Стрепсилс №24, леденцы, с Вит С апельсин

Сипаттама

Дәрілік затты медициналық қолдану жөніндегі нұсқаулық

С витамині қосылған Стрепсилс^®

Саудалық атауы

С витамині қосылған Стрепсилс^®

Халықаралық патенттелмеген атауы

Жоқ

Дәрілік түрі

Соруға арналған апельсинді таблеткалар

Құрамы

Бір таблетканың құрамында

белсенді заттар: амилметакрезол0.60 мг,

2,4-дихлорбензил спирті 1.20 мг,

аскорбин қышқылы 33.50 мг

натрий аскорбаты 74.90 мг (қосындысы 100.00 мг

аскорбин қышқылына баламалы),

қосымша заттар: апельсин хош иістендіргіші PHL105288, левоментол, пропиленгликоль, "Күн батар түстес" сары бояғышы (Е110), Понсо 4R бояғышы (Е124), шарап қышқылы, сұйық глюкоза, сұйық сахароза.

Сипаттамасы

Екі жағында «S» әріптері таңбаланған немесе таңбаланбаған қызғылт сары дөңгелек таблеткалар. Карамельдік массаның ішінде аздаған ауа көпіршіктерінің болуына және таблетканың шеттері тегіс болмауына жол беріледі.

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AA20

Фармакологиялық қасиеттері

Фармакокинетикасы

2,4-дихлорбензил спирті несеппен шығарылатын гиппур қышқылының түзілуімен бауырда метаболизденеді. Амилметакрезол метаболизмі мен шығарылуы туралы қолжетімді деректер жоқ.

Фармакодинамикасы

С витамині қосылған Стрепсилс^® - ауыз қуысы мен жұтқыншаққа жергілікті қолдануға арналған біріктірілген микробқа қарсы препарат.

2,4-дихлорбензил спирті бензол туындысы, антисептик болып табылады. Амилметакрезол – фенол туындысы, антисептик. 2,4-дихлорбензилспирті мен амилметакрезолдың әсер ету механизмі микроб және зең жасушалары ақуыздарының коагуляциясымен, сондай-ақ жасушалық жарғақшаларлипидтерімен өзара әрекеттесуімен байланысты, бұл қоздырғыштарға қарсы тиімділігін білдіреді.

Аскорбин қышқылы инфекция кезінде, организмде C витаминінің деңгейі төмендегенде пайдалы С витамині қорын білдіреді.

Препарат инфекциялы-қабыну аурулары кезінде антисептикалық әсер көрсетеді, грамоң және грамтеріс микроорганизмдердің кең ауқымына қатысты белсенді, микозға қарсы (зеңге қарсы) және вирусқа қарсы әсер етеді. Препарат ауыз қуысының шырышты қабығына жеңілдететін әсер көрсетеді және тамақтың, соның ішінде жұтынған және сөйлеген кезінде тітіркенуі мен ауыруын азайтады.

Препарат сору басталған соң 5 минут өткенде тамақтың ауыру қарқынын азайтады. Ауыруды басатын әсері 2 сағатқа дейін жалғасады.

Қолданылуы

• ауыз қуысы мен жұтқыншақтың инфекциялы-қабыну ауруларын симптоматикалық емдеу үшін

Қолдану тәсілі және дозалары

Дозалау режимі

Препаратты симптомдарды бақылауға қажетті ең қысқа мерзім ішінде ең төмен тиімді дозада қабылдау керек.

Ересектер: әр 2-3 сағат сайын бір таблеткадан баяу сору керек. 24 сағат ішінде 12 таблеткадан артық қабылдауға болмайды.

Егде жастағы адамдар: егде жастағы адамдарда дозасын азайту қажет емес. Қолдану тәсілі

Ауыз қуысында соруға арналған. Таблетканы ауызда баяу сору қажет.

Емдеу ұзақтығы

Егер симптомдар 3 күн бойы сақталса немесе жағдайдың нашарлауы байқалса дәрігерге қаралу қажет.

Жағымсыз әсерлері

Жиілігі белгісіз (қолда бар деректер негізінде бағалау мүмкін емес)

- аса жоғары сезімталдық реакциялары (аллергиялық реакциялар, бөртпе)

- жүрек айну, іштің ауыруы

- глоссодиния.

Әдеттен тыс реакциялар білінген жағдайда дәрігермен препаратты одан әрі қолданудың мақсатқа сай болуы жөнінде кеңесу керек.

Қолдануға болмайтын жағдайлар

- препарат компоненттеріне жоғары сезімталдық

- фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі сияқты сирек тұқым қуалайтын синдромдары бар пациенттерге

- 18 жасқа дейінгі балалар мен жасөспірімдерге ("Күн батар түстес" сары бояғышы (Е110) препарат құрамында болуына байланысты).

Дәрілермен өзара әрекеттесуі

Басқа препараттармен клиникалық мәнді өзара әрекеттесулері анықталмаған. Препаратты микробқа қарсы басқа жергілікті дәрілермен бір мезгілде қолдануға болады.

Айрықша нұсқаулар

Тамақтың ауыруы 3 күннен артыққа созылса немесе бас ауыруы, жүрек айну, құсумен қатар жүрсе, дәрігермен кеңесу керек.

Әр таблетканың құрамында 2,6 г қант бар, оны қант диабетімен ауыратын науқастар, сондай-ақ калориясы аз диета кезінде ескеру қажет. Ұзақ уақыт (екі және одан да көп апта) қолданғанда тістерді зақымдайтын әсер көрсетеді.

Егер ауыру симптомдары сақталса, нашарлай түссе немесе жаңалары пайда болса, препарат қабылдауды тоқтатып, дәрігермен кеңесу керек.

Жүктілік және лактация кезеңі

Препаратты жүктілік және бала емізу кезеңінде қолданудың қауіпсіздігі жөнінде деректер жоқ, сондықтан егер ана үшін болжанатын пайдасы шарана мен сәбиге төнетін қауіптен асып түскен жағдайда ғана, препаратты қолдануға болады.

Дәрілік препараттың көлік құралын немесе басқа қауіптілігі зор механизмдерді басқару қабілетінеәсер ету ерекшеліктері

Препарат автокөлік пен механизмдерді басқару қабілетіне, сондай-ақ жоғары зейін қою мен психомоторлық реакциялар шапшаңдығын талап ететін басқа аса қауіпті қызмет түрлерімен айналысқанда ықпалын тигізбейді.

Артық дозалануы

Симптомдары: асқазан-ішек жолы тарапынан жайсыздық.

Емі: симптоматикалық ем.

Шығарылу түрі және қаптамасы

12 таблеткадан поливинилхлорид/поливинилиденхлорид (ПВХ/ПВДХ) үлбір мен алюминий фольгадан жасалған пішінді ұяшықты қаптамаға салады.

2 пішіндіқаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25 ⁰С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Рекитт Бенкизер Хелскэр Интернешнл Лимитед,

Тейн Роуд, Ноттингем, NG90 2DB,Ұлыбритания

Тіркеу куәлігінің ұстаушысы

Рекитт Бенкизер Хелскэр Интернешнл Лимитед,

Тейн Роуд, Ноттингем, NG90 2DB, Ұлыбритания

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігіне жауапты ұйымның атауы, мекенжайы және байланыс деректері (телефон, факс, электронды пошта):

«Рекитт Бенкизер Қазақстан» ЖШС, 050040, Алматы қ., Көктем-1 ы/а, 15 «А» үй, 302 кеңсе. Тел.: +7 (727) 356 07 52; +7 (727) 356 07 53; факс: +7 (727) 356 07 50; жедел желі тел.: 8-10-800-2000-82-20 (тегін қоңырау шалу). e-mail: contact_ru@rb.com, KazakhstanDSO@rb.com.

Қалалар