Сипаттама
Медициналық бұйымды қолдану жөніндегі нұсқаулық
Медициналық бұйымның атауы
Oмк2 стерильді көз тамшылары,10 мл.
Бұйымның құрамы мен сипаттамасы:
Қанық қызғылт ерітінді.
Тамшылардың құрамы: 0.2% гиалурон қышқылы,цитиколин мононатрий тұзы 2%, цианокобаламин(В12 витамині), натрий фосфаты моногидраты, натрий дигидрофосфаты додекагидраты, натрий хлориді, бензалконий хлориді, инъекцияға арналған су.
OMK2 құрамында 2% цитиколиндіжәне В12 витаминді биотехнологиялық синтез жолымен алынған, молекулярлық салмағы жоғары 0.2% гиалурон қышқылы бар офтальмологиялық ерітінді болып табылады. Гиалурон қышқылы көз жасы үлбірінің тұрақтылығын жақсарту үшін пайдалы мукомиметикалық, мукоадгезиялықжәне тұтқыр эластикалық ерітінділерге қосылады және осылайша, көз беткейін жағылған, ылғалданған және қорғалған күйінде сақтайды.
Бұдан бөлек, құрамында гиалурон қышқылы бар ерітінділер мөлдір қабықтың және эпителий конъюнктивасының зақымдануы жағдайында көз беткейінің қалпына келуі үшін жағымды микроортаны жасауға қабілетті. OMK2 құрамындацитоколиннің болуы көздің дегенративті патологиялары (мысалы, глаукома, диабеттік ретинопатия) салдарынан зақымданған жасушалық жарғақшалар бүтіндігін қалпынакелтіруде жағымды құрылымдық демеу көрсетеді.
Цианокобаламин (В12 витамині) мөлдір қабық эпителиальді жасушаларының өсуіне ықпал етеді, сондай-ақ жасушаларды еркін радикалдардан қорғайды, бұл көз беткейінің дұрыс жұмыс істеуіндегі маңызды элемент болып табылады.
Қолданылу саласы:
Офтальмологияда жергілікті қолдану
Тағайындалуы: Өнімнің ылғалдағыш және қорғағыш қасиеттері экологиялық факторлар немесе видео терминалдарды ұзақ пайдаланудан туындаған тітіркену, күйдіру және бөгде денені сезіну жағдайында жеңілдікті қамтамасыз етеді.
OMK2 құрамындацитоколиннің болуы және оның торлы қабат ганглиозды жасушаларына құрылымдық әсер етуіне байланысты бастапқы диабеттік ретинопатиясы бар пациенттерге тағайындалады.
OMK2 физиологиялық үдерістерге көз хирургиясынан, лазерді қолданудан немесе нұрлы қабық беткейіндегі аздаған сырылудан кейінгі мөлдір қабықтың реэпителизациясына жанама ықпал етеді.
Сақтық шаралары:
- Қаптамасы зақымданған жағдайда пайдалануға болмайды.
- Препараттың кез-келген компонентін көтере алмаған жағдайда пайдалануға болмайды.
- Қаптамасында көрсетілген жарамдылық мерзімі өткеннен кейін пайдалануға болмайды.
- Тамшылатқыштың көз беткейімен жанасуын болғызбаңыздар.
- Препаратты пайдаланудан кейін жергілікті қолдануға арналған басқа офтальмологиялық дәрілік препараттарды қолданудың алдында 10-15 минут күту керек.
- Қаптамасы ашылғаннан кейін 30 күннен асырмай пайдалану керек.
- Балалардың қолы жетпейтін жерде сақтау керек.
- Офтальмологияда тек сыртқа қолдануға арналған.
Қолдануға болмайтын жағдайлар:
Компоненттерін жеке көтере алмаушылық.
Жағымсыз әсері:
Енгізгеннен кейін көздің уақытша айқын көрмеуі байқалуы мүмкін. Көрудің айқындығын талап ететін кез-келген жұмысты бастамас бұрын бірнеше секунд күте тұруқажет.
Қолдану тәсілі:
Қажетіне қарай күніне 2-3 рет 1 тамшыдан.
Сақтау шарттары:+25 оС-ден жоғары температурадан аспайтын жерде.
Жарамдылық мерзімі
3 жыл.
Қаптамасын ашқаннан кейін30 күннен асырмайды.
Жарамдылық мерзімі өткеннен кейін қолдануға болмайды!
Сақтау шарттары
+25°С аспайтын температурада.
Шығарылу түрі және қаптамасы
Көз тамшылары, стерильді, полипропиленнен жасалған тамшылатқыш құтыда 10 мл.
Өндіруші
Omikron Italia S.r.l., Италия
Заңды мекенжайы: Viale Bruno Buozzi, 5, 00197, Roma (Рим).
Қазақстан Республикасы аумағында тұтынушылардан медициналықбұйымның сапасы жөніндегі шағымдарды (ұсыныстарды) қабылдайтын және медициналық бұйымның тіркеуден кейінгі қауіпсіздігін қадағалауға жауапты ұйымның уәкілетті өкілінің атауы, заңды (нақты) мекенжайы және байланыс деректері (телефон, факс, электронды поштасы):
«Биофармед» ЖШС
Қазақстан Республикасы,050008, Алматы қ-сы, Мұқанов к-сі, 241 үй, 42 пәтер;
Тел/факс: +7 (727) 313-74-96
Электронды поштасы: too.biofarmed@mail.ru
Медициналық бұйымды қолдану жөніндегі нұсқаулықтың соңғы қайта қаралған күні
Қараша 2015 жыл
Таңбалаған кезде пайдаланылатын символдардың түсіндірмесі
| Символы | Сипаттамасы |
| | Серия нөмірі |
| | «... дейін жарамды» |
| | Ылғалдан сақтау керек |
| | Асептикалық өндіріс әдістерін қолданып стерилизациялау. |
| | Екінші рет стерилизацияламаңыз |
| | Қаптаманың бүтіндігі бұзылған болса пайдалануға болмайды. |
| | Еуропа қауіпсіздік талаптарына сәйкес келеді |
| | Температураның шектеуі +25°С-ге дейін. |
| | Қолдану жөніндегі нұсқаулыққа жүгініңіз |
| | Пайдаланғаннан кейін қаптаманы немесепрепараттың қалдықтарын қоршаған ортаға тастамаңыз. |
