Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Простамед
Халықаралық патенттелмеген атауы
Жоқ
Дәрілік түрі, дозалануы
Шайнайтын таблеткалар
Фармакотерапиялық тобы
Несеп-жыныс жүйесі және жыныс гормондары. Урологиялық препараттар. Простатаның қатерсіз гипертрофиясын емдеуге арналған препараттар. Простатаның қатерсіз гипертрофиясын емдеуге арналған басқа да препараттар.
АТХ коды G04CX
Қолданылуы
Простамед дәстүрлі түрде төменгі несеп шығару жолдарымен байланысты симптомдарды жеңілдету үшін қолданылады:
- простатаның қатерсіз ұлғаюы (қуық асты безінің қатерсіз гиперплазиясы) кезінде
- дәрігер күрделі ауруды жоққа шығарғаннан кейінгі тітіркенген қуық синдромында (қуықтың аса жоғары белсенділігі)
Препарат аталған көрсетілімдер бойынша көп жылдық қолдану тәжірибесінің негізінде тіркелген дәстүрлі дәрілік зат болып табылады.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық
- салицилаттарға аса жоғары сезімталдық
- күрделігүлділер тұқымдас өсімдіктерге аса жоғары сезімталдық
- бүйректің, бауырдың, жүректің ауыр жеткіліксіздігі
- 18 жасқа дейінгі балалар мен жасөспірімдер
- жүктілік және лактация кезеңі
- тұқым қуалайтын фруктоза жақпаушылығы, лапп-лактоза ферментінің тапшылығы, глюкоза-галактоза мальабсорбциясы бар адамдар
Қолдану кезінде қажетті сақтық шаралары
Асқазан-ішек жүйесі тарапынан жағымсыз әсерлерге шағымдар туындағанда олардың ауырлық деңгейін белгілеу және қажет болса, керекті қарсы шаралар қабылдау үшін дәрігерге қаралған жөн. Аллергиялық реакциялар туындағанда өнімді қолдануды дереу тоқтату және жылдам дәрігерге қаралу ұсынылады.
Басқа дәрілік препараттармен өзара әрекеттесуі
Простамед препаратының басқа да дәрілік заттармен өзара әрекеттесуі жөнінде мәліметтер жоқ.
Арнайы ескертулер
Ауру симптомдары ұзаққа созылып кеткенде дәрігермен кеңесу керек. Дәрігер кеңесі несепте қан білінгенде, несеп шығару жолдарының инфекцияларында, несеп шығарудың жедел іркілісі мен бұзылыстарының өршулерінде өте қажет.
Педиатрияда қолдану
Қатысты емес
Жүктілік немесе лактация кезеңінде
Жүктілік және емшек емізу уақытындағы қауіпсіздігі зерттелмеді.
Тіпті бала туатын жастағы сақтанбайтын әйелдерде қолдануды мұқият саралау керектігін атап өту керек, өйткені жүкті болу ықтималдығын жоққа шығаруға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Автокөлікті басқару немесе механизмдермен жұмыс істеу қабілетіне әсері туралы ешқандай зерттеулер жүргізілмеді.
Қолдану жөніндегі нұсқаулар
Дозалау режимі
Күніне 3 рет 2-4 шайнайтын таблеткадан.
Енгізу тәсілі және жолы
Пероральді. Таблеткаларды тұтас жұту немесе алдын ала шайнап, аз мөлшердегі (ауыз судың ширек литрі) сұйықтықпен ішу керек.
Емдеу ұзақтығы
Дәрілік зат қолдану ұзақтығын аурудың сипаты мен ағымына қарай дәрігер белгілейді. Ұсынылатын емдеу ұзақтығы 4 апта.
Артық дозалану жағдайында қабылдануы қажеті шаралар
Симптоматикалық ем.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
- препараттың қандай да бір ингредиентіне аса жоғары сезімталдық
Өте сирек
- бөртпе
- қышыну
- тіл маңындағы және ауыз қуысының шырышты қабықтары мен тамақ маңындағы ісіну
- асқазан бұзылыстары
- жүрек айнуы
- құсу
- диарея
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округі,
Көкөзек а., құрылыс 1044, индекс 040114
Ұялы тел. +7 701 035 70 69
E-mail: pv.kz@alpenpharma.com
Қосымша заттар
Дәрілік препараттың құрамы
Бір таблетканың құрамында
белсенді заттар:
| асқабақ тұқымының ұнтағы, майсыздандырылған | 200.00 |
| асқабақ тұқымы ұнтағының майсыздандырылғантазартылған құрғақ экстрактісі (5-10:1) экстрагент: натрий гидрокарбонаты/натрий хлориді/су (3.0:6.1:90.9) | 100.00 |
| көктерек жапырақтары құрғақ экстрактісі (5-8:1) экстрагент: этанол 60 % к/к | 6.30 |
| сары раушан құрғақ экстрактісі (5-8:1) экстрагент: этанол 60% к/к | 2.60 |
қосымша заттар: лактоза моногидраты; кальций гидрофосфаты дигидраты; какао ұнтағы, майсыздандырылған; сахароза; желатин;глицерин 85%; повидон К-25 (целлюлоза); жоғары дисперсиялық кремнийдің қостотығы; тальк; натрий хлориді.
Сыртқы түрінің, иісінің, дәмінің сипаттамасы
Дөңгелек пішінді, екі беті дөңес, өзіне тән иісі, жаңғақ және какао дәмі бар қоңыр түсті таблеткалар.
Шығарылу түрі және қаптамасы
60, 120, 200 таблеткадан гофрланған полиэтилен тығынмен жабылған полистирол контейнерге салады.
1 контейнерден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Алғашқы ашқаннан кейінгі сақтау мерзімі: 3 ай
Жарамдылық мерзімі өткеннен кейін қолдануға болмайды.
Сақтау шарттары
25°С-ден аспайтын температурада.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Др.Густав Кляйн ГмбХ & Ко.КГ
Штайненфельд 3
D-77736 Цель-ам-Хармерсбах, Германия
Тел: +49(0) 7835-635510
Факс:+49(0) 7835-634685
e-mail info@klein-phytopharma.de
Тіркеу куәлігінің ұстаушысы
Др.Густав Кляйн ГмбХ & Ко.КГ
Штайненфельд 3
D-77736 Цель-ам-Хармерсбах, Германия
Тел: +49(0) 7835-635510
Факс:+49(0) 7835-634685
e-mail info@klein-phytopharma.de
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округі,
Көкөзек а., құрылыс 1044, индекс 040114
Тел./факс+ 7 727 232-34-73, + 7 727 232-34-74
E-mail: info.kazakhstan@alpenpharma.com
