданылу саласы және тағайындалуы
Голапроп® тамаққа арналған спрейі жөтелмен, ауырсынумен, ашытып-күйдіру сезімімен және жұтыну кезіндегі сезімталдықпен байланысты тамақтың тітіркенуін жеңілдету үшін қолданылады.
Бөгеттік әсері бар қорғағыш үлбірдің арқасында спрей ауыз қуысын бүркейді де, оны сыртқы тітіркендіргіш агенттердің жанасуынан қорғайды.
Жедел және созылмалы қабынумен, жұтынған кездегі қиындықтармен байланысты тамақ аурулары симптомдарын жеңілдету үшін тамаққа арналған спрей.
Қолдану тәсілі
Ұсынылған:
- ересектер мен 6 жастан асқан балаларға: тікелей ауыз қуысының шырышты қабатына 4 бүрку;
- 1 жастан асқан балаларға: тікелей ауыз қуысының шырышты қабатына 2 бүрку.
Бүркуді күніне 3 рет қайталаңыз немесе дәрігердің ұсынымына сәйкес. Қажеттілігіне байланысты спрейді күніне ең көбі 6 рет бүркуге болады. Голапроп® тәуліктің кез келген уақытында қабылдауға болады. Қолданғаннан кейін кем дегенде 30 минут ас қабылдамау және су ішпеу ұсынылады. Курстың ұзақтығы симптомдардың дамуына байланысты; қажет болған кезде жағдайды жақсарту мақсатында Голапроп® ұзақ уақыт бойы қабылдауға болады. Ашылғаннан кейін 4 ай ішінде қолданыңыз. Емдеу ұзақтығы 30 күннен аспауы тиіс.
Бірінші қолданған кезде дәл дозалауға қол жеткізу үшін дозатор түймесін бірнеше рет басыңыз. Егер спрей ұзақ уақыт пайдаланылмаса, бұл процедураны қайталауға болады. Голапроп® дұрыс дозалануын қамтамасыз ету үшін канюля көлденең қалыпта болуы керек. Голапроп® жеке пайдалануға арналған. Қолданар алдында қолыңызды жуыңыз.
Қолдану тәсілі:
- құтыны сілку
- канюляны көлденең күйге бұрыңыз және бүріккіштің тығынын алыңыз
- бүріккішті қабыну аймағына бағыттай отырып, дозалағыш канюляның ұшын ауыз қуысына енгізіңіз
- ішіндегісі шашырағанша тұрақты қысым жасай отырып, дозатор қалпақшасын соңына дейін басыңыз. Құтыны тігінен ұстаңыз және көрсетілген дозаны алу үшін тағы бір рет басыңыз.
- қолданғаннан кейін бүріккішті арнайы тығынмен жауып, канюляны тік күйге бұрыңыз.
Сақтық (қауіпсіздік) шаралары мен медициналық бұйымды пайдалану кезіндегі шектеулер жөніндегі ақпарат
Пайдаланар алдында құтыны сілкіп жіберіңіз.
Жарамдылық мерзімі өткеннен кейін қолдануға болмайды, сонымен қатар алғаш ашқан кезде қаптамасы зақымдалған немесе бүтіндігі бүлінген болса.
Қолдануға болмайтын жағдайлар
- медициналық препараттың кез-келген компонентіне аса жоғары сезімталдық
- 1 жасқа дейінгі балалар жасы
Жүктілік және бала емізу кезінде қабылдаған кезде клиникалық деректердің жеткілікті саны жоқ.
Медициналық бұйымдардың жарамдылық мерзімі мен сақтау шарттары жөніндегі ақпарат
Сақтау мерзімі: 3 жыл.
Жарамдылық мерзімі өткеннен кейін қолдануға болмайды.
Сақтау шарттары
Салқын әрі құрғақ, тікелей күн сәулесінен қорғалған жерде 25°С-ден аспайтын температурада сақтау керек.
Қаптамасы
Шыны құты 50 мл тамаққа арналған бүріккішімен. Медициналық қолдану жөніндегі қазақ және орыс тілдеріндегі нұсқаулықпен бірге 1 құтыдан картоннан жасалған қорапқа салынады.
Өндіруші ұйым
Өндіруші ұйым (дайындаушы):
Ербозета С.п.А., Сан-Марино Республикасы
Strada delle Seriole, 41/43, 47894 Chiesanuova
Қазақстан Республикасы аумағында медициналық мақсаттағы бұйымдар жөніндегі шағымдарды (ұсыныстарды) қабылдайтын ұйымның атауы және мекенжайы
INKAR ЖШС, Қазақстан Республикасы
Алматы қ., 050050, Сейфуллина даңғылы, 404/67 үй
Тел./факс: (727)388-44-88, 388-44-77
e-mail: IT@INKAR.KZ
Медициналық қолдану жөніндегі нұсқаулықтың шығарылуы немесе соңғы қайта қаралуы туралы деректер:
Соңғы қайта қаралған күні: 27.05.2017
Таңбалау кезінде пайдаланылған символдар мен белгілердің түсіндірмесі
| 0426 | Бұйымның директивалардың негізгі талаптарына және Еуропалық одақтың үйлестірілген стандарттарына сәйкестік белгісі, сандар белгіні берген уәкілетті органның сәйкестендіру нөмірін білдіреді |
| | Қоқыс жәшігіне тастаңыз |
| | НАЗАР АУДАРЫҢЫЗ: Балалардың қолы жетпейтін жерде сақтау керек! |
| | ЕО-дағы ресми өкілі |
| | 25°С-ден аспайтын температурада сақтау керек |
|
| Сериясы |
|
| Дайындалған күні |
| | Дейін жарамды |
|
| Өндіруші |
