Сипаттама
Дәрілік затты медициналық қолдану жөніндегі нұсқаулық
Пертуссин-К
Cаудалық атауы
Пертуссин-К
Халықаралық патенттелмеген атауы
Жоқ
Дәрілік түрі
Шәрбат 100 мл
Құрамы
100 мл шәрбаттың құрамында
белсенді зат - жебіршөп сұйық сығындысы 12.0 г
қосымша заттар: калий бромиді, 80 % этил спирті, қант шәрбаты.
Сипаттамасы
Хош иісі және тәтті дәмі бар, сарғыш қоңырдан күңгірт-қоңыр түске дейінгі сұйықтық.
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар.
ATХ коды R05CA
Фармакологиялық қасиеттері
Өсімдік тектес біріктірілген препарат, құрамында эфир майлары болуына байланысты калий бромидімен біріктіргенде күшейетін қақырық түсіргіш әсері бар. Препарат айқын қақырық түсіретін және қабынуға қарсы қасиеттерге ие, жоғарғы тыныс жолдарының кірпікшелі эпителийінің қозғалу белсенділігін көтермелейді, шырышты қабықтың секреторлы бөлініс мөлшерін көбейтіп, қақырықты сұйылтады және оның шығарылуын тездетеді. Препараттың спазмолитикалық әсері шөпте жебіршөп және флавоноидтердің болуына негізделген. Калий бромиді ОЖЖ қозғыштығын төмендетеді.
Қолданылуы
- жоғары тыныс жолдарының суық тию ауруларында
- аллергиялық реакциялар (тері бөртпесі)
- қыжыл, жүрек айнуы, құсу
Қолдану тәсілі және дозалары
Ішуге арналған. Қолданар алдында шайқау керек.
Шәрбатты күніне 3 рет ішке қабылдайды.
Ересектерге 1 ас қасықпен күніне 3 рет.
Емдеу курсы 5-7 күн. Ашқаннан кейін препаратты 14 тәуліктен асырмай сақтау керек.
Емдеу курстарын қайта жүргізу және ұзақтығын арттыру дәрігердің ұсынысы бойынша болуы мүмкін.
Жағымсыз әсерлері
Қолдануға болмайтын жағдайлар
- препарат компоненттеріне аса жоғары сезімталдық
- декомпенсацияланған созылмалы жүрек жеткіліксіздігі
- ми аурулары - эпилепсия, бассүйек-ми жарақаттары
- асқазан мен 12 елі ішектің ойық жара ауруы
- бауыр, бүйрек аурулары
- маскүнемдік
- тұқым қуалайтын фруктоза жақпаушылығы немесе глюкоза-галактоза мальабсорбциясы
- жүктілік, лактация кезеңі
- 18 жасқа дейінгі балалар
Дәрілермен өзара әрекеттесуі
Қажет болғанда Пертуссин-К жөтелге қарсы дәрілермен біріктіріліп тағайындалады.
Айрықша нұсқаулар
Препарат құрамында 8-11 % этанол бар. 1 ас қасықта (15 мл) абсолютті этил спиртінің мөлшері - 1.3 г дейін.
Жүкті әйелдерге және лактация кезеңінде сақтықпен және тек дәрігердің тағайындауы бойынша қолдану керек.
Қант диабетіне шалдыққан науқастарға нұсқау. Сахарозаның мөлшері 1 ас қасықта шамамен 0.96 НБ.
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік немесе қозғалатын механизмдерді басқару кезінде сақ болған жөн, өйткені препарат құрамында этил спирті бар.
Артық дозалануы
Препарат артық дозаланған жағдайда жүрек айнуы мүмкін.
Емі симптоматикалық.
Шығарылу түрі және қаптамасы
100 мл препараттан мойны бұрандалы полиэтилен немесе әмбебап (алюминий) немесе пластмасса қақпақпен тығындалған шыны массадан жасалған құтыларда немесе мойны бұрандалы, тығыздығы жоғары бұралатын полиэтилен қақпақпен тығындалған, мөлдір емес күңгірт-қоңыр поливинилхлоридтен, полиэтилентерефталаттан жасалған сыйымдылығы 100 мл құтыларда немесе бұрандалы мойны бар, бұралатын қақпақшамен тығындалатын поливинилхлоридтен, полиэтилентерефталаттан жасалған сыйымдылығы 125 мл күңгірт-қызғылт құтыларда.
Құтыларға заттаңбалық немесе жазу қағазынан жасалған заттаңбалар жапсырылады.
Құтылар медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.
Екінші қаптамасы жоқ құтылар мемлекеттік және орыс тіліндегі медициналық қолдану жөніндегі нұсқаулықпенбірге сәйкес санымен қораптық картоннан жасалған қорапқа немесе полиэтилен жылу ұстағыш үлбірге немесе гофрланған картоннан жасалған жәшіктерге салынады.
Сақтау шарттары
Жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек.
Контейнерді алғашқы ашқаннан кейін қолдану кезеңі – 14 тәулік.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші ұйым
«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467
Тіркеу куәлігінің ұстаушысы
«ТК Фарм Ақтөбе» ЖШС Қазақстан Республикасы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15
Электрондық пошта: dir-tkpharm@mail.ru
