Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Тантум Верде®
Халықаралық патенттелмеген атауы
Жоқ
Дәрілік түрі, дозасы
Жергіліктіқолдануға арналған дозаланған спрей, 0,255 мг/доза
Фармакотерапиялық тобы
Асқорыту жүйесі және зат алмасу. Стоматологиялық препараттар. Ауыз қуысы ауруларын жергілікті емдеуге арналған басқа препараттар. Бензидамин.
АТХ коды: A01AD02
Қолданылуы
Тантум Верде® препараты ересектерге және 6 жастан асқан балаларға ауырсыну синдромымен қатар жүретін ауыз қуысы мен ЛОР-мүшелерінің қабыну ауруларын (мысалы, гингивит, стоматит және фарингит), соның ішінде консервативті стоматологиялық емшаралар немесе тіс экстракциясынан кейін симптоматикалық ем ретінде көрсетілімде.
Қолданудың басталуына дейін қажетті мәліметтер тізбесі
Қолдануға болмайтын жағдайлар
- бензидаминге немесе «Дәрілік препараттың құрамы» бөлімінде көрсетілген қосымша заттардың кез келгеніне аса жоғары сезімталдық.
Қолдану кезіндегі қажетті сақтандырушаралары
Тантум Верде® препаратын, әсіресе ұзақ қолданғанда аса жоғары сезімталдық реакциялары дамуы мүмкін. Бұл жағдайда емдеуді тоқтату және тиісті ем тағайындау үшін дәрігермен кеңесу ұсынылады.
Пациенттердің шектеулі санында тамақ мен ауыз қуысында ойық жаралардың болуы едәуір ауыр патологияның болуын көрсетуі мүмкін. Егер симптомдар 3 күннен аса уақытта кетпесе, дәрігермен кеңесу керек.
Тантум Верде® препаратын ацетилсалицил қышқылына немесе басқа қабынуға қарсы стероидты емес препараттарға жоғары сезімталдығы бар пациенттерде қолдану ұсынылмайды.
Тантум Верде® препараты анамнезінде бронх демікпесі бар пациенттерде препаратты қабылдау кезінде оларда бронх түйілуінің дамуы мүмкін болса, сақтықпен қолданылуы тиіс.
Басқа дәрілік препараттармен өзара әрекеттесуі
Қарастырылған жағдайларда әдетте қолданылатын басқа препараттармен ешқандай теріс өзара әрекеттесу байқалмады.
Арнайы ескертулер
Препарат әсіресе ауыз қуысын шаюға қабілетсіз пациенттерге ұсынылады. Тантум Верде® препаратының құрамында метилпарагидроксибензоат бар, ол аллергиялық реакцияларды (оның ішінде кейінге қалдырылған) және ерекше жағдайларда бронх түйілуін туындатуы мүмкін.
Балалар
6-дан 12 жасқа дейінгі балаларға препаратты тек қана дәрігердің ұсынуымен және тағайындалған дозада қолдану керек.
Жүктілік немесе лактация кезінде
Бензидаминді жүкті әйелдерде қолдану туралы деректер жоқ. Жануарлардың тұқым өрбіту уыттылығына зерттеулер жеткіліксіз. Жүктілік кезінде Тантум Верде препаратынқолдану ұсынылмайды. Бензидаминнің адамның емшек сүтіне өтуі туралы деректер жеткіліксіз. Тантум Вердені емшекпен емізу кезеңінде қолдануға болмайды.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Тантум Верде® препараты ұсынылған дозаларда қолданған кезде көлік құралдарын басқару және механизмдермен жұмыс істеу қабілетіне әсер етпейді.
Қолдану жөніндегі нұсқаулар
Дозалау режимі
Ересектер және 12 жастан асқан жасөспірімдер: 4-8 бүркуден тәулігіне 2-6 рет.
Балалар (6-12 жас): препаратты тек қана дәрігердің ұсынуымен және тағайындалған дозада қолдану керек.
Препараттың ұсынылған дозасын асырмау қажет.
Енгізу әдісі мен жолы
- Канюляны (ақ түсті түтік) «құтыға тігінен» қалпында бұраңыз
2. Канюляны аузыңызға салыңыз да, ауыз қуысы мен тамағыңыздағы қабынған жерлерге бағыттаңыз.
- Дозаланған помпаны құтының жоғарғы жағындағы дозалар тағайындалғанға дейін бірнеше рет басыңыз. Бір басу бір дозаға сәйкес келеді. Бүрку кезінде деміңізді ұстаңыз
Назар аударыңыз: бірінші рет қолданар алдында бүріккішті іске қосу үшін қалпақшаны бірнеше рет басу қажет
Қабылдау уақыты көрсетілген қолдану жиілігі
Тамақтанғаннан кейін күніне 2-6 рет қолданыңыз (әр бүркумен 0,17 мл ерітінді бөлінеді).
