Сипаттама
Дәрілік затты медициналық қолдану жөніндегі нұсқаулық
Релиф®
Саудалық атауы
Релиф®
Халықаралық патенттелмеген атауы
Фенилэфрин
Дәрілік түрі
Ректальді суппозиторийлер
Құрамы
1 суппозиторийдің құрамында
белсенді зат: 5 мг фенилэфрин гидрохлориді;
қосымша заттар: какао майы (теобром майы), метилпарагидроксибензоат, пропилпарагидроксибензоат, жүгері крахмалы.
Сипаттамасы
Біркелкі мөлдір емес, бозғылт-ақтан ақшыл-сары түске дейінгі торпеда пішінді суппозиторийлер.
Фармакотерапиялық тобы
Вазопротекторлар. Геморрой және анальді сызаттарды емдеу үшін жергілікті қолдануға арналған дәрілер. Геморрой және анальді сызаттарды емдеу үшін жергілікті қолдануға арналған басқа да дәрілер.
АТХ коды C05АХ
Фармакологиялық қасиеттері
Фармакокинетикасы
Жергілікті әсер ететін препараттың жалпы резорбциялық әсері жоқ.
Фармакодинамикасы
Фенилэфрин гидрохлориді альфа-адреномиметик болып табылады, жергілікті қан тамырларын тарылтатын әсері бар, бұл геморрой мен перианальді аумақтың басқа ауруларында тіндер экссудациясы мен ісінуін, қан кетулер мен веналарға қан толуын, қышынуды, серозды бөлінулерді азайтуға ықпал етеді.
Релиф препараты қышынуда, күйдіруде, геморройға қатысты жайсыздықтарда тыныштандыратын әсер береді.
Қолданылуы
- сыртқы және ішкі геморройда
- артқы өтіс жолының сызатында, эрозиясында және микрожарақаттарында
- қышыну, күйдіру және анальді жайсыздықтың симптоматикалық емінде
Қолдану тәсілі және дозалары
Препаратты гигиеналық шаралар жасағаннан кейін қолдану керек. 1 суппозиторийден күніне4 ретке дейін тік ішекке енгізеді (таңертең, кешке және әрбір үлкен дәреттен кейін). Тәуліктік ең жоғарғы доза - 4 суппозиторий. Емдеу курсының ұзақтығы– 7-10 күн.
Жағымсыз әсерлері
- аллергиялық реакциялар болуы мүмкін.
- қолданған жердегі тітіркену (аллергиялық дерматит)
- аритмия, артериялық қысымның жоғарылауы
- гипертиреоз ушығуы
- тремор, ұйқысыздық, күйгелектік
Қолдануға болмайтын жағдайлар
- препарат ингредиенттеріне жеке жоғары сезімталдық
- тромбоэмболиялық ауру
- гранулоцитопения
- 12 жасқа дейінгі балаларға
Дәрілермен өзара әрекеттесуі
Фенилэфрин кейбір жағдайларда ауыр гипертензияға (альфа-адренорецепторлар стимуляциясы есебінен) әкелуі мүмкін. Бұл препаратты гипотензиялық дәрілермен бір мезгілде пайдалану ұсынылмайды.
Препаратты МАО тежегіштерімен, трициклді антидепрессанттармен бір мезгілде тағайындамау керек. Фенилэфриннің фармакологиялық әсері МАО тежегіштерін бір мезгілде қолданғанда күшеюі мүмкін, өйткені фенилэфриннің метаболизмі өзгереді.
Айрықша нұсқаулар
Жүрек-қантамыр және цереброваскулярлық аурулары, қалқанша без аурулары (гипертиреоз) бар пациенттерге, жабық бұрышты глаукома кезінде сақтықпен пайдаланған дұрыс. Мұндай пациенттерде фенилэфрин жүрек қағуын, тахикардияны, артериялық қысымның артуын, күйгелектікті, мазасыздықты туындатуы мүмкін.
Қант диабеті бар пациенттерде сақтықпен пайдаланған жөн, фенилэфрин қанда глюкоза концентрациясын жоғарылатуы мүмкін. Бұл құбылыстар әдетте өтпелі және елеусіз болады, сондықтан ұсынылатын тәуліктік дозасын асырып қабылдауға болмайды.
Гипертрофияға байланысты несеп шығарумен немесе қуық асты безі ісіктерімен қиындықтары бар адамдарда сақтықпен пайдалану керек: фенилэфрин альфа-1-адренорецепторларын тітіркендіру арқылы қуық мойны тегіс бұлшықеттерінің жиырылуы есебінен қуық асты безі ұлғайған науқастарда несеп шығарудың қиындауын туындатуы мүмкін.
Фенилэфринді жергілікті қолдану кейбір адамдарда альфа-1-адренорецепторлар стимуляциясы арқылы артериялық гипертензияға әкелуі мүмкін, мұны осы препаратты гипотензиялық дәрілермен бір мезгілде пайдаланғанда ескеру керек.
Препаратты МАО тежегіштерімен бір мезгілде тағайындамау керек, бұл артериялық қысымның жоғарылауына әкелуі мүмкін.
Жүйелік жағымсыз әсерлерінің аз болуы үшін, егер оны дәрігер жазып бермесе, ұсынылатын тәуліктік дозаны арттырмау керек.
Препаратты 7 күн бойы қабылдаған соң жағдайы нашарласа немесе жақсаруы байқалмаса, пациенттер дәрігерге қаралулары тиіс.
Анустан қан кету туындаса, пациент дер кезінде дәрігерге көрінуі керек.
Препараттың құрамында аллергиялық реакциялар (баяу болуы мүмкін) туындататын пропилпарагидроксибензоат және метилпарагидроксибензоат бар.
Жүктілік және лактация кезеңі
Препаратты жүкті және бала емізетін әйелдерде қолдану қауіпсіздігі анықталмағандықтан, бұл өнім жүктілік кезінде, егер ықтимал пайдасы шаранаға төнетін ықтимал қаупін ақтайтын болса ғана қолданылуы тиіс.
Препаратты жүктілік және бала емізу кезінде қатаң түрде тек дәрігердің тағайындауымен қолдану керек.
Көлікті немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: ұсынылатын дозалардан шамадан тыс арттырған жағдайда мазасыздық, күйгелектік байқалуы мүмкін.
Емі: симптоматикалық.
Шығарылу түрі және қаптамасы
6 суппозиторийден поливинилхлорид/полиэтилен үлбірден жасалған пішінді ұяшықты қаптамада.
2 пішінді қаптама медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
25 0С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
2 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші фирманың атауы, елі, мекенжайы
Иституто Де Анжели С.р.л.,
50066Реггелло (Флоренция), Лок. Прулли 103/c, Италия
Тіркеу куәлігі ұстаушысының атауы және елі
Байер Консьюмер Кэр АГ,Швейцария
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта)
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail: kz.claims@bayer.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел: +7 701 715 78 46 (тәулік бойы)
тел:+7 727 258 80 40, ішкі 106(жұмыс уақытында)
факс: +7 727 2588 039
e-mail: pv.centralasia@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
