Сипаттама
Дәрілік затты медициналық қолдану жөніндегі нұсқаулық
Саудалық атауы
Солпадеин Актив
Халықаралық патенттелмеген атауы
Жоқ
Дәрілік түрі, дозалануы
Еритін таблеткалар
Фармакотерапиялық тобы
Жүйке жүйесі. Анальгетиктер. Басқа анальгетиктер және антипиретиктер. Анилидтер.Парацетамол, біріктірілімдері, психолептиктерді қоспағанда.
АТХ коды N02BE51
Қолданылуы
Ауырлығы жеңіл және орташа ауыру синдромында: бас ауыруы, бас сақинасы, тістің ауыруы, ревматизмдік ауыру, тамақтың ауыруы, ауырсынумен жүретін етеккірлер.
Қызба синдромында: суық тию аурулары мен тұмау кезінде температураның жоғарылауы және ауыруы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- парацетамолға немесе препараттың кез келген басқа ингредиентіне жоғары сезімталдық
- бауыр немесе бүйрекфункциясының ауыр бұзылулары
- артериялық гипертензия
- глаукома
- ұйқының бұзылуы
- жүктілік, бала емізу кезеңі
-12 жасқа дейінгі балаларға
Қолдану кезіндегі қажетті сақтық шаралары
Құрамында парацетамол бар. Басқа парацетамол- және құрамында кофеин бар препараттармен бір уақытта қабылдауға болмайды. Құрамында парацетамол бар басқа препараттармен бір мезгілде қабылдау артық дозалануға әкелуі мүмкін.
Парацетамолды артық дозалау бауырдың қайтымсыз зақымдануын туындатуы мүмкін, бұл бауыр трансплантациясына немесе өлім жағдайына әкелуі мүмкін.
Ұсынылған дозасынан асырып жіберген жағдайда парацетамол бауырға зақымдайтын әсер беруі мүмкін.
Басқа дәрілік препараттармен өзара әрекеттесуі
Метоклопрами және домперидон жоғарылайды, ал колестирамин парацетамолдың сіңу жылдамдығын төмендетеді. Парацетамол ұзақ уақыт бойы қабылданғанда тікелей емес антикоагулянттардың (варфарин мен басқа да кумариндер) әсерін күшейтеді, бұл қан кету қаупін ұлғайтады. Препаратты уақтылы қабылдамау осы аталған әсерді көрсетпейді.
Арнайы ескертулер
Препаратты қабылдар алдында дәрігердің кеңесі қажет:
- варфарин немесе қан ұюын төмендетуге арналған басқа да препараттарды қабылдайтын пациенттерге;
- бауыр немесе бүйректің созылмалы аурулары бар пациенттерге;
- бас ауыру ұдайы болған жағдайда.
Препаратты қолдану кезінде құрамында кофеин бар сусындарды (мысалы, кофе, шай)қабылдауға болмайды.
Тұзы аз немесе тұзсыз диетадағы пациенттер әр таблетканың құрамында 427 мг натрий бар екендігін ескергендері жөн.
Тұқым қуалайтын фруктозаны көтере алмаушылығы бар пациенттердің әр таблетканың құрамында 50 мг сорбитол болуына байланысты препаратты қабылдамағандары жөн.
Глутатион деңгейін төмендететін жағдайда (мысалы, сепсисте) парацетамол қолдану метаболизмдік ацидоздың туындау қаупін ұлғайтады. Сондай-ақ глутатион деңгейі төмендеген пациенттерде бауыр функциясының бұзылу жағдайлары (мысалы, жүдеу кезінде, анорексияда, дене салмағының төмендеген индексінде, алкогольді созылмалы шамадан тыс тұтынуда) туралы хабарламалар болған.
Төмендегі симптомдар бірігуі байқалғанда:
- терең, жиі, қиын тыныс алу
- өзін нашар сезіну (жүрек айну, құсу)
- тәбеттің болмауы
дәрігерге қаралу керек.
Педиатрияда қолдану
12 жасқа дейінгі балаларға қолдануға болмайды
Жүктілік немесе лактация кезінде
Жүктілік кезінде қабылдауға болмайды, себебі жаңа туған нәрестелердің дене салмағының төмендеуі, сондай-ақ кофеин қолданумен байланысты өздігінен түсік тастаудың потенциалдықаупі бар. Кофеин емшек сүтінде балаға ынталандырушы әсер ететіндіктен, бала емізу кезеңіндепрепаратты қабылдауға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Автомобиль жүргізу және механизмдермен жұмыс істеу бойынша шектеулер жоқ.
