Сипаттама
Дәрілік затты медициналық қолдану
жөніндегі нұсқаулық
Бальзамдық линимент (Вишневский бойынша)
Саудалық атауы
Бальзамдық линимент (Вишневский бойынша)
Халықаралық патенттелмеген атауы
Жоқ
Дәрілік түрі
Сыртқа қолдануға арналған линимент 30г
Құрамы
100 г препараттың құрамында
белсенді заттар: қайың қара майы3.0 г, висмут трибромфеноляты және висмут тотығы кешені (ксероформ)3.0 г,
қосымша заттар: коллоидты кремнийдің қостотығы (аэросил), майсана майы.
Сипаттамасы
Өзіне тән иісі бар, ашық-сарыдан қоңырқай түске дейінгі линимент.
Фармакотерапиялық тобы
Дерматология. Антисептиктер және дезинфекциялайтын дәрілік зат. Антисептиктер және дезинфекциялайтын басқа препараттар.
АТХ коды D08AX
Фармакологиялық қасиеттері
Сыртқа қолдануға арналған біріктірілген препарат. Антисептикалық және жергілікті тітіркендіретін әсер етеді, регенерация үдерісін жеделдетеді.
Қолданылуы
- тері мен жұмсақ тіндердің жарақаттан кейінгі, операциядан кейінгі ұзақ уақыт жазылмайтын, инфекция жұқтырмаған жараларында
Қолдану тәсіліжәне дозалары
Сыртқа, зақымданған жерге жұқа етіп жағады немесе линимент сіңірілген дәкелі таңғыш таңылады.
Егер емдегеннен кейін жақсару байқалмаса немесе симптомдар тереңдесе немесе жаңа симптомдар байқалса дәрігерге қаралу керек. Препаратты қолдану нұсқаулығында көрсетілген көрсеткіштерге, қолдану тәсіліне және дозаларға сәйкес ғана қолданыңыз.
Жағымсыз әсерлері
- аллергиялық реакциялар
- ұзақ уақыт қолданған кезде ісіну, қызарып қышыну түрінде терінің тітіркенуі
Қолдануға болмайтын жағдайлар
-аса жоғары сезімталдық
- тері мен жұмсақ тіндердің (абсцесті фурункул, карбункул, флегмона, абсцесс, гидраденит, лимфаденит, іріңдеген атерома, липома, парапроктит, плевра эмпиемасы) жедел іріңді аурулары
Дәрілермен өзара әрекеттесуі
Анықталмаған
Айрықша нұсқаулар
Линименттің көзге түсуінен немесе ішке қабылдаудан аулақ болу керек. Көзге түсіп кеткен жағдайда оны сумен шаю және дәрігерге қаралу керек.
Линиментті жаққаннан кейін препараттың көзге, мұрынға және ауызға түсудің алдын алу үшінқолды тазалап жуу керек. Фенолға және оның туындыларына жоғары сезімталдығы бар тұлғаларға қолдану ұсынылмайды.
Линиментте жағымсыз иіс бар және киімде із қалдырады.
Жүктілік және лактация кезеңі
Қажет болған жағдайда препаратты дәрігердің тағайындауы бойынша қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: қышыну, бөртпе.
Емі: препаратты тоқтату және симптоматикалық ем.
Шығарылу түрі және қаптамасы
Препаратты 30 г-ден бушондары бар алюминий сықпаларға салады. Әрбір сықпаны медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.
Сақтау шарттары
15 оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Алтайвитамины» ЖАҚ
Мекенжайы: 659325, Ресей, Алтай өлкесі, Бийск қаласы, Заводская көшесі, 69
Телефоны: (3854) 326-946, 338-719
Факс: (3854) 327-640
Тіркеу куәлігінің ұстаушысы
«Алтайвитамины» ЖАҚ, Ресей Федерациясы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың қауіпсіздігіне тіркеуден кейінгі бақылауға жауапты ұйымныңатауы, мекенжайы және байланыс деректері (телефон, факс, электронды пошта)
ЖК Кысмуратова А.Т., Қазақстан Республикасы, 050010, Алматы қ., Төле би к-сі, 23 а, ұялы телефон 8 777 230 64 94
Электронды пошта: gulnarareg@mail.ru