Емдеу ұзақтығы
Емдеу ұзақтығы дәрігермен кеңесусіз 7 күннен аспауы тиіс.
Артық дозаланғанда қолдануы қажет шаралар
Интоксикация бензидаминнің көп мөлшері (> 300 мг) кездейсоқ жұтылған жағдайда ғана күтіледі.
Ішке қабылданған бензидаминнің артық дозалануымен байланысты негізгі симптомдар асқазан-ішек бұзылыстары (жүрек айну, құсу, іштің ауыруы және өңештің тітіркенуі) және орталық жүйке жүйесінің бұзылыстары (бас айналу, елестеулер, қозу, мазасыздық және тітіркену) болып табылады.
Жедел артық дозаланғанда симптоматикалық ем ғана көрсетіледі. Пациентті мұқият бақылау және демеуші ем тағайындау қажет. Пациенттің тиісті гидратациялануын қамтамасыз ету керек.
Тантум Верде® препаратының жоғары дозасын абайсызда қабылдаған жағдайда бұл туралы дереу дәрігерге хабарлаңыз немесе жақын жердегі ауруханаға хабарласыңыз.
Дәрілік препараттың бір немесе бірнеше дозасын өткізіп алған кезде қажетті шаралар
Өткізіп алған дозаны өтеу үшін қос дозаны қабылдамаңыз.
Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер
Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Барлық дәрілік препараттар сияқты Тантум Верде® препараты жағымсыз реакцияларды тудыруы мүмкін, бірақ олар барлығында бола бермейді.
Келесі симптомдар пайда болған жағдайда препаратты қабылдауды тоқтатып, дереу медициналық көмекке жүгіну қажет:
Жиі емес (100 адамның 1-де болуы мүмкін):
- жарыққа сезімталдық.
Сирек (1000 адамның 1-де болуы мүмкін):
- аса жоғары сезімталдық реакциялары (аллергиялық реакциялар);
- ауыз қуысының ашытып күйдіруі (себебі препарат құрамында этанол бар);
- ауыздың құрғауы.
Өте сирек (10 000 адамның 1-де болуы мүмкін):
- ларингоспазм (тыныс алудың қиындауы);
- ангионевроздық ісіну (жұтылу және/немесе тыныс алуды қиындататын ауыздың / тамақтың және шырышты қабықтардың кенеттен ісінуі);
- қышыну;
- есекжем;
- бөртпе.
Белгісіз (қолда бар деректер негізінде бағалау мүмкін емес):
- анафилаксиялық реакциялар.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
100 мл препараттың құрамында
белсенді зат - 0,15 г бензидамин гидрохлориді, бұл 0,134 г бензидаминге баламалы;
қосымша заттар: этанол (96%), глицерол, метилпарагидроксибензоат, ментол хош иістендіргіші (дәм қоспасы), сахарин, натрий гидрокарбонаты, полисорбат 20, тазартылған су.
Сыртқы түрінің, иісінің, дәмінің сипаттамасы
Жалбызға тән иісі бар түссіз мөлдір сұйықтық.
Шығарылу түрі және қаптамасы
30 мл препараттан помпамен және жиналмалы канюлясы бар басатын құрылғымен жабдықталған ақ түсті полиэтиленнен жасалған құтыға құйылады.
1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
4 жыл
Жарамдылық мерзімі өткеннен кейін қолдануға болмайды!
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Азиенде Кимике Риуните Анжелини Франческо А.К.Р.А.Ф. С.п.А., Италия
Aziende Chimiche Riunite Angelini Francesco A.C.R.A.F. S.p.A., Via Vecchia del Pinocchio 22, 60100, Ancona, Italy.
Телефон: 0039 071809867
Факс: 0039 0712869070
Электронды поштасы: roberto.maiani@angelinipharma.com
Тіркеу куәлігінің ұстаушысы
Азиенде Кимике Риуните Анжелини Франческо А.К.Р.А.Ф. С.п.А., Италия
Aziende Chimiche Riunite Angelini Francesco A.C.R.A.F. S.p.A., Viale Amelia 70, 00181, Rome, Italy
Телефон: 0039 0691045515
Факс: 0039 0678053291
e-mail: cesare.costa@angelinipharma.com
Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтынұйымның атауы, мекенжайы және байланыс деректері (телефон, факс, электронды пошта)
«Registrarius» ЖШС. Қазақстан Республикасы, 050036, Алматы қ.,
Мамыр-1 ықшам ауданы, 29 үй,159 пәтер.
Тәулік бойы жұмыс істейтін телефон: +7-727-313-12-07;
e-mail: info@registrarius.org
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Registrarius» ЖШС. Қазақстан Республикасы, 050036, Алматы қ.,
Мамыр-1 ықшам ауданы,29 үй,159 пәтер.
Тәулік бойы жұмыс істейтін телефон: +7-717-272-72-31;
e-mail: pv.kz@biomapas.eu
