Сорбит 5 гр, №20, пор.

Сипаттама

Дәрілік затты медициналық қолдану жөніндегі нұсқаулық

Сорбит

Саудалық атауы

Сорбит

Халықаралық патенттелмеген атауы

Жоқ

Дәрілік түрі

Ұнтақ

Құрамы

Бір пакеттің (5 г) ішінде

белсенді зат: 5 г сорбитол

Сипаттамасы

Иіссіз кристалды ақ ұнтақ

Фармакотерапиялық тобы

Ас қорыту жолы және зат алмасу. Диабет кезінде қолданылатын дәрілік препараттар. Диабет кезінде қолданылатын басқа дәрілік препараттар

АТХ коды А10Х

Фармакологиялық қаситтері

Фармакокинетикасы

Биологиялық сұйықтықтардағы сорбитолдың концентрациясы микроколориметриялық әдіспен анықталады.

Cорбитол ауыз арқылы және ректальді енгізген кезде АІЖ-ден елеусіз мөлшерде сіңіріледі. Негізінен бауырда фруктозаға дейін метаболизденеді.

Біршама мөлшері альдозредуктаза энзимімен бірден глюкозаға конверсиялануы мүмкін.

Ішке қабылданған 35 г дозаның кем дегенде 75 %-ы, қанда глюкоза түрінде білінбейді, көміртек қостотығына дейін метаболизденеді және ішке қабылданған дозаның 3 %-ға жуығы несеппен бөлінеді.

Қолданудан кейін әсері 0.5-1 сағат ішінде басталады.

Фармакодинамикасы

Сорбит өт түзілу стимуляторы, өт айдайтын, іш жүргізетін дәрі және қант алмастырғыш болып табылады.

Әсер ету механизмі ішектегі осмостық қысымның жоғарылауымен байланысты, бұл нәжіс массасының ұлғаюы мен жұмсаруына ықпал етеді. Бұған қоса, Сорбит өт қалтасының тарылуын, Одди сфинктерінің босаңсуын туындатады және өттің ағып шығуын жақсартады.

Қолданылуы

- іш қатуда

- билиарлы дисфункцияларда

- улануда

- қант диабетінде

Қолдану тәсілі және дозалары

Іш қату

ішке: 2-3 пакеттің ішіндегісі 100 мл суда ерітіледі және ұйықтар алдында немесе дәрігердің ұсынымы бойынша қабылданады; балаларға 2 жастан бастап көрсетілген дозаның жартысы тағайындалады;

ректальді: 10 пакеттің ішндегісі 200 мл суда ерітіледі және ұйықтар алдында клизма түрінде немесе дәрігердің тағайындауы бойынша енгізіледі; балаларға 2 жастан бастап көрсетілген дозаның жартысы тағайындалады.

Билиарлы дисфункциялар

Бір пакеттің ішіндегісі 100 мл суда ерітіледі және тамақтануға дейін 10 минут бұрын күніне 1-3 рет немесе дәрігердің тағайындауы бойынша қабылданады; балалар 2 жастап бастап ересектерге ұсынылатын дозаның жартысын қабылдайды.

Улану

Сорбит бір кг дене салмағына 1 г есебінен 250 мл суға ерітіледі, белсенділендірілген көмірмен (бір кг дене салмағына 1 г) араластырылады және ішке қабылданады немесе асқазан зонды арқылы енгізіледі; үлкен дәреті болмаған кезде жоғарыда көрсетілген дозаның жартысы 4-6 сағаттан кейін белсенділендірілген көмірмен үйлестіріліп қайтадан тағайындалады. Балаларға 2 жастан бастап ұқсас дозада тағайындайды.

Қант алмастырғыш ретінде: дәрігердің тағайындауы бойынша, балаларға 2 жастан бастап дәрігердің тағайындауы бойынша

Жағымсыз әсерлері

- әлсіздік

- жүрек айнуы

- іштің ауыруы

- іштің кебуі

- дозаны төмендеткен соң қайтатын диарея

Қолдануға болмайтын жағдайлар

- препаратқа аса жоғары сезімталдық

- өт шығару жолдарының бітелуі

- бауыр мен бүйрек функциясының айқын бұзылулары

- тұқым қуалайтын фруктоза жақпаушылығы

- асцит

- колит

- холелитиаз

- жуан ішектің тітіркену синдромы

- 2 жасқа дейінгі балалар

Дәрілермен өзара әрекеттесуі

Сорбит препаратының дәрілермен өзара әрекеттесуі анықталмаған.

Айрықша нұсқаулар

Қант диабеті бар науқастарда гликемияны бақылау қажет.

Іш жүргізгіш ретінде ұзақ қолдану ұсынылмайды.

Жүктілік және лактация кезеңі

Сорбитті, егер анасы үшін пайдасы шарана мен нәрестеге төнетін ықтимал қатерден асып түсетін болса ғана, жүктілік және лактация кезеңінде қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Симптомдары: жағымсыз әсерлерінің күшеюі

Емі: симптоматикалық ем.

Шығарылу түрі және қаптамасы

5 г препараттан Крафт қағазынан, тығыздығы төмен полиэтиленнен және алюминий фольгадан жасалған ауа- және су өткізбейтін пакеттерге салынады. 20 пакет медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Құрғақ жерде, 25º С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Сақтау мерзімі өткеннен кейін қолдануға болмайды.

Босатылу шарттары

Рецептісіз

Өндіруші

«Медикал Юнион Фармасьютикалс», Мысыр

Тіркеу куәлігінің иесі

«Медикал Юнион Фармасьютикалс», Мысыр

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Медикал Юнион Фармасьютикалс» компаниясының ҚР өкілдігі.

Мекенжайы: Алматы қ., 050000, Марков к-сі 61/1, 3 блок, 2 қабат.

тел./факс: 8(727) 224 27 14, 8 (727) 224 27 19;

эл. пошта: mupkz.al@gmail.com

Дәріханалар

Қалалар