Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Форцип
Халықаралық патенттелмеген атауы
Ципрофлоксацин
Дәрілік түрі, дозалануы
Үлбірлі қабықпен қапталған таблеткалар, 500 мг
Фармакотерапиялық тобы
Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Микробқа қарсы препараттар - хинолон туындылары. Фторхинолондар. Ципрофлоксацин.
АТХ коды J01MA02
Қолданылуы
Ересектер:
Балалар мен 6 жастан асқан жасөспірімдер емдеу үшін басқа дәрілік препараттар болмаған жағдайда:
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
– ципрофлоксацинге және хинолондар тобының бактерияға қарсы препараттарына жоғары сезімталдық
– жүктілік және лактация кезеңі
– тизанидинмен, теофилинмен бір мезгілде қолдану
-балалар мен 18 жасқа дейінгі жасөспірімдер (6 жасқа дейін: муковисцидоз аясындағы жедел пневмония, сібір ойық жарасының өкпелік түрі және несеп шығару жолдарының асқынған аурулары бар балалар үшін).
Басқа дәрілік препараттарменөзара әрекеттесуі
Басқа дәрілік препараттардың Форцип препаратының әсеріне ықпалы
Жүректің жиырылу жиілігіне әсер ететін дәрілік препараттар: бұл аритмияға қарсы препараттар (хинидин, прокаинамид, амиодарон, соталол), антидепрессанттар, макролидтер тобындағы бактерияға қарсы препараттар, психикалық әрекетті басатын препараттар.
Форцип препаратын құрамында минералды қоспалар (кальций, магний, алюминий, темір) бар дәрілік препараттарды, севеламер, лантан карбонаты, сукральфат, диданозин сияқты асқазандағы қышқылдықты төмендететін препараттарды және құрамында магний, алюминий немесе кальций бар басқа да препараттарды қабылдағанға дейін 2 сағат бұрын немесе қабылдағаннан кейін 6 сағаттан соң қабылдаған жөн.
Тағамдық және сүт өнімдері: Форцип препаратының әсерін әлсіретуі мүмкін, сүт немесе минералдармен байытылған өнімдермен (мысалы, сүт, йогурт, құрамында кальций мөлшері көп апельсин шырыны) бір мезгілде қолданудан аулақ болу керек. Форцип препаратын кальцийдің көп мөлшерін (800 мг-ден астам) тұтынудан 2 сағат бұрын немесе қабылдағаннан кейін 6 сағаттан соң қабылдау қажет.
Гистаминді Н2-рецепторлар антагонистері: Форцип препаратының әсеріне елеулі әсер етпейді, дозаны түзету талап етілмейді.
Пробенецид, метоклопрамид: ципрофлоксациннің әсерін күшейтуі мүмкін.
Омепразол: ципрофлоксациннің әсерін әлсіретуі мүмкін. Дозаны түзету талап етілмейді.
Ципрофлоксациннің басқа дәрілік заттарға әсері.
Тизанидин: қан қысымының төмендеуімен, ашушаңдықтың азаюымен және ұйықтататын әсерімен тизанидиннің әсері күшеюі мүмкін.
Метотрексат: Метотрексат әсерінің күшеюі және жағымсыз әсерлер дамуы мүмкін, сондықтан оларды бір мезгілде қолдану ұсынылмайды, осы біріктірілімді қолданған жағдайда жай-күйді мұқият бақылау қажет.
Теофиллин: теофиллин әсерінің күшеюі және жағымсыз реакциялар дамуы мүмкін (жекелеген жағдайларда өмірге қауіп төндіретін және тіпті өлімге әкелетін). Егер оларды бір мезгілде қолдану қажет болса, дәрігер теофиллиннің қандағы концентрациясын бақылай алады және қажет болған жағдайда оның дозасын төмендетуі мүмкін.
Ксантиннің басқа туындылары, кофеин: Форцип препаратын және құрамында кофеин немесе пентоксифиллин (окспентифиллин) бар дәрілерді бір мезгілде қолданғанда олардың әсерлері күшеюі мүмкін.
Фенитоин: фениотоиннің әсерінің төмендеуі немесе күшеюі мүмкін. Құрысулар деңгейінің төмендеуі кезінде немесе оның деңгейінің жоғарылауы кезінде жағымсыз әсерлердің алдын алу үшін қандағы препарат деңгейін бақылау ұсынылады.
Циклоспорин: Форциппен бір мезгілде қолданғанда бүйрек жұмысы бұзылуы мүмкін, сондықтан аптасына екі рет қандағы креатинин деңгейін бақылау ұсынылады
К дәруменінің антагонистері: қанның ұюы төмендеуі мүмкін, қан кету қаупі ауруға, жасына және жалпы жағдайына байланысты өзгеруі мүмкін. Варфаринмен, аценокумаролмен, фенпрокумонмен немесе флуиндионмен бір мезгілде қолдану кезеңінде қанның ұю көрсеткіштерін тұрақты бақылау қажет.
Диабетке қарсы пероральді препараттар: глибенкламидпен, глюбуридпен, глимепиридпен бір мезгілде қолданған кезде науқастың жағдайы нашарлап, өлімге дейін науқастың жағдайының нашарлауымен, қандағы глюкоза деңгейі айтарлықтай төмендеуі мүмкін.
Дулоксетин: Әсері күшеюі мүмкін, сондықтан пациенттің жағдайын мұқият бақылау және сақтық қажет.
Ропинирол: ропиниролдың әсерінің күшеюі және жағымсыз әсерлерінің пайда болуы мүмкін, оның дозасын түзету қажет болуы мүмкін.
Лидокаин: бір мезгілде қолданғанда лидокаинның әсері төмендейді және жағымсыз реакциялар байқалуы мүмкін.
Қабынуға қарсы стероидты емес препараттар – ҚҚСП (ацетилсалицил қышқылынан басқа): Форцип препаратының өте жоғары дозаларында құрысулар дамуы мүмкін.
Клозапин: клозапиннің әсері күшеюі мүмкін, сондықтан дәрігердің бақылауы керек және емдеу кезеңінде және Форцип препаратымен бір мезгілде қолданғаннан кейін клозапин дозасын бірден түзету қажет.
Севеламер: Форцип препаратының әсері төмендеуі мүмкін, сондықтан оларды бір мезгілде қолдану ұсынылмайды.
Силденафил: силденафилдің әсері шамамен екі есе өсті, Форциппен бір мезгілде қолданғанда сақтық қажет.
Агомелатин, золпидем: олардың әсері айтарлықтай күшеюі мүмкін.
Арнайы сақтандырулар
Ауыринфекциялар: ауыр инфекцияларды тек бір Форцип препаратымен емдеу ұсынылмайды, мұндай жағдайларда жақсы әсер ету үшін оны басқа бактерияға қарсы препараттармен біріктіріп қолданады.
Аллергиялық реакциялар: егер бұрын құрамында хинолон немесе фторхинолон бар препараттарды қолданған кезде күрделі жағымсыз реакциялар байқалса, Форцип препаратын қолдануға болмайды. Форцип препараты емдеудің басқа ықтимал нұсқалары болмаған жағдайда ғана тағайындалуы мүмкін. Ауыр аллергиялық реакциялар (анафилаксиялық шокты және өмірге қауіп төндіретін сирек жағдайларда, сондай-ақ құрысулар, беттің, тілдің, тамақтың ісінуі, тыныс алудың айқын бұзылуы, әртүрлі тері аурулары, бүйрек, бауыр жұмысының бұзылуы, қан аздығы түріндегі қан тарапынан реакциялар, тромбоциттер, лейкоциттер санының төмендеуі және т.б.) бір дозаны қабылдағаннан кейін де дами алады. Мұндай жағдайларда препаратты қабылдауды тоқтатып, дереу дәрігерге жүгіну керек.
Терінің күн сәулесіне реакциясы: фотосезімталдық реакциялары дамуы мүмкін, сондықтан емдеу кезінде қарқынды күн сәулесінің немесе ультракүлгін сәулеленудің тікелей әсерінен аулақ болу керек.
Стрептококкты инфекциялар: тиімділігі жеткіліксіз болғандықтан Форцип препаратын қолдану ұсынылмайды.
Жыныстық жолмен берілетін инфекциялар: жыныс жолдары мен кіші жамбас ағзаларының қабыну аурулары, көптеген препараттарға төзімді гонорея қоздырғыштары тудыруы мүмкін, сондықтан емдеуді бастамас бұрын дәрігер қоздырғыштың Форцип препаратына сезімталдығын анықтауды ұсынуы мүмкін. Егер бұл мүмкін болмаса, ол басқа бактерияға қарсы препараттармен бірге қолданылуы мүмкін. Егер 3 күн емдегеннен кейін жақсару болмаса, емдеуші дәрігерге бару керек, себебі емдеуді түзету қажет болуы мүмкін.
Несеп шығару жолдарының инфекциялары: несеп шығару жолдарының ең жиі кездесетін қоздырғышы - ішек таяқшасы. Ол Форцип препаратының әсеріне сезімтал болмауы мүмкін, сондықтан менопаузаның алдындағы кезеңде асқынбаған циститті емдеу ұзақтығы ұзағырақ болуы мүмкін.
Құрсақішілік инфекциялар: операциядан кейінгі құрсақішілік инфекцияларды емдеуде Форцип препаратының тиімділігі бойынша деректер өте аз.
Несеп шығару жолдарының асқынған инфекциялары және пиелонефрит: несеп шығару жолдарының инфекцияларын Форцип препаратымен емдеуді басқа емдеу әдістерін қолдану мүмкіндігі болмаған жағдайда ғана жүргізеді және ол микробиологиялық зерттеу нәтижесін алғаннан кейін жүргізіледі.
Несепте кристалдардың пайда болуы: Форцип препаратын қабылдаған кезде, несептің сілтілік реакциясының пайда болуына байланысты, онда кристалдар пайда болуы мүмкін. Несеп концентрациясының жоғарылауын болдырмау үшін пациент сұйықтықтың жеткілікті мөлшерін қабылдауы керек. Бүйректің ауыр ауруында, дәрігер дозаны түзетіп, препаратты қабылдау арасындағы аралықты өзгерте алады.
Көру қабілетінің бұзылуы: кез келген көру бұзылысы кезінде емдеуші дәрігерге қаралу және окулисттен кеңес алу керек.
Орталық жүйке жүйесі тарапынан бұзылулар: Ципрофлоксацин құрысулардың дамуын қоздыратыны және бассүйекішілік қысымның жоғарылауын, мидың жалған ісіктерін, аяқ-қолдың дірілдеуін және бас айналуды тудыратыны белгілі. Эпилепсия ұстамасының даму жағдайлары байқалды. Ми тамырларының атеросклерозы, эпилепсия, бүйректің бұзылуы кезінде абай болу керек.
Психиканың бұзылуы: Ципрофлоксацинді алғашқы қабылдағаннан кейін де пайда болуы мүмкін және психоз, елестеулер, паранойя, депрессия, суицидтік ойлар, мазасыздық, қозу, мазасыздық/күйгелектік, сананың шатасуы, сандырақтау, бағдардан жаңылу немесе зейіннің бұзылуы, ұйқысыздық, қорқынышты түстер, есте сақтау қабілетінің нашарлауымен көрініс беруі мүмкін. Сирек жағдайларда депрессия немесе психоз суицидтік ойларға/ниеттерге, өзін-өзі өлтіруге әрекеттенуге және тіпті өзін-өзі өлтіруге әкелуі мүмкін, әсіресе егер бұрын депрессия болған болса. Осы жағдайлардың алғашқы белгілерінде Форцип препаратын қолдануды тоқтатып, дереу дәрігерге жүгіну керек.
Шеткергі нейропатия: сезімталдықтың бұзылуы мүмкін (күйдіру, шаншу, жыбырлату, тітіркендіргіштерге тері сезімталдығының төмендеуі, тітіркендіргіштерге талапқа сай емес реакция - ауыру немесе себепсіз қышыну және басқалар), дененің тұрақсыздығы, діріл сезімі. Симптомдар препаратты қабылдағаннан кейін көп ұзамай пайда болуы мүмкін және кейбір жағдайларда олар қайтымсыз болуы мүмкін.
Хинолондар мен фторхинолондар қабылдайтын пациенттерде өте сирек жағдайларда өлімге әкелетін және әлеуетті қайтымсыз немесе ұзақ (бірнеше ай немесе жыл бойы жалғасатын), организмнің бір немесе бірнеше жүйелеріне (тірек-қимыл аппараты, жүйке жүйесі, психика) әсер ететін күрделі жағымсыз реакциялар байқалды. Олар жасына және қауіп факторларына тәуелді емес. Кез келген күрделі жағымсыз реакцияның алғашқы белгілері кезінде Форцип препаратын қабылдауды дереу тоқтату және дәрігерге шұғыл қаралу керек.
Жүрек тарапынан бұзылулар: Форцип препаратын қолданғанда, мына жағдайларда жүрек ырғағының бұзылу қаупі жоғары:
Егде жастағы пациенттер мен әйелдер препараттың жүректің жиырылу жиілігіне әсеріне неғұрлым бейім. Осылайша, егер сізде жоғарыда аталған факторлар болса, Форцип препаратын қолданғанда сақ болу керек.
Құрсақішілік қабыну аурулары: операциядан кейінгі құрсақішілік ауруларды емдеуде Форцип препаратының тиімділігі туралы деректер шектеулі.
Саяхатшылар диареясы: дәрігер баратын елдерде Форцип препаратына қоздырғыштың сезімталдығы туралы ақпарат негізінде препаратты таңдайды. Форцип препараты саяхатшылар диареясының алдын алу үшін қолданылмайды.
Асқазан-ішек жолы: Форцип препаратымен емдеу кезеңінде немесе ол аяқталғаннан кейін (оның ішінде аяқталғаннан кейін бірнеше аптадан соң), ауыр және ұзақ диареяның дамуы антибиотикті қолданудан туындаған тоқішектің шырышты қабығының қабынуын көрсетуі мүмкін. Кейде бұл өмір үшін қауіпті болуы мүмкін, тіпті өлімге әкелуі мүмкін. Сұйық нәжіс пайда болған жағдайда препаратты қабылдауды дереу тоқтатып, дәрігерге қаралу керек. Тоқішектің шырышты қабығының қабынуы кезінде ішектің қозғалу белсенділігін төмендететін препараттарды қолдануға болмайды.
Қандағы глюкоза деңгейінің бұзылуы: қандағы глюкоза деңгейінің төмендеуі де, жоғарылауы да мүмкін. Бұл көбінесе диабетте, қандағы глюкоза (мысалы, глибенкламид) немесе инсулинді төмендететін пероральді препараттарды бірге қолданғанда болады. Қандағы глюкоза деңгейінің айтарлықтай төмендеуіне байланысты естен тану жағдайлары байқалды, бірақ қант диабеті кезінде қандағы глюкоза деңгейін мұқият бақылау қажет. Қандағы глюкоза төмендеген кезде препаратты қабылдауды тоқтатып, шұғыл түрде дәрігерге көріну қажет.
Организмде глюкоза-6-фосфатдегидрогеназа ферменті тапшылығы: Форцип препаратын қолданғанда қанның қызыл жасушаларының (гемолиздік реакцияның) мерзімінен бұрын бұзылуына байланысты қаны аздық дамуы мүмкін.
Препараттың әсеріне төзімділік: Форцип препаратын ұзақ уақыт қолдану қоздырғыш сезімталдығының төмендеуіне және ауру ағымының нашарлауына әкелуі мүмкін.
Сүйектер мен буындардың аурулары: ауру қоздырғышының сезімталдық нәтижелеріне байланысты Форцип препаратын басқа бактерияға қарсы препараттармен бірге қолдануға болады.
Сүйек-бұлшықет жүйесі: егер бұрын хинолондарды қабылдағаннан кейін дамыған сіңірлердің аурулары байқалса, онда Форцип препаратын қабылдауды бастамас бұрын бұл туралы емдеуші дәрігерге хабарлау керек. Форцип препаратын қолданғанда емдеудің алғашқы 48 сағатында немесе емдеу аяқталғаннан кейін, кейде екі Бұл қауіп егде жастағы адамдарда, гормондармен (кортикостероидтармен) бір мезгілде қабылдаған кезде, бүйрек, жүрек немесе өкпе трансплантациясы операцияларынан кейін, ауыр физикалық жүктемеден кейін, бүйрек ауруларында және ревматоидты артрит сияқты сіңір ауруларында жоғарылайды. Сіңірлердің қабынуы және үзілуі қауіп факторлары болмаса да дамуы мүмкін. Сіңір қабынуының алғашқы белгілері пайда болған кезде (мысалы, ауырсынатын ісіну), Форцип препаратын қолдануды тоқтатып, аяқ-қолды тыныштықта ұстап, дәрігерге қаралу керек.
Гравис миастениясының өршуі: Форцип препаратын қоса, фторхинолондар тобының препараттарын миастенияда қолдануға болмайды, себебі олар бұлшықет әлсіздігінің дамуына (өлімге дейін) ықпал етуі мүмкін.
Көру қабілетінің бұзылуы: көру нашарлаған кезде дереу емдеуші дәрігерге, сондай-ақ окулистке жүгіну керек.
Бауырға/өт шығару жолдарына/ұйқы безіне уытты әсері: бауырдың ауыр қабынуы дамуы мүмкін, сондықтан тәбеттің болмауы, сарғаю, несептің күңгірттенуі немесе қышынуды қоса, іштің ауыруы, бауыр ауруының кез келген симптомдары пайда болғанда, препаратты қабылдауды дереу тоқтату қажет. Бауыр ферменттерінің, сілтілі фосфатаза деңгейінің жоғарылауы немесе өт бөлінудің бұзылуына байланысты терінің және шырышты қабықтың сарғаюы, әсіресе бауырдың зақымдануы бар науқастарда байқалуы мүмкін.
Ықтимал дәрілік өзара әрекеттесулер: Форцип препаратымен бір мезгілде қолданғанда теофиллин, метилксантиндер, кофеин, клозапин, оланзапин, ропинирол, тизанидин, дулоксетин, агомелатин, золпидем сияқты препараттардың әсері күшеюі мүмкін, сондықтан жағымсыз жанама әсерлері туралы есте сақтау қажет. Дәрігер қандағы осы заттардың концентрациясын бақылай алады. Форцип препаратын метотрексатпен бір мезгілде қолдану ұсынылмайды, ал тизанидинмен және теофиллинмен қолдануға болмайды.
Клиникалық тексеру нәтижелеріне әсері: Форцип препаратының әсері туберкулез қоздырғышын анықтауға бактериологиялық зерттеудің жалған теріс нәтижесіне әкелуі мүмкін.
Спецификалық ауыр инфекцияларда қолдану: басқа препараттарды қолдану мүмкін болмаған және микробиологиялық зерттеу нәтижелері бойынша ауру қоздырғышының жақсы сезімталдығы кезінде ғана.
Бүйрек аурулары: бүйректің әсіресе ауыр ауруы кезінде жағымсыз реакциялардың даму қаупін азайту үшін Форцип препаратының дозасын түзетуге дәрігерге жүгіну қажет.
Егде жастағы пациенттер: дәрігер аурудың ауырлығына және бүйрек жағдайына сәйкес келетін дозаны тағайындайды. Қарттарда жүрек ырғағының бұзылуы жиі байқалады.
Сібір жарасының өкпедегі түрі: қолдану тәжірибесі шектеулі.
Муковисцидоз аясында бронх-өкпе аурулары: 5 жасқа толмаған балаларға қолдану тәжірибесі шектеулі.
Аневризма және қолқаның қатпарлануы: Аневризманың даму қаупі жоғары, сондай-ақ жүректің аорта және митральды клапандары арқылы қанның кері ағуы және жүрек клапандарының туа біткен ақаулары болғанда егде жастағыларда аортаның стратификациясы дамуы мүмкін, бұрын өзінде немесе жақын туыстарда аневризмасы болған, аневризманың және қолқаның қатпарлануына бейім жағдайларда (мысалы, Тернер синдромы, гипертензия, ревматоидты артрит, атеросклероз), сондай-ақ аневризма мен аорта қатпарлануы (мысалы, Такаясу артерииті немесе ірі жасушалы артериит сияқты тамыр аурулары немесе атеросклероз немесе Шегрен синдромы), сондай-ақ жүрек клапандарының регургитациясы/жеткіліксіздігі (мысалы, инфекциялық эндокардит).
Жүйелі кортикостероидтармен бір мезгілде ем қабылдайтын пациенттерде аневризманың және аортаның қатпарлануы, сондай-ақ үзілу қаупі артуы мүмкін.
Кенеттен ентігу пайда болған, алғаш рет жүрек соғысы пайда болған, сондай-ақ құрсақ қуысының немесе аяқ-қолдардың ісінуі дамыған жағдайда пациенттерге дереу медициналық көмекке жүгіну ұсынылады.
Педиатрияда қолдану
6 жастан асқан балалар мен жасөспірімдерге ұсынылатын дозаны және қабылдау реттілігін қатаң сақтау қажет. Оларда сүйектер мен буындар тарапынан ақсау, зақымданулар, шеміршек эрозиясы және сирек - буындардың зақымдануы түрінде жағымсыз реакциялар жиі байқалады.
Жүктілік немесе лактация кезінде
Жүктілік
Шарананың және нәрестенің құрсақішілік дамуының бұзылуын көрсететін деректер жоқ. Препараттың құрсақта буын шеміршегінің зақымдануын тудыруы мүмкіндігін жоққа шығаруға болмайды, сондықтан жүктілік кезінде Форцип препаратын қолдануға болмайды.
Бала емізу
Ципрофлоксацин организмнен ана сүтімен шығарылады. Бала буындарының зақымдану қаупіне байланысты Форцип препаратын бала емізу кезінде қолдануға болмайды.
Дәрілік препараттың көлік құралын немесе қауіптілігі зор механизмдерді басқару қабілетінеәсер ету ерекшеліктері
Препарат психомоторлық реакциялардың жылдамдығын төмендетеді, мұны көлік құралдарын басқару және зейін қоюды қажет ететін механизмдермен жұмыс жүргізу кезінде ескеру қажет.
Дозалау режимі
Препаратты қабылдау режимін дәрігер аурудың орналасуы мен ауырлығына, организмнің жағдайына, жасына, дене салмағына, бүйректің жағдайына байланысты жеке белгілейді. Емдеу ұзақтығы аурудың ауырлығына және қоздырғыштың түріне байланысты.
Кішіжамбас ағзалараның қабыну аурулары, құрсақішілік инфекциялар, нейтрофилдер саны төмен пациенттердегі инфекциялар, сүйектер мен буындардың инфекциялары сияқты кейбір ауруларды емдеу үшін қоздырғыштың түріне байланысты Форцип препаратының жоғары дозалары және/немесе басқа да бактерияға қарсы препараттармен бір мезгілде тағайындау қажет болуы мүмкін.
Ересектер: ауырлық дәрежесі жеңіл және орташа ауруларда - тәулігіне екі рет 500 мг. Ең жоғары бір реттік доза – 750 мг, ең жоғары тәуліктік доза – 1500 мг.
Төменгі тыныс алу жолдарының инфекциялары: 500-750 мг, күніне 2 рет, 7-14 күн.
Жоғарғы тыныс алу жолдарының инфекциялары
Созылмалы синуситтің жедел асқынуы: 500-750 мг, күніне 2 рет, 7-14 күн.
Созылмалы іріңді ортаңғы отит: 500-750 мг, күніне 2 рет, 7-14 күн.
Қатерлі сыртқы отит: 750 мг, күніне 2 рет, 28 күннен 3 айға дейін.
Несеп шығару жолдарының инфекциялары
Қуықтың асқынбаған қабынуы: 250-500 мг, күніне 2 рет, 3 күн.
Қуықтың асқынған қабынуы, асқынбаған пиелонефрит: 500 мг, күніне 2 рет, 7 күн.
Асқынған пиелонефрит: 500-750 мг, күніне 2 рет, 10 күн, бірақ кейде 21 күннен артық (мысалы, абсцесс кезінде).
Простатит: 500-750 мг, күніне 2 рет, 2-ден 4 аптаға дейін (жедел түрінде) және 4-6 апта (созылмалы түрінде).
Жыныстық жолдардың инфекциялары
Гонокококктықинфекциядан туындаған несеп шығару өзегінің және жатыр мойнының қабынуы,: бір реттік доза, 500 мг.
Аталық бездің және оның қосалқысының қабынуы, кіші жамбас ағзаларының қабыну аурулары: 500-750 мг, күніне 2 рет, кем дегенде 14 күн.
Асқазан-ішек жолдарының инфекциялары және құрсақішілік инфекциялар
Бактериялардан туындаған жиі сұйық нәжіс (1 типті дизентерияны тудыратын ішек таяқшасынан басқа және аурудың қоздырғышы белгісіз кезде саяхатшылардың ауыр диареясын емдеу үшін): 500 мг күніне екі рет, 1 күн.
Инфекциялық диарея (оның ішінде 1 типті дизентерия қоздырғышынан туындаған): 500 мг, күніне екі рет, 5 күн.
Тырысқақ қоздырғышынан туындаған диарея: 500 мг, күніне екі рет, 3 күн.
Ішсүзек: 500 мг, күніне екі рет, 7 күн.
Құрсақішілік инфекциялар: 500-750 мг, күніне 2 рет, 5 күннен 14 күнге дейін.
Терінің және жұмсақ тіндердің инфекциялары: 500-750 мг, күніне екі рет, 7-14 күн.
Сүйектер мен буындардың инфекциялары: 500-750 мг, күніне екі рет, 3 айға дейін.
Қан құрамында нейтрофильді лейкоциттер мөлшері аз науқастарда инфекциялық ауруларды емдеу немесе профилактикасы (әдетте басқа антибиотикпен ( термен ) біріктіріп): 500-750 мг, күніне екі рет.
Neisseria meningitidis туындатқан аурулардың профилактикасы: 500 мг, бір рет.
Препараттардың пероральді дәрілік түрлерін қабылдауға қабілетті пациенттерде сібір жарасының өкпедегі түрінің профилактикасы және емдеу (болжанған немесе расталған әсерден кейін мүмкіндігінше тезірек бастау керек): 500 мг, күніне екі рет, 60 күн, сібір жарасы қоздырғышының әсері расталған сәттен бастап.
Басқа қолайлы дәрілік препараттар болмаған жағдайда балалар мен 6 жастан асқан жасөспірімдерді Форцип препаратымен емдеу келесі жағдайларда жүргізілуі мүмкін.
Муковисцидоз: 20 мг/кг дене салмағына, күніне 2 рет (750 мг ең жоғары тәуліктік дозаға дейін), 10-14 күн.
Несеп шығару жолдарының асқынған инфекциялары және пиелонефрит: дене салмағының 10 мг/кг-дан 20 мг/кг дейін, күніне 2 рет (750 мг ең жоғары тәуліктік дозаға дейін), 10-21 күн.
Препараттардың пероральді түрлерін қабылдауға қабілетті пациенттерде сібір жарасының өкпедегі түрінің алдын алу және емдеу: дене салмағының 10-15 мг/кг, күніне 2 рет (750 мг ең жоғары тәуліктік дозаға дейін), қоздырғыштың әсері расталған сәттен бастап 60 күн.
Басқа ауыр инфекциялар: 20 мг/кг дене салмағына, күніне 2 рет (750 мг ең жоғары тәуліктік дозаға дейін), қоздырғыштың түріне сәйкес.
Бүйрекжәне/немесе бауыр функциясы бұзылған балаларға препараттың әсері белгісіз.
Егде жастағы пациенттер: аурудың ауырлығына және бүйрек жұмысының жағдайына сәйкес келетін доза ұсынылады.
Бауыр және бүйрек жеткіліксіздігі бар пациенттер: бүйрек аурулары бар пациенттер үшін препарат дозасын дәрігер жеке таңдайды, емдеу оның қатаң бақылауымен жүргізіледі.
Бүйрек функциясы қалыпты болғанда әдеттегі доза тағайындалады;
орташа айқын бұзылулар кезінде - әр 12 сағат сайын 250-500 мг;
ауыр жағдайда - әр 24 сағат сайын 250-500 мг;
гемодиализдегі пациенттерге - әр 24 сағат сайын 250-500 мг (диализден кейін);
перитонеальді диализдегі пациенттерге - әр 24 сағат сайын 250-500 мг.
Бауыр функциясы бұзылған пациенттерге дозаны түзету қажет емес.
Таблеткаларды шайнамай және сұйықтықпен іше отырып жұту керек. Таблеткаларды тамақтану уақытына қарамастан қабылдауға болады. Ашқарынға қабылдағанда, препарат тезірек әсер етеді. Форцип препаратының таблеткаларын сүт өнімдерімен (мысалы, сүт, йогурт) немесе минералдармен байытылған жеміс шырынымен (мысалы, кальциймен байытылған апельсин шырынымен) бір мезгілде қабылдауға болмайды. Жоғары концентрацияланған несеп түзілуінің алдын алу үшін емдеу кезеңінде сұйықтықты жеткілікті мөлшерде қабылдау қажет. Аурудың ауыр ағымында және/немесе таблеткаларды ішке қабылдау мүмкін болмағанда, алдымен емдеу антибиотиктің инфузиялық түрлерін вена ішіне енгізу арқылы, содан кейін – Форцип препаратының пероральді түрін қабылдау арқылы жүргізілуі мүмкін.
Емдеу ұзақтығы
Емдеу ұзақтығы аурудың түріне, ауырлығына және емдеу әсеріне байланысты. Көптеген аурулар үшін емдеу симптомдар жоғалғаннан кейін кемінде 48 сағат бойы жалғасады. Емдеудің орташа ұзақтығы 5-10 күн, бірақ ауыр немесе асқынған ауруларда ұзақ емдеу курсы қажет болуы мүмкін.
Артық дозалану жағдайында қабылдау қажет болатын шаралар
12 г ципрофлоксацинді қабылдағаннан кейін артық дозалану жеңіл уытты көріністерге алып келгені, 16 г жедел артық дозалануы бүйректің жедел ауруын тудырғаны хабарланды.
Симптомдары: бас айналуы, дене бөліктерінің немесе бүкіл дененің бұлшықет жиырылуынан туындаған еріксіз, ырғақты қозғалысы, бас ауыруы, шаршау, құрысулар, елестеулер, сананың шатасуы, іштегі жайсыздық, бүйрек (қайтымды болуы мүмкін) және бауыр функциясының жеткіліксіздігі, несепте кристалдардың пайда болуы, несептегі қан.
Емі: асқазанды шаю, белсендірілген көмірді пероральді қабылдау, медициналық бақылау. Сұйықтықтың жеткілікті мөлшерін қабылдау қажет. Қажет болған жағдайда дәрігер қажетті демеуші ем тағайындай алады (мысалы, кальций, алюминий немесе магний бар тұз қышқылын бейтараптандыруға арналған препараттар (антацидтер). Кейде ЭКГ, бүйрек жұмысын, несепті (кристалдардың түзілуінің алдын алу үшін) бақылау қажет болуы мүмкін. Гемодиализ және перитонеальді диализ тиімсіз.
Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар
Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну ұсынылады.
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес).
Жиі
-жүрек айнуы, сұйық нәжіс
- буындардың зақымдануы (балаларда).
Жиі емес
- ауыз қуысының, асқазан-ішек жолының немесе жыныстық ағзалардың зеңдік зақымдануы.
-тәбеттің төмендеуі, ауыздың құрғауы, құсу, іштің ауыруы, іштің жоғарғы бөлігінде ауырсыну немесе жайсыздық, жұтынудың бұзылуы, терінің және шырышты қабаттардың иктериялық бояуы, іштің кебуі, ауыз қуысының шырышты қабығының қабынуы.
- қозу, абдырау, құрысулар, галлюцинация, бас ауыруы, бас айналуы, ұйқының бұзылуы (ұйқышылдық, ұйқысыздық), тремор, тітіркендіргіштерге сезімталдықтың төмендеуі).
-АЛТ, АСТ бауыр ферменттерінің, сілтілі фосфатаза, қандағы билирубиннің өтпелі жоғарылауы, мочевина, гамма-ГТ, лактатдегидрогеназаның уақытша жоғарылауы, зәрдегі ақуыздың пайда болуы, қандағы креатинин деңгейінің төмендеуі, холестериннің, қандағы зәр қышқылының жоғарылауы, эритроциттердің шөгу жылдамдығының (ЭШЖ) жоғарылауы, тері бөртпесі, қышу, тез дамып келеді.
-тері бөртпелері, қышыну, тез өршитін, қатты қышитын, күйіктен болатын күлдіреуіктерге (есекжем) ұқсас терідегі бозғылт-қызғылт күлдіреуіктер, макулопапулярлы бөртпе, агранулоцитоз, қандағы гранулоциттер санының азаюы, анемия, эозинофилдер санының артуы.
- қаңқа-бұлшықет ауыруы (мысалы, аяқ-қолдың, арқаның, кеуденің ауыруы), буындардың ауыруы.
- көру қабілетінің бұзылуы, дәм сезу қабілтінің бұзылуы, құлақтың шуылы
Сирек
- тоқішектің шырышты қабығының ауыр қабынуын қоса, антибиотиктерді қабылдаудан туындаған жиі, сұйық нәжіс (өте сирек өлімге әкелуі мүмкін)
- тромбоциттер санының өсуі немесе азаюы, нейтрофилдер санының азаюы, анемия, протромбин деңгейінің бұзылуы.
- анафилактикалық/анафилактоидты реакциялар, терінің терең қабаттарының және теріасты тіндерінің тығыз, асимметриялы, ауыртпалықсыз ісінуі (сонымен қоса, беттің, қан тамырларының және көмейдің ісінуі), есірткі безгегі, геморрагиялық көпіршіктер және ұсақ түйіндер (папула), қабығы, васкулит, петехия (терідегі қан кетулер), қышу, сарысулық ауруға ұқсас реакция, Стивенс-Джонсон синдромы (өмірге қауіпті).
- бронхоспазм, ентігу (оның ішінде демікпе).
- ацидоз, электролиттік бұзылыстар, гематурия, гиперкальциемия, гипокальциемия және липазаның жоғарылауы, қандағы глюкоза деңгейінің жоғарылауы немесе төмендеуі, амилазаның жоғарылауы.
- бағдардан жаңылу, үрейлену, ерекше түс көру (қорқынышты түстер), депрессия (суицидтік идеялар/ойлардың ықтимал көрінісі, өзіне-өзі қол жұмсауға әрекет жасау, аяқталған суицидтер), сезімталдықтың бұзылуы (күйдіру, шаншу, жыбырлатуды сезінумен сезімталдықтың бұзылуы, көрінетін себептерсіз ауырсыну немесе қышыну, тітіркендіргіштерге терінің төмен сезімталдығы (ауырсыну сезімін қабылдаудың бұзылуы), құрысулар (ұзақ эпилепсиялық құрысуды қоса -статус), жалпы әлсіздік, шаршағыштық, өлім.
- уақытша саңырау (әсіресе жоғары жиілікте), дәм сезу қабілетнің нашарлауы/жоғалуы.
