Сипаттама
Дәрілік затты медициналық қолдану
жөніндегі нұсқаулық
Тридокс
Саудалық атауы
Тридокс
Халықаралық патенттелмеген атауы
Жоқ
Дәрілік түрі
15 г крем
Құрамы
1 г кремнің құрамында
белсенді заттар: 0.64 мг бетаметазон дипропионаты (0.50 мг бетаметазонға баламалы), 10.00 мг клотримазол, 2.25 мг гентамицин сульфаты (1.00 мг гентамицинге баламалы),
қосымша заттар: цетостеарил спирті, цетомакрогол 1000, ақ жұмсақ парафин, жеңіл сұйық парафин, пропиленгликоль, натрий метабисульфиті, гидрокситолуен бутилаты, ЭДТА динатрий тұзы, динатрий гидрофосфаты, натрий дигидрофосфаты, глицерил моностеараты, метилпарабен, пропилпарабен, тазартылған су
Сипаттамасы
Ақ жұмсақ, біртекті крем.
Фармакотерапиялық тобы
Тері ауруларын жергілікті емдеуге арналған глюкокортикостероидтар. Басқа да препараттармен біріктірілген кортикостероидтар. Басқа да препараттармен біріктірілген күшті кортикостероидтар. Басқа да препараттармен біріктірілген бетаметазон.
АТХ коды D07ХC01
Фармакологиялық қасиеттері
Фармакокинетикасы
Бетаметазондипропионаты
Терінің сыртына қолданған кезде бетаметазон дипропионатының сіңу дәрежесі дәрілердің негізін, эпидермальді бөгеттің тұтастығын, окклюзиялық таңғышты қолдануды қоса, әртүрлі факторларға байланысты. Бетаметазон дипропионаты, биотрансформацияға ұшырамай, терінің мүйізгекті қабаты арқылы жеңіл сіңеді. Сіңірілуі эпидермисі зақымданған теріге, дене қыртыстары аймағындағы теріге,терінің ауқымды бөлігіне жаққанда артады. Теріде жүретін қабыну үдерістері препараттың сіңуін жоғарытады.Окклюзиялық таңғыштарды қолдану препараттың тері арқылы сіңуін арттырады. Балаларда бетаметазон дипропионатының сіңірілуі, ересектерге қарағанда анағұрлым жоғары.
Препаратты терінің сыртына жаққаннан кейін тері арқылы сіңген кезде фармакокинетикасы кортикостероидтарды жүйелік енгізген кездегіге ұқсас. Бетаметазон дипропионаты глюкурон қышқылымен қосылыс түрінде метаболизденеді және негізінен бүйрек арқылы, аз мөлшерде – өтпен шығарылады.
Клотримазол
Клотримазолдың теріге жаққан кезде сіңу қабілеті жоғары.Препаратты терінің сыртқа қолданғанда эпидермистегі концентрациясы дермадағы және тері асты шеліндегіге қарағанда жоғары болады. Іс жүзінде жүйелік әсер етпейді.
Гентамицин сульфаты
Зақымданған терінің ауқымды жеріне қолданған кезде (мысалы, күйікте) препарат сіңуі мүмкін, бұл ретте жүйелік жағымсыз әсерлері туындауы мүмкін. Гентамицин сульфаты организмде биотрансформацияланбайды және өзгермеген күйінде несеппен шығарылады.
Фармакодинамикасы
Біріктірілген препарат, қабынуға қарсы, аллергияға қарсы, бактерияларға қарсы және зеңге қарсы (фунгицидтік) әсер етеді.
Бетаметазон дипропионаты – құрамында фторы бар синтетикалықглюкокортикостероид (ГКС). Қабынуға қарсы, қышынуға қарсы, аллергияға қарсы, тамырды тарылтатын әсері бар. Препарат липокортин синтезін индукциялайды, ол А2 фосфолипаза белсенділігін бәсеңдетеді жәнеқабынудыңжәне аллергияныңпростагландиндер,лейкотриендерсияқты медиаторларының биосинтезін азайтады. Зақымданған аймақта жоғары өткізгіштікті және қантамырлардың кеңеюін жояды, соның салдарынанэкссудативті реакциялар азаяды. Ақуыз синтезін, коллагенніңбөлініп шығуын азайтады, терідегі пролиферативті үдерісті басады.
Клотримазол – зеңге қарсы имидазол туындылары тобына жататын дәрі.Зеңдер жасушалары жарғақшасының құрамдас бөлігі болып табылатын эргостерол синтезінің бұзылуы есебінен әсер етеді.Әсер ету ауқымы кең. Дерматофиттерге, өңезді зеңдерге, Candida тобының зеңдеріне, сондай-ақ кеуек тәрізді теміреткі қоздырғышы - Malassezia furfur қатысты тиімді. Грамоң және грамтеріс мына бактерияларға: Corynebacterium minutissimum, Streptococcus spp., Staphylococcus spp. қатысты, сондай-ақTrichomonas vaginalis қатысты белсенді.
Гентамицин - аминогликозидтер тобына жататын, әсер ету ауқымы кең антибиотик, бактерицидті әсер етеді. Бактерицидтік әсеріцитоплазмалық жарғақша өткізгіштігінің бұзылуына және рибосома деңгейінде ақуыз синтезінің бәсеңдеуіне негізделген. Препаратқа грамтеріс мына бактериялардың сезімталдығы жоғары: Proteus spp. (индолоң және индолтеріс), Escherichia coli, Klebsiella spp., Salmonella spp., Shigella spp., Campylobacter spp.; грамоң бактериялар: Staphylococcus spp. (метициллинге төзімді). Сезімтал: Enterococcus faecalis, Serratia spp., Pseudomonas spp., Acinetobacter spp., Citrobacter spp. Төзімді: Neisseria meningitidis, Treponema pallidum, Streptococcus spp. (Streptococcus pneumonia басқа), Providencia rettgeri.
Қолданылуы
- қарапайым жанаспалы және аллергиялық дерматитте (әсіресе асқынған салдарлы бактериялық инфекцияларда)
- атопиялықдерматитте, экземада
- дерматомикоздарда (дерматофитиялар, кандидоз, алуан түсті (кеуек тәрізді) теміреткі), әсіресе шап аймағында және терінің ірі қыртыстарында
- созылмалы қарапайым теміреткіде
- себорейлі дерматитте
- глюкокортикостероидтармен емдеуге келетін дерматоздарда
- псориазда
Қолдану тәсілдері және дозасы
Ересектер және7 жастан асқан балалар
Кремнің аздаған мөлшерін терінің зақымданған жеріне тәулігіне 2 рет сәл ысқылай отырып, жағады. Емдеу ұзақтығын дәрігер әр адамға жекелей анықтайды және ол аурудың нозологиялық түріне және ауырлығына байланысты. Препараттыокклюзиялық таңғыш астына қолданбаған,сондай-ақ үзіліссіз 2 аптадан астам ем жүргізбеген жөн, қайталанатын курстар арасындағы үзіліс 20 күннен кем болмауы қажет. Табан дерматомикозында емдеудің орташа ұзақтығы - 2-4 апта.
Емдеу курсы беттері зақымданған балалар мен науқастарда 5 күннен аспауы тиіс.
Жағымсыз әсерлері
- қышыну, күйдіру, тітіркену
- терінің құрғауы, фолликулит, гипертрихоз, стероидты безеулер, гипо- немесе гиперпигментация
- аллергиялықреакциялар
- периоральді дерматит, телеангиэктазиялар
- мацерация, инфекция жұқтыру, тері атрофиясы, жолақтар, баздану (окклюзиялық таңғыштарды қолданған кезде)
Ұзақ уақыт емделген кезде немесе терінің ауқымды беткейіне жаққанда мынадай жүйелік жағымсыз әсерлер дамуы мүмкін:
- дене салмағының артуы, остеопороз, АҚ жоғарылауы, ісінулер, гипергликемия,
- асқазан-ішек жолының шырышты қабығының ойық жаралануы
- инфекциялардың жасырын ошақтарының өршуі
- қозу, ұйқысыздық
- гипофизарлық-бүйрекүсті безі жүйесінің бәсеңдеуі, дисменорея
- отоуытты әсері
Қолдануға болмайтын жағдайлар
- препарат компоненттеріне аса жоғары сезімталдық
- тері туберкулезі, мерездің терілік біліністері
- желшешек, қарапайым герпес және терінің басқа да вирустық аурулары
- ашық жаралар
Дәрілермен өзара әрекеттесуі
Препарат иммунодепрессанттар әсерін күшейтеді,иммунитет көтермелейтін препараттардың әсерін азайтады.
