Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Этил спирті
Халықаралық патенттелмеген атауы
Жоқ
Дәрілік түрі, дозалануы
Сыртқа қолдануға арналған ерітінді 70% және 90%, 50 мл, 90 мл, 100 мл
Фармакотерапиялық тобы
Дерматология. Антисептиктер және дезинфекциялық препараттар. Антисептиктер және дезинфекциялық басқа препараттар. Этанол.
АТХ коды D08AX08
Қолданылуы
- қолды, хирургиялық құралдарды, операция жасалатын аумақты тазалап-өңдеуде
- төсек тартып жатқан науқастарда ойылулардың алдыналуда, сүртінуде, компрестерде
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- этанолға аса жоғары сезімталдық
Қолдану кезіндегі қажетті сақтық шаралары
Этанол сыртқа қолданғанда тері және шырышты қабық арқылы ішінара сіңіріледі, мұны балаларға, жүкті әйелдерге және лактация кезеңінде пайдаланғанда ескеру керек.
Басқа дәрілік препараттармен өзара әрекеттесуі
Ішке қабылдағанда орталық жүйке жүйесін бәсеңдететін препараттар әсерін арттырады.
Арнайы ескертулер
Компресс жасау үшін(күйдіріп алмау үшін)этанолды1 : 1 (70 %, 90 %) арақатынасында сумен сұйылту керек.
Хирургиялық құралдарды стерилизациялау үшін сұйылтылмаған 95% спирт пайдаланылады.
Педиатрияда қолдану
Компресс жасау үшінбалаларға сұйылтып қолданылуы мүмкін - 1:4(спирт жәнесу) - 90 %ерітінді үшін, 1:3 (спирт жәнесу) - 70 % ерітінді үшін.
Этанол сыртқа қолданғанда тері және шырышты қабық арқылы ішінара сіңеді, осыны балаларда пайдаланғанда ескеру керек.
Жүктілік немесе лактация кезінде
Сақтықпен қолдану керек.
Препаратты көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Қолдану жөніндегі нұсқаулар
Дозалау режимі
Сыртқы сүртінулер үшін: мақта тампондар, сүрткілердің көмегімен теріге жағады.
Компресс жасайды.
Артық дозаланғанда қолданатын шаралар
Жергілікті қолданғанда артық дозалану ықтималдығы аз.
Ішке қабылдағанда жедел уыттанудың дамуы мүмкін.
Симптомдары: тахикардия, метаболизмдік ацидоз, өкпенің ісінуі, гипокальциемия, гипогликемия, құрысулар, орталық жүйке жүйесі функциясының бәсеңдеуі. Өлім тыныс алу орталығының салдануы нәтижесінде болуы мүмкін.
Емі: аналептиктер енгізген дұрыс емес, оттегіні қоса отырып, өкпеге жасанды желдету жүргізіледі, жүрек гликозидтері, АӨФ тежегіштері тағайындалады. Егер бүйрек функциясы сақталып, жүрек жеткіліксіздігі және өкпенің ісіну белгілеріорын алмаса, қарқынды диурез қолданылуы мүмкін. Гипогликемия мен кетозды түзету глюкоза енгізу арқылы жүргізіледі.
Дәрілік препаратты қолдану тәсілін түсіндіру үшін медициналық қызметкерге кеңесалуға жүгіну бойынша ұсынымдар
Дәрігердің кеңесінсіз ұзақ уақыт бойы препаратты қолдануға болмайды.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
-аллергиялық реакциялар
- теріні, шырышты қабықтар мен тыныс алу жолдарының тітіркенуі және күйіктері
Сыртқа қолданғанда тері және шырышты қабық арқылы ішінара сіңеді және резорбциялық жалпы уытты әсер беруі мүмкін (ОЖЖ бәсеңдеуі).
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
1 л препараттың құрамында 70 %90 %
белсенді зат – 96 % этанол729 мл937 мл
қосымша зат – тазартылған су 1 л-ге дейін
Сыртқы түрінің, иісінің, дәмінің сипаттамасы
Спиртке тән иісі, күйдіргіш дәмі бар түссіз, мөлдір, ұшқыш, оңай тұтанғыш сұйықтық. Көгілдір түтінсіз жалынмен жанады. Гигроскопиялық.
Шығарылу түрі және қаптамасы
50 мл, 90 мл, 100 мл-ден полиэтилен тығынмен және бұрандалы полиэтилен қақпақпен немесе полиэтиленді немесе әмбебап (алюминий)қақпақпен тығындалған, мойны бұралатын шынымассадан жасалған құтыда немесе полимерлі қақпақ-тамшылатқышпен немесе пластмассадан жасалған механикалық сорғысы және бүріккіші бар қақпақпен тығындалған полимерлі құтыда.
Құтыға заттаңбалық немесе жазу қағазынан жасалған өздігінен желімденетін заттаңба жапсырылады.
Құтылар медициналық қолдану жөніндегі қазақ және орыс тіліндегі нұсқаулықтардың сәйкес санымен орама қағаздан жасалған бумаларға немесе қораптық картоннан жасалған қорапқа немесе жылу ұстағыш полиэтилен үлбірге немесе гофрланған картоннан жасалған жәшікке салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
Жақсы тығындалған ыдыста, 25°С-денаспайтын температурада, жарықтан қорғалған, оттан алыс жерде сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
50 мл, 90 мл – рецептісіз
100 мл – рецепт арқылы
Өндіруші туралы мәлімет
«Фармация 2010» ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34, е-mail: farmaciyakrg@mail.ru
Тіркеу куәлігінің ұстаушысы
«Фармация 2010» ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34, е-mail: farmaciyakrg@mail.ru
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Фармация 2010» ЖШС, Қазақстан Республикасы, Қарағанды қ., Чкалов к-сі, 7, тел. 8 (7212) 42-67-34, е-mail: farmaciyakrg@mail.ru