- жүрек қағу, флебит, тромбофлебит, тахикардия, қан қысымының төмендеуі, естен тану.
- бауыр функциясының жеткіліксіздігі, өттің түзілуі мен бөлінуінің бұзылуы (терінің, аққабықтың сарғаюымен), бауырдың қабынуы
-бұлшықет ауыруы, буындардың қабынуы, бұлшықет тонусының жоғарылауы мен бұлшықет спазмы
- бүйрек функциясының бұзылуы, бүйректің жедел жеткіліксіздігі, зәр шығару жүйесінің бұзылуы, қынаптан ақ бөліністер, зәрдегі интерстициальды нефрит, несеп шығарудың іркілуі, қынаптың қабынуы, несепте кристалдардың пайда болуы.
- қатты тершеңдік, терінің күн сәулесіне реакциясы, терінің аллергиялық реакциясы, спецификалық емес күлдіреуіктер.
Өте сирек
- қан жасушаларының мерзімінен бұрын бұзылуынан туындаған қан аздық, өмірге қауіпті қан жасушаларының барлық үш түрінің (эритроциттер, лейкоциттер және тромбоциттер) жеткіліксізділігі, өмірге қауіпті сүйек кемігінің тежелуі
- анафилаксиялық шок (өмірге қауіп төндіретін)
- психоздық реакциялар (суицидтік идеялармен/ойлармен, әрекеттермен немесе аяқталған суицидпен аяқталуы мүмкін)
-бас сақинасы, апатия, иесіздендіру, аяқ-қолдағы еркін қозғалыс мүмкіндігінің толық жоғалуы (гемиплегия), қимыл үйлесімділігінің бұзылуы, қозғалыс үйлесімділігінің бұзылуы, жүрістің бұзылуы, иіс сезу бұзылыстары, (паросомия), аносмия (әдетте препараттың қолдануын тоқтатқаннан кейін қалпына келеді), гиперестезия, менингизм, нервоздық, неврит, полиневрит, түйілу, үлкен конвульсия, шығу тегі белгісіз бас сүйек ішілік қысым, бассүйекішілік қысымның жоғарылауы, мидың жалған ісігі.
- түсті дұрыс емес қабылдау, негізгі түстердің біреуін ғана қабылдау арқылы түс қабылдаудың бұрмалануы, барлық немесе кейбір түстерді көре алмау немесе ажырата алмау, конъюнктивит, мөлдір қабықтың бұлыңғырлануы, көзге қосарланып көріну, электрокардиограммадағы бұзылулар, ысынулар, қан қысымының жоғарылауы, жүректің нұрлы қабығының қабынуы (перикард), өкпе эмболиясы, кеуде ауыруы, естен тану, бүйрек вакулиті, вазодилатация.
- ұйқы безінің қабынуы, бауыр некрозы (өмірге қауіпті бауыр функциясының жеткіліксіздігіне дейін өте сирек үдейтін), іш қату, өңештің қабынуы, тілдің шырышты қабығының қабынуы, бауырдың патологиялық ұлғаюы, ішектің бітелуі, ішектің тесілуі, тенезмалар, тістер түсінің өзгеруі, жуан ішектің жедел кебуі (уытты мегаколон), ауыз қуысының шырышты қабығындағы ойық жаралы қабыну.
- бастағы шаштың ішінара немесе толық түсуі, мультиформалы эритема (елеулі емес), түйінді эритема, мультиформалы эритема, түйінді эритема, бөртпенің, үлкен жалпақ көпіршіктердің және кең қызыл қызыл эрозиялардың (уытты эпидермальды некролиз) өмірге қауіп төндіретін аллергиялық қабынуы өмірге әлеуетті қауіпті, бөртпелер, үлкен жалпақ көпіршіктер және ашық қызыл түсті ауқымды эрозиялар пайда болатын терінің аллергиялық қабынуы (уытты эпидермалық некролиз).
-адамның жүйкесі мен бұлшықеттерін зақымдайтын ауыр аурудың асқынуы (гравис миастениясы).
- бұлшықет әлсіздігі, тенденит, сіңірдің үзілуі (негізінен ахиллес сіңірі).
Белгісіз
- антидиурездік гормон секрециясының бұзылуы синдромы
-бір немесе бірнеше шеткері жүйкенің зақымдануы
- қоздырғыштан депрессияға (манияға), оның ішінде гипоманияға күрт ауысуы бар сырқаттанушылық психикалық жағдай
- қарыншалық аритмия, "пируэт" типті полиморфты қарыншалық тахикардия (көбінесе QT аралығының ұзару қаупі факторлары бар пациенттерде), ЭКГ-де QT аралығының ұзаруы
- жедел жайылған экзантематозды пустулез, эозинофилдер санының ұлғаюымен және ішкі ағзалар тарапынан симптомдармен дәрілік препаратқа аллергиялық реакция
- қандағы глюкоза деңгейінің күрт төмендеуі кезінде дамитын шектік жағдай (гипогликемиялық кома)
- К дәруменінің әсеріне қарсы әсері бар препараттарды қабылдаған пациенттерде қан ұю көрсеткіштерінің жоғарылауы.