Қолдану жөніндегі нұсқаулар
Дозалау режимі
Солпадеин Актив еритін таблеткаларын ішке қабылдар алдында жарты стақаннан кем емес суда еріту керек.
Ересектер(егде жастағыларды қоса) және 16 жастағыжәне одан асқан балалар: ішке 2 таблеткадан, қажет болғанда, әрбір 4-6 сағат сайын қабылдау керек.4 сағаттан жиі қабылдауға болмайды. Ең жоғары бір реттік доза - 2 таблетка. 24 сағат ішінде 8 таблеткадан артық қабылдауға болмайды.
12-15 жастағы балалар: ішке 1 таблеткадан, қажет болғанда, әрбір 4-6 сағат сайын қабылдау керек.4 сағаттан жиі қабылдауға болмайды. Ең жоғары бір реттік доза - 1 таблетка. 24 сағат ішінде 4 таблеткадан артық қабылдауға болмайды.
Препаратты дәрігердің тағайындауынсыз және қадағалауынсыз 3 күннен артық қолдануға болмайды. Егер симптомдар сақталатын болса, дәрігерге қаралыңыз.
Ұсынылған дозасынан асырмау керек.
Әсерге қол жеткізу үшін қажетті ең төменгі дозаны қабылдау керек.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Өте сирек
- тромбоцитопения
- агранулоцитоз
- анафилаксиялық реакциялар
- тері бөртпесі, ангионевроздық ісіну, Стивенс-Джонсон синдромын, уытты эпидермальді некролизді қоса, терінің аса жоғары сезімталдық реакциялары
- ацетилсалицил қышқылы мен басқа да ҚҚСДжоғары сезімталдығы бар пациенттерде бронх түйілуі
- бауыр функциясының бұзылуы
Белгісіз (қолда бар деректер негізінде бағалау мүмкін емес)
- күйгелектік
- бас айналу
Препаратты құрамында кофеин бар өнімдермен (мысалы, кофе, шай, құрамында кофеин бар сусындар) бір мезгілде қабылдау ұйқының бұзылуына, мазасыздыққа, ашушаңдыққа, бас ауыруына, асқазан-ішек бұзылыстары мен жүректің жиі соғуына әкелуі мүмкін.
Жоғарыда аталған реакциялар, сондай-ақ қабыршықтану, ауыз қуысының ойық жаралары, тыныс тарылуы, гематома, қан кетулер немесе препаратқа басқа дакез келген жағымсыз реакциялары пайда болғанда препаратты тоқтатып, дереу дәрігерге қаралу керек.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Біртаблетка құрамында
белсенді заттар: 500 мг парацетамол (ұнтақ тәрізді),
65 мг сусыз кофеин,
қосымша заттар: сорбитол, натрий сахарині, натрий гидрокарбонаты (өте жұқа бикарбонат), повидон К25, натрий лаурилсульфаты, диметикон, сусыз лимон қышқылы, сусыз натрий карбонаты, тазартылған су.
Сыртқы түрінің, иісінің, дәмінің сипаттамасы
Дөңгелек пішінді, беті жалпақ және шеттері қиғашталған, бір жағында сызығы бар ақ түсті таблеткалар.
Шығарылу түрі және қаптамасы
2 таблеткадан ламинацияланған ұяшықсыз қаптамада (крафт-ағартылған қағаз/полиэтилен/ алюминий фольга/полиэтилен немесе шыны жабыны бар қағаз/полиэтилен/ алюминий фольга /сурлин). 2 таблеткадан 6 ұяшықсыз медициналық қолдану жөніндегі қазақ және орыс тілдеріндегі нұсқаулықпен картон қорапшада.
Сақтау мерзімі
4 жыл
Жарамдылық мерзімі өткеннен кейін қолдануға болмайды!
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Фамар С.А.
Anthoussa Avenue 7, Anthoussa Attiki, 15349, Греция
+34918870606s.starras@famar.gr
Тіркеу куәлігінің ұстаушысы
GlaxoSmithKline Consumer Healthcare (UK) Trading Limited
980 Great West Road, Brentford, Middlesex, TW8 9GS, Ұлыбритания
+442080473834, jane.x.imrie@gsk.com
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«ГСК КХ КАЗАХСТАН» ЖШС
Алматы қ., Манас к-сі, 32А.
тел. +7 (727) 2446999
факс +7(727) 2446997
EAEU.PV4customers@gsk.com (жағымсыз құбылыстар туралы хабарламалар үшін)
UA-CIS.LOC-PQC@gsk.com (препараттың сапасына шағымдану туралы хабарламалар үшін)