Айрықша нұсқаулар
Препаратофтальмологияда қолдануға арналмаған.
Препаратты көзге тигізіп алмау қажет.
Препаратты ұзақ қолданбау қажет, өйткені мұндайда жағымсызәсерлердің пайда болу жиілігі артады және микроорганизмдердің төзімділігі дамуы мүмкін. Тұрақты бактериялық немесе зеңдік микрофлора пайда болғанда препаратты тоқтатқан және тиісті ем тағайындаған жөн.
Препаратты беттің терісіне,телеангиэктазияның,периоралдыдерматиттің пайда болуы мүмкін екендігіне байланысты, қолданбағанжөн.Қолтық асты және шап арасындағы аймақ терісіне препаратты тек өте қажет болған жағдайда ғана қолданған жөн. Препараттыокклюзиялық таңғыштың астына қолданбау керек. Тері асты шелі атрофиясында, әсіресе егде жастағы адамдарда сақтықпен қолданған жөн. Жүйелік сіңірілу нәтижесінде гипофизарлық-бүйрекүсті безі жүйесі функциясының қайтымды түрде төмендеуі, сондай-ақ препаратты тоқтатқаннан кейін бүйрекүсті безі қабығының жеткіліксіздігі симптомдары пайда болуы мүмкін.
Жүктілік және лактация кезеңі
Тридокс препаратын жүктілік кезінде қолдану ана үшін пайдасы ұрыққа төнетін ықтимал қауіптен басым болған жағдайда ғана мүмкін болады.Препарат компоненттері ана сүтімен бірге бөлініп шығатын-шықпайтыны белгісіз. Сондықтан Тридокс препаратын лактация кезеңінде тағайындағанда емшекпен қоректендіруді тоқтату жөніндегі мәселені шешіп алған жөн.
Педиатрияда пайдалану
Балаларда, ересек пациенттерге қарағанда, гипоталамус-гипофизарлық-бүйрекүсті безі жүйесінің басылу белгілері өте жиі пайда болуы мүмкін, ол тері беткейі ауданыныңдене салмағына арақатынасының жоғары болуымен байланысты.
Балаларға және 7 жастан асқан жасөспірімдерге препаратты қатаң көрсетілімдер бойынша және дәрігердің бақылауымен ғана тағайындайды,өйткені жүйелік жағымсыз әсерлер дамуы мүмкін. Сыртқа қолданған кезде глюкокортикостероидтардың немесе гентамициннің жүйелік сіңірілуі, егер емдеу дененің ауқымды беткейіне жүргізілсе немесе окклюзиялық таңғыштарды пайдаланғанда жоғары болады. Мұндай жағдайларда, әсіресе балалар мен жасөспірімдерде, емдеу дәрігердің қатаң бақылауымен жүргізілгені жөн.
Көлік құралын немесе қауіптілігі зор механизмдерді басқару қабілетіне әсер етуі
Препараттың көлік құралын немесе қауіптілігі зор механизмдерді басқару қабілетіне жағымсыз әсер етуі туралы деректер жоқ.
Артық дозалануы
Симптомдары: артериялық гипертензия, салдарлы инфекцияның қосылуы,Кушинг синдромы,терінің ауқымды беткейіне ұзақ уақыт қолданғаннан кейін гиперкортицизм құбылысы болуы мүмкін.
Емі: препаратты біртіндеп тоқтату, қажет болғанда - электролиттік бұзылуларды түзету, симптоматикалық ем.
Шығарылу түрі және қаптамасы
15 г кремнен алюминий сықпада.
1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
OXFORD
Оксфорд Лабораториз Пвт. Лтд., Үндістан
В 306, Кристалл Плаза, Нью Линк Роуд, Андхери (Вест), Мумбай 400053, Үндістан.
Тіркеу куәлігінің иесі
Оксфорд Лабораториз Пвт. Лтд., Үндістан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Оксфорд Лабораториз Пвт., Лтд өкілдігі
Алматы қ., Әуезов к-сі 3
Тел./факс + 7 727 266 95 50
E-mail: almatyoxford@hotmail.com
