Біздің компаниямыз жайлы жалпы ақпарат.
Гомеопатиялық дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Тонзипрет®
Халықаралық патенттелмеген атауы
Жоқ
Дәрілік түрі, дозалануы
Фармакотерапиялық тобы
Басқа препараттар. Басқа емдік препараттар, барлығы. Басқа дәрілік препараттар.
АТХ коды V03AX
Қолданылуы
Тамақтың қабыну ауруларын емдеуге арналған гомеопатиялық дәрі
- жоғарғы тыныс алу жолдарының жеделауруларында (тонзиллит, фарингит, ларингит)
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- белсенді заттарға немесе кез келген қосымша заттарға аса жоғары сезімталдық
- 1 жасқа дейінгі балалар
- жүктілік және лактация
- тұқым қуалайтын галактоза көтере алмаушылығы, Lapp-лактаза ферментінің генетикалық тапшылығы немесе глюкоза-галактоза сіңуінің бұзылулары.
Қолдану кезіндегі қажетті сақтандыру шаралары
Егер дәрігер сізге қандай да бір қантқа жақпаушылық бар екенін айтқан болса, осы препаратты қабылдамас бұрын дәрігермен хабарласыңыз.
Галактозаның сирек тұқым қуалайтын жақпаушылығы, лактаза тапшылығы немесе глюкоза-галактоза мальабсорбциясы бар пациенттерге Тонзипрет® препаратын қабылдау ұсынылмайды
Басқа дәрілік препараттармен өзара әрекеттесуі
Белгісіз
Арнайы ескертулер
Ұзаққа созылған, түсініксіз немесе қайта пайда болған шағымдар болған кезде, сондай-ақ, үш күннен асса жалғасқан немесе 39˚С-ден асқан қызба жағдайында дәрігермен кеңесу қажет.
Қант диабетімен зардап шегетін пациенттергеарналған ақпарат:
1 таблетка құрамында орташа есеппен 0,02 нан бірлігі бар.
Педиатрияда қолдану
1 жасқа дейінгі балаларға препаратты қабылдау ұсынылмайды, өйткені бұл жас тобындағы тиімділігі мен қауіпсіздігі туралы клиникалық деректер жоқ.
Жүктілік немесе лактация кезінде.Препаратты жүктілік кезінде және бала емізу кезеңінде қолдану ұсынылмайды
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат ұсынылған дозаларда көлік құралын немесе қауіптілігі зор механизмдерді басқару қабілетіне әсер етпейді
Қолдану жөніндегі нұсқаулар
Ересектер мен 12 жастан асқан жасөспірімдер: 1 таблеткадан әрбір 30-60 минут сайын, бірақ аурудың жедел кезеңінде күніне 6 реттен көп емес және аурудың ұзақтығы бір аптадан асса күніне 1 таблеткадан 1-3 рет, дәрігермен алдын ала кеңескеннен кейін.
1 жастан 12 жасқа дейінгі балалар: ½ таблеткадан әрбір 30-60 минут сайын, бірақ аурудың жедел кезеңінде күніне 6 реттен көп емес және аурудың ұзақтығы бір аптадан асса ½ таблеткадан күніне 1-3 рет, дәрігермен алдын ала кеңескеннен кейін.
Егер симптомдар жақсарса, қабылдау жиілігін азайту керек.
Тонзипрет препараты ішу арқылы қабылданады, таблетка баяу еруі үшін оны ауызда біраз уақыт ұстайды.
Кішкентай балалар таблетканы жұтып қоймау үшін жартысын суда еріту керек.
Қабылдау уақыты көрсетілген қолдану жиілігі
Тонзипрет таблеткаларын әрбір 30-60 минут сайын, бірақ тәулігіне көрсетілген дозалардан артық қабылдауға болмайды.
Емдеу ұзақтығы
Кез келген дәрілік препарат сияқты, гомеопатиялық препараттарды да алдын ала дәрігер кеңесінсіз ұзақ уақыт қабылдауға болмайды.
Артық дозаланған жағдайда қабылдануы тиіс шаралар
Симптомдары: диспепсиялық бұзылулар, оның ішінде құсу мен диарея болуы мүмкін. Артық дозаланған жағдайда препаратты қабылдауды тоқтатып, дәрігермен кеңесу керек.
Емі: симптоматикалық ем.
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)
Жиілігі белгісіз
- асқазан-ішек бұзылулары (жүрек айнуы және асқазан бұзылулары)
- аллергиялық реакциялар
Аллергиялық реакциялардың бірінші белгілерінде-ақ препарат қабылдауды тоқтатып, дәрігерге қаралу керек.
Ескерту:Гомеопатиялық препараттарды қолдану бұрыннан бар шағымдардың уақытша шиеленісуіне әкелуі мүмкін (бастапқы шиеленісу). Бұл жағдайда препаратты қабылдауды тоқтатып, дәрігермен кеңесу керек.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Соруға арналған бір таблетканың құрамында:
белсенді заттар:
Capsicum annuum D375 мг,
GuaiacumD375 мг,
Phytolacca americanaØ50 мг,
қосымша заттар: лактоза моногидраты – 250 мг, картоп крахмалы – 25 мг, магний стеараты - 2,5 мг.
Сыртқы түрінің, иісінің, дәмінің сипаттамасы
Дөңгелек, жалпақцилиндрлі соруға арналған таблеткалар, бір жағында кертігі бар және екі жағы қисық, ашық ақшыл түсті.
Шығарылу түрі және қаптамасы
Соруға арналған 25 таблеткадан алюминий фольгадан және ПВХ/ПВДХ үлбірден жасалған пішінді ұяшықты қаптамада (блистерде).
2 пішінді ұяшықты қаптамадан (блистерден) медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
4 жыл
Жарамдылық мерзімі өткеннен кейін қолдануға болмайды!
30º С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Бионорика СЕ
Кершенштайнерштрассе 11-15
92318 Ноймаркт, Германия
Телефоны: +49 / (0) 9181 / 231-90
Факс: +49 / (0) 9181 / 231-265
электронды пошта: info@bionorica.de
Тіркеу куәлігінің ұстаушысы
Бионорика СЕ
Кершенштайнерштрассе 11-15
92318 Ноймаркт, Германия
Телефоны: +49 / (0) 9181 / 231-90
Факс: +49 / (0) 9181 / 231-265
электронды пошта: info@bionorica.de
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Бионорика КАЗ» ЖШС
050060Алматы қ., Жароков к-сі 331, тел: 250-93-99
e-mail:info@bionorica.kz
