Кванил 500 мг № 10 табл п/плён оболоч

Сипаттама

Дәрілік затты медициналық

қолдану жөніндегі нұсқаулық

КВАНИЛ^®

Саудалық атауы

КВАНИЛ^®

Халықаралық патенттелмеген атауы

Цитиколин

Дәрілік түрі

Үлбірлі қабықпен қапталған таблеткалар, 500 мг

Құрамы

Біртаблетканың құрамында

қосымша заттар: лактоза моногидраты, микрокристалды целлюлоза, повидон, натрий кроскармеллозасы, сусыз коллоидты кремнийдің қостотығы, магний стеараты,

қабықтың құрамы: Opadry 03F58750 ақ*

* – тальк, полиэтиленгликоль, гипромеллоза, титанның қостотығы (Е 171).

Сипаттамасы

Үлбірлі қабықпен қапталған ақ түсті, капсула пішінді таблеткалар

Фармакотерапиялық тобы

Жүйке жүйесінің ауруларын емдеуге арналған препараттар. Психоаналептиктер. Психостимуляторлар мен басқа да ноотроптар. Цитиколин.

АТХ коды N06BX06

Фармакологиялық қасиеттері

Фармакокинетикасы

Сіңуі

Цитиколин ішке қабылдаған кезде жақсы сіңеді. Ішу арқылы қабылдаудан кейін іс жүзінде толық сіңеді, биожетімділігі шамамен вена ішіне енгізуден кейінгідей болады.

Метаболизм

Препарат ішекте және бауырда холин мен цитидин түзе отырып метаболизденеді. Препаратты қабылдағаннан кейін холиннің плазмадағы концентрациясы елеулі түрде арта түседі.

Таралуы

Цитиколин холин фракцияларын құрылымдық фосполипидтерге және цитидин фракцияларына- цитидинді нуклеотидтерге және нуклеин қышқылдарына тез ендіре отырып, елеулі дәрежеде мидың құрылымдарында таралады. Цитиколин миға өтеді және құрылымдық фосполипидтердің фракцияларының бір бөлігін түзе отырып, жасушалық, цитоплазмалық және митохондриялық жарғақшаларға белсенді түрде кірігеді.

Шығарылуы

Цитиколиннің енгізілген дозасының 15% ғана организмнен: 3%-дан кемі бүйрек және ішек арқылыжәне 12% шамасында деммен шығатын СО₂ (көмірқышқыл газымен) шығарылады.

Цитиколиннің несеппен экскрециясын 2 фазаға бөлуге болады: бірінші фаза, 36 сағатқа жуық уақытқа созылады, оның барысында шығарылу жылдамдығы төмендейді, және екінші фаза, оның барысында экскреция жылдамдығы әлдеқайда баяу төмендейді.Деммен шығатын СО₂-ден де дәл осы жағдай байқалады – шығарылу жылдамдығы шамамен 15 сағат өткенде тез төмендейді, ал содан кейін әлдеқайда баяу төмендейді.

Фармакодинамикасы

КВАНИЛ^® – ноотропты препарат. Цитиколин, жасушалық жарғақшаның негізгі ультрақұрылымдық компоненттері ізашары бола отырып (негізінен фосфолипидтер), кең ауқымды әсерге ие: жасушалардың зақымданған жарғақшаларының қалпына келуіне ықпал етеді, фосфолипаза әсерін тежейді, бос радикалдар түзілуіне кедергі етіп, сондай-ақ апоптоз механизміне әсер етіпжасушалардың қырылуының алдын алады.

КВАНИЛ^® ацетилхолин синтезін арттырып,холиннің көзі болып табылады және жарғақшалар нейрондарында құрылымдық фосфолипидтердіңбиосинтезін (тіректік) стимуляциялайды.

Холинергиялық нейрондарда жүйке импульстарының берілуін жақсартады, нейрональді жарғақшалардыңиілгіштігіне және рецепторлар функциясына оң әсер етеді.

Церебральді қанайналымын жақсартады, мидағы метаболизмдік үдерістерді күшейтеді, мидың ретикулярлы формациясы құрылымын белсендіреді.

Инсульттің жедел кезеңінде зақымданған тін көлемін азайтады, холинергиялық берілісті жақсартады.

КВАНИЛ^® жадының жақсаруын, көңіл-күйдің құбылуын, жігерсіздік, күнделікті әрекеттер жасаудағы қиындықтар және өзін-өзіқызметпен қамти алмауды қоса, гипоксия мен миишемиясында байқалатын симптомдарды жеңілдетеді.

Бас сүйек-ми жарақатында жарақаттан кейінгі команың ұзақтығын жәненеврологиялық симптомдар айқындығын азайтады.

КВАНИЛ^® ісінуге қарсы әсері бар және нейрональді жарғақшаны тұрақтандыратын әсерінің арқасында мидың ісінуін азайтады.

Сауығуды жеделдетеді және жарақаттанудан кейінгі синдромның ұзақтығын және қарқындылығын азайтады.

КВАНИЛ^® этиологиясы дегенеративті және тамырлық болатын когнитивті, сезімталдық және қозғалыстық неврологиялық бұзылыстарды емдеуде тиімді.

Қолданылуы

- инсультте және оның салдарында;

- бассүйек ми жарақаттарында және оның салдарында;

- дегенерациялық өзгерістерден және қан тамырларының бұзылуынан туындаған когнитивті, сезімталдық және қозғалыстың неврологиялық бұзылыстарында

Қолдану тәсілі және дозалары

Ұсынылатын доза тәулігіне 500-ден 2000 мг (1–4 таблетка) дейінді құрайды.

Препараттың дозасы және емдеу мерзімі ми зақымдануының ауырлығына байланысты және оны дәрігер анықтайды.

Егде жастағы пациенттерге дозаны түзету қажет етілмейді.

Жағымсыз әсерлері

Өте сирек (<1/10,000) (жекелей реакцияны қоса)

-аллергиялық реакциялар, есекжем, экзантема, терінің күрең қызылға дейін боялуы, терінің қышынуы, ісінулер, анафилаксиялық шоктың дамуы мүмкін;

-бас ауыруы, бас айналуы, елестеулер, қозу, ұйқысыздық, температураның көтерілуі, ысынуды сезіну, тремор;

-диспноэ;

-жүрек айнуы, құсу, диарея;

- артериялық қысымның жоғарылауы немесе қысқа мерзімді төмендеуі

Қолдануға болмайтын жағдайлар

- препараттың компоненттеріне жоғары сезімталдық;

- жоғары тонустыпарасимпатикалық жүйке жүйесі жағдайы (ваготония);

- тұқым қуалайтын лактоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы;

- 18 жасқа дейінгі балалар мен жасөспірімдер (жеткілікті клиникалық деректердің болмауымен байланысты)

Дәрілермен өзара әрекеттесуі

КВАНИЛ^® L – дигидроксифенилаланин және леводопа әсерін күшейтеді. Құрамында меклофеноксат бар дәрілік заттарды бір мезгілде қолдануға болмайды.

Препаратты қабылдағанда алкогольді пайдалануға болмайды.

Айрықша нұсқаулар

КВАНИЛ^® препаратын триметиламинуриямен, Паркинсон ауруымен, эпилепсиямен ауыратын пациенттерге және анамнезде депрессиясы бар пациенттерге сақтықпен қолдану керек.

Педиатрия қолдану

Балалар тәжірибесінде дәрілік препаратты, егер күтілетін емдік пайдасы ықтимал қауіптен асып түскенде ғана тағайындайды. Жасы және дозалау режимін емдеуші дәрігер жекелей анықтайды.

Жүктілік кезеңінде немесе бала емізу уақытында қолданылуы

Препаратты жүктілік және бала емізу кезеңінде ана денсаулығы үшін болжамды пайдасы шаранаға немесе балаға төнетін зор қауіптен артық болатын жағдайларда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цитиколин көлік құралдарын басқару және механизмдерді пайдалану қабілетіне әсер етпейді.

Артық дозалануы

Симптомдары: препараттың жағымсыз әсерлерінің күшеюі

Емі: симптоматикалық.

Шығарылу түрі және қаптамасы

10 таблеткадан алю-алю фольгадан жасалған пішінді ұяшықты қаптамада.

1 немесе 3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

Кусум Хелткер Пвт. Лтд., Үндістан

СП 289 (А), Риико Индл. Ареа Чопанки, Бхивади (Радж.), Үндістан

Тіркеу куәлігі иесінің атауы және елі

Кусум Хелткер Пвт. Лтд., Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымныңмекенжайы

«Дәрі-Фарм» ЖШС (Қазақстан) Алматы қ., Достық даңғ., 117/6, «Хан-Тәңірі» БО,Телефон: 295-26-50, 295-26-51 (54) , Факс: 295-26-55

электрондық пошта: Office@kusumhealthcare.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан-Тенгри» БО,Телефон: 295-26-50, 295-26-51 (54), Факс: 295-26-55

Электрондық пошта: mtt@kusumhealthcare.kz

Дәріханалар

Қалалар